مصطلحات حمصية هامة لمن يريد زيارة حمص
]قرني أي الزاوية
زابوق أي شارع فرعي
تكاي أي مسند
طراحة أي اسفنجة
قاطع أي صوفا
ميكب أي بيك آب
إيداي أي يديه
إجراي أي رجليه
لبخة أي كمادة
شاروخ أي حذاء
جنتاي أي حقيبة
جاط أي وعاء
جنق أيضا وعاء
طئش الباب اي أقفل الباب
سجرة أي شجرة
أدب أي مرحاض
قنباز أي فستان
وانا اعرف عائلة حمصية عريقة من بيت قنبازو نسبة إلى قنباز
وحدا منكن ما بيعرف غنية (حبيبي لابس قنبازو---يابا قنبازو)
وهلأ راح اكتبلكن بعض الجمل المتداولة في حمص
(( عطيني التكاي من القرني يا ولد))((حط الجنق جنب السجرة اللي قدام الميكب))
((ولك فوتي الصغير على الادب))(( لا تفوت من الزوابيق))
(( طئش الباب قبل ما تطلع))((بدي اشتري جنتاي وقنباز))
معليش اذا في شيئ صعب عليكن فهموا بالجمل ارجعوا للمصطلحات اللي كتبتلكن اياها بالاول
تحياتي للجميع ويلى يا اهل الشام وحلب تشجعوا وكتبولنا مصطلحات شامية وحلبية
بركي اجا عبالنا نزوركن مشان نصير نفهم على بعض منيح (وشكرا)’،/،،::
