كتر التعتير من قلة التدبير
دنب الكلب أعوج ولو حطوه بستين قالب
الخالة مرت الأب
بغضة من عند الرب
لا بتحب
ولا بتنحب
ابن الابن ابن الحبيب
وابن البنت ابن الغريب
ما أغلى من الولد إلا ولد الولد
بعد العرس مافي قرص
وكمان
الحجر اللي مابيعجبك بفجك
وكمان
ال ياعمي صير ابي قالو روح اركض العاب ياصبي
وكمان
الي بيسبق بياكل فستق
بحبك بمرقلك زلط
ما بحبك بوقفلك ع غلط
جاجي حفرت وع راسا عفرت
الولد ولد ولو عمر بلد
من الأمثال الحمصية النادرة :
أمثال تتعلق بالرزق والمحلات :
1- حرك بضاعتك الله بيجبرها
2- الفاكهة بالنظر
3- سعى سعي الوحوش غير رزقك ما بتحوش
4- ( ابن آدم فيه شامة ) يعني أذا كان في شي عيبة صغيرة بالبضاعة بقولوا هيك
5- ( اذا وقع كلب بالبير بكبوا 30 سطل بيطهر البير ...بس اذا وقع سمسار بيردموا البير )
أمثال تتعلق بإخواننا البدو
1- ( بدوية وصار عندها زيت ) يعني صارت تحط لكل شي زيت حتى للغسيل ..
2- (البدوي إذا حبك أكلك ...واذا بغضك قتلك )
3- ( البدوي إذا تمدن متل ج إذا تكدن .)
4- ( أهل الغنطو بياخدوا وما بينطوا)
أب ربى ألف ولد والف ولد ما ربوا أب
شاكرية وبرغل اكلة ما بتبطل ....... !!!
حبيبك بتحبه لو كان عبد أسود
اللي من إيدو الله يزيدو
قال اذا حبيت حب أمير اذا عيروك تستاهل التعير
قال اهلي بحبوني غنية... و جوزي بحبني قوية (يعني ما مريضة)
و الي بياكل عضرسو بينفع نفسو
الكذب ملح الرجال
واللي ما بيشوف من الغربال أعمى
ام الولد الله حيرها وام العشرة الله دبرهة
وفي هاد المتل بؤلوابي على طول0حط بلخرج
مين طلع من دراره
قل مقداره
يا جاي بلا عزيمة ... لا قدر ولا قيمة
لاتقول فول ليصير يالمكيول
الطاقة الي بيجي منها ريح سدها وستريح
يا داخل بين القشرة وبصلتها ما بنوبك غير ريحتا
امشي الحيط الحيط وقول يارب السترة
بيخطف الكوباي من راس الماعون
ركبناه على الحمار مد ايدو عاالخرج
الي بقلل عقلو بيتعبو رجليه
الجنازة حامية والميت كلب
متل مشوار الكلا ب كلو بهدلة وغبرا وقلة واجب
بساوي السوايا وبيتخبا بالزوايا
الي عجبو عجبو والي مو عاجبو يطلع على الحيط يهز بدنبو
ابنك اذا كبر خاويه
قلبي عاى ابني وقلب ابني عالحجر
مو كل مرة بتسلم الجرة
كوم حجار ولا هالجار
الي ما بياخد من ملتو بموت بعلتو
بلدياتنا وتوبو من توبنا
الجار ولو جار
خلو الاصايل على معالفها حتى يجي مين يوالفها
خلو العسل بكوارو حتى تجي اسعارو
الي ببيت أهلو على اقل من مهلو
مو كل مين صف الصواني صار حلواني
عطي الخباز خبزو لو اكل نصو
وضربة المعلم بألف لو شلفها شلف
احترنا يا قرعة من وين بدنا نمشطك
الجقمة بعلكين والقرعة بمشطين
