المشاركة الأصلية كتبت بواسطة saherrr
يا اخي الكريم هل تضمن لي حياة كريمة ؟؟؟؟؟؟؟؟ بعد النظام وانا لست من من صنفتهم بالمستفيدين بل انا من من صنفتهم بالمطبل ومزمر
وان معك فلنهتف لا للظلم من الان فصاعدا وثورة ثورة على الفساد فنحن الان امام فرصة تاريخية لتغير سلوك النظام فلنستفد من تجارب الاخرين
والنظام اخذ الدروس والعبر من تجارب الاخرين وليس امامه الخيار سوى تغير سلوكه فلنصبر ونرى
وان ارجو ان نسير نحو الاصلاح مثل التجربة الماليزية التي ادهشت العالم او التركية
ولا اريدها تجربة ليبيا او العراق
او مصر او تونس لانها للان لم تثبت اي من هذه التجارب شيئا بل هي مازالت بالمجهول
فلا تنسى ان النظام في مصر وتونس لم يتغير بل ابعد الرئيس وبعضا ممن حوله فقط ومازال التخبط قائما وسيبقى الى ماشاء الله
وارجو ان تخبرني عن نظام واحد في الدنيا ليس له اذرع امنية ومظلومين ومحرومين حتى عبر التاريخ
وزمن خطف الناس من بيوتها اعتقد انه سوف ينتهي بالقريب العاجل ان شاء الله
وممكن تفسر لي اهتمام امريكا بطل الملوحي تحديدا وعدم اهتمامها ب اكتر من 11000 فلسطيني اسير منهم 3000 نساء واطفال
واهتمام امريكا الحرة الديمقراطية المدافعة عن حقوق الانسان بجلعاد شاليط الجندي الاسرائيلي وعدم اهتمامها بسجناء غوانتانامو
واهتمام العالم كله بكوريا الشمالية ونظامها القمعي وعدم اهتمامها ب اكتر من مائة واربعين الف سجين عراقي
وعدم اهتمامها بسجناء الرأي بالسعودية مثلا او الكويت او البحرين او اي دولة موالية للغرب
ممكن تقلي طل الملوحي او سهير الاتاسي او غيرهم شو عملو وليش بهاد الوقت بالذات ومين وراهم لنعرفت اسمائهم للعالم كله مع انو على حكيك انو في كتير شباب بينخطفو من بيوتهم ولا احد يجرأ السؤال عنهم
وانا لا اقصد تخوين احد بس هي اسئلة بدي اجوبة عليها
ليش الوضع بسوريا اول خبر ومع تضخيم رهيب والوضع بالبحرين والسعودية منسي
ليش حقوق الانسان يلي كلها خرجت تتكلم عن الوضع بسوريا ما بتحكي عن الوضع بفلسطين وبالسعودية وبالعراق وبفرنسا بالنسبة للمهاجرين
وين احترام حقوق الانسان بحرق القرأن الكريم
هاد كله يلي لازم يخلينا نقول لا للظلم ولا للتميز بالمواقف بين دولة واخرى
سوريا ياعزيزي مع كل المظالم يلي فيها هي اخر القلاع العربية واخر واجهة للكرامة والعزة العربية وهاد يلي مصبر اهلها وهاد يلي عم يخليني اكتبلك هاد الكلام
لاني انا مع الاصلاح والتغيير والتطوير والحرية بس انا مع الحفاظ على سوريا المقاومة الحرة الابية يلي قرارها ذاتي مع كل الضغوط يلي تمارس عليها
ونحنا ما لازم باي حال من الاحوال نكون جزء من هي الضغوط
خلينا نضغط لتحسين الحريات والمعيشة ومكافحة الفساد والفاسدين بس بالحفاظ على بلدنا
والناس بسوريا بتحب بعضها بس الجزء المظلم فينا من وهن وفساد هو يلي بكرهنا ببعض فاذا اخذنا فكرة لا للفساد النظام ماعندو خيار الا الاستجابة ولح يصير متل مابدنا واحسن
واللهم ارني الحق حقا وارزقني اتباعه وارني الباطل باطلا وارزقني اجتنابه . والسلام عليكم