انا بالنسبة الي اولا عندما تاتي اختي لتقول لي عن هذا الامر فهذا لانها تثق فيني وبرايي وشو مانع انو البنت تحب اللي بيمنع انو تخرج عن الحدود والضوابط اكيد راح ساعدها وانصحها واعرف عن الشب اللي لازم اعرفوا لانها ما بتعرف تفكير الشباب
انا بالنسبة الي اولا عندما تاتي اختي لتقول لي عن هذا الامر فهذا لانها تثق فيني وبرايي وشو مانع انو البنت تحب اللي بيمنع انو تخرج عن الحدود والضوابط اكيد راح ساعدها وانصحها واعرف عن الشب اللي لازم اعرفوا لانها ما بتعرف تفكير الشباب
السلام عليكم
بصراحة الموضوع هاد كتير حساس ومابعتقد في رجال بيتقبل إن إختو تعترفلو بهيك شي
مع إنو يمكن يكون هو كمان بيحب إنسانة وبتحبو
وبصراحة الأغلب بهيك مواقف راح تكون رد فعلو عنيف مع إختو وراح يتصل بالشب ويهددو كمان
بس بصراحة أنا لو كنت شب ماراح إتسرع بأي تصرف لأن طالما إجت صارحتني بهيك موضوع أكيد هي ماعم تعمل شي بعيد عن الأدب والدليل صراحتها معي و لأن هاد طبعي ولازم أتصرف بحكمة وخاصتا لو كانت إختي بسن مراهقة لأن السن هاد صعب وخطير وحساس وكمان لأن القسوة راح تولد عِند وعداوة بيني وبينها وبكل الأحوال لازم أقدر أحتوي الوضع واسيطر عليه منشان مصلحت إختي
وشكرا كتير على الموضوع المهم جدا
ياما سمعنا على أضرار صارت بسبب هيك أمور
موضوع يحتاج لنقاش فعلا
رأيي أخ صقر كلاتي
إزا كان صاحب البيت للدف ضاربي فشيمة أهل بيته الرقصي
يعني ما معؤول انو هالاخ ما يكون حب قبل هيك او اخوها التاني او التالت او حتى ابوها معؤوله ما حبو بنت بيوم من الايام
ولا يعني احرام عليها الحب وحلال لهم الحب
بالتاكيد لو رفض هالشي راح تقللو لا تنهى عن خلق وتأتي بمثله عار عليك ان فعلت عظيما .. لزلك لو ايضا اتصل بالشاب ومنعو من محاكاتا ممكن يزداد اصرار البنت لانو بهيك استخدمت اسلوب خارج عن عواطف البنت
وبالنهايه هاي عواطف وحب
وشي ربنا ما حرمو .. لزلك انا لو مكانو بقولها وبكل موضوعيه وعقلانيه وصدق - بدرس الموضوع دراسه ايجابيه وبقدر المستطاع بستخدم النواحي الايجابيه حتى لا أوقع الظلم على اختي إلا في حال -- في عوائق تمنع هالشي وهاد طبعا بالشخص يللي بيحب ازاكان في عوائق تمنع وبشده ممكن استخدم اسلوب الرفض ولكن بعقلانيه وبايجبيه
في النهايه ما بقدر انهي شخص عن شي انا فعلتو واكيد ما فينا انسان ما حب بنت
تقبل مروري صقر وتحياتي لإلك ولموضوعك الرشيق
Aramees
شكرا لمروركم
أنا أقول لها زبطيلي أخته:z019:
والله يا اخي هيك موضوع حساس شوي وفضفاض بنفس الوقت يعني الوضع بيختلف بين ما تكون قصة حب عمرها سنين او حب من بعيد لبعيد او يكون فيه مشاوير وحب الفتاة في فترة المراهقة بيختلف عن حب الفتاة في عمر ال25 اكيد
بتمنى تكون وصلت فكرتي.
تقبلوا تحياتي
مشكور اخي حسن لمرورك
سامحنا ياغالي بس هالانترنت جاب كل المصايب والفضايح
وبالاخيرررررر (بترجع للترباية)
حلوة والله قال رفيقها بالعمل كملت لكاً
صار البنت بدا تشتغل..
وشكراً.
سلامات شباب
الموضوع جميل ورائع
لكن الردود عموما تعكس برأي مدى التخلف والتحجر الفكري في عقول شبابنا
شباب ما زال يقيس أيامه هذه بقياس الجمل والكهف
هذا رأيي بمعظم آراء الشباب السوري الذين كتبوا ردودهم من كهوف أفغانستان
أما ردة فعلي على مصارحة أختي لي بعلاقة حبها لشاب آخر
فسأشكرها على صرحتها وساشجعها أكثر على أن تكون صريحة وواضحة معي وسأجلس معها وأسألها عن الشاب
وعن مفهومها للحب وما الذي أحبته فيه
وهل هذه العلاقة حب حقيقي أم مراهقة أم انبهار .. وهل يخططان للزواج؟ وهل الشاب أهل لها ومؤهل لحمل المسؤولية
وبناء على حوارنا أقرر أن أتعرف على الشاب اذا وجدت من حديثها أن الشاب محترم وجاد
أو أطلب منها أن تقطع علاقتها به أو... يعني حسب الموقف
بس أكيد ما راح أذبح أختي.. لأن رسول الله لم يذبح زوجته عائشة عندما شهد عليها ثلاثة رجال من الصحابة ومعهم امرأة يوم(( الافك))
وقال تعالى: ((ان الذين جاؤوا بالافك عصبة منكم)) اي من جماعة المؤمنين ورغم هذا تريث النبي شهرا حتى جاءه الوحي
لذلك أقول لكل من تكلم بالدين والذبح أن الذبح بدعة
والا ليذكروا لي صجابيا أو تابعيا ذبح ابنته أو أخته أووووووووووو
شو فيها هيدي بقى
معقول مثلا ما تحب
اصلا اذا ما حبت لازم يشفلها طبيب نفساني لانو اي انسان متعلم بيعرف انو الحب غذاء الروح و اللي ما بيحب يكون عندو امراض نفسية
انا عندي 3 اخوة شباب بس حبيت قلتلن و قالولي انت بتعرفي تتصرفي وما منخاف عليكي خليكي ضمن الاصول و اذا اتفاهمتو جيبيه عالبيت
الواحد بس يربي و يعلم بنتو او اختو و بعدها ما يخاف عليها وين ما كانت ومع مين ما كانت
في للبيوت ابواب بتندق وتنسمع
مرحبا أخي صقر الحنون
انا بعرف إن ردي إجا متأخر
المهم انا كتير إنزعجت من طريقتك بالتعليق على رأيي بالموضوع وبحب قلك إنك مافمت قصدي
وانا قلت رأيي بكل واقعية وانا مش صغيرة بالعمر ومثل مابيقول المثل عيش كتير بتشوف كتير
بحب قلك إنو لو إنت إنسان متفهم فأكيد مو كل الشباب مثلك
وبالنهاية كل شخص راح يكون رد فعلو بهيك مواضيع مختلف عن الثاني وهذا على حسب شخصيتو وخبرتو بالحياة
ياريت المرة الجاية ماتتسرع بالرد
وشكرا
االعفو أخي صقر
بس أنا قريت الأراء والردود لكن للأمانة مو الكل
بس انا عندي 4 إخوي وأخدت رأيهم في الموضوع ولقيتو بصراحة ردهم عنيف إلا أخي الكبير
وبصراحة البلد إللي انا عايشة فيها وإنت كمان بشوف أكتر المشاكل العائلية فيها من نفس الموضوع
وشكرا على إهتمامك
وأنا كمان بعتذر لوأزعجتك
الاختلاف في الرأي ****سد للود قضية اختي الكريمة .. الحنون ماقال شي هو عبر عن وجهة نظرو فقط لاغير ومن غير اي غلط
بس انتي شكلك فهمتي غلط .. على كل حال شكرا جزيلا على مشاركاتك واهلا وسهلا فيكي بكل وقت
محبتي