ما رايك بالجامعات السورية ؟؟؟؟

السلام عليكم ورحمة الله وبركاته

احببت اليوم ان اطرح موضوع يهم الجامعيين والاكاديميين

هل الجامعات السورية تخرج طلاب بالمستوى المطلوب والذي يضاهي الجامعات الاخرى


الا ان الوقت للجامعات السورية بان تتطور في ظل ثورة المعلومات والاتصالات

وثورة الهندسة الوراثية وبعد اعتماد الجامعات الاوربية المعلومة هي السلعة الاساس

ما ان الوقت بان نفجر ثورة للتطوير وننهض بالمجتمع الطلابي
وان لايكون التطوير شكليا وليس فعليا

هل نحن نطبق بجامعاتنا انظمة غربية لا تتناسب مع واقع جامعاتنا والى اي حد نجحنا في تطبيق هذه الانظمة
وهو سلي ام ايجابي

والان اعود الى سؤالي ما رايك بالجامعات السورية ؟؟ والى اي حد ارتقت الى المستوى المطلوب
وفي حال وجود خلل او عوائق كيف يمكننا التغلب عليها للارتقاء

والله موضوع حلو ومهم وأن شاء الله رح نطلب من المشرفين يرسلوه لجميع الأعضاء


بخصوص الجامعات السورية الصراحة قوية ( ولكن تحتاج الى منهاج متطور ) على حكي أصدقائي الصراحة لم أدرس بأي جامعة سورية


وكمان نظام الأمتحانات معقد جدا جدا جدا لو بيغيروه وبيعملوه أسهل من هيك لما يرسب شخص بمادة بيعيدها بعد أسبوع مثلا أو فترة بسيطة ولأكثر من مرة بالسنة يعني 3 أو 4 مرات

هيك منخلص الطلاب من تضييع الوقت في التخرج كرمال مادة وحدة


وينزلوا المعدلات شوي لأنوا الطلاب تعقدت ( عادي وين المشكلة لو تصير كل سوريا مهندسين ) أو يعملوا أختيار الفروعة أختياري ( طبعا يكون معدل الشخص مناسب كذلك)



تحياتي أختي سارة

بصراحة منها جنا وخصوصابالجامعات العلمية منها كلها نسخ من كتب اجنبية يعني انا وقت بحمل هالكتاب وبروح بسال الدكتور عن مسالة معينة ما بيعرف لانو نا سخها نسخ من مصادر اجنبية وما بيعرف شو عم ينسخ بس فرحان بحالو مالف كتاب

وياريت يضيفو دورة اكمال بالصيفية مشان هالشباب والبنات يتخرجوا وما تاخد الدراسة الجامعية فترة من عمرهم على حساب فترة تاني

يعني جامعاتنا كلها مستنفذين واقفة حياتهم على مادة متل ما تفضلت

لاء بس مو معك بان الكل يصيروا مهندسين ودكاترة لاء مو لهدرجة بعدين بصير فينا متل مصر الدكتور بصير ببيع فول

لان سوق العمل ما بتحتاج وما بتستوعب هالكم الهائل

والمجتمع بحاجة الكل

شكرا لمنا قشتك وما علقت عليه تحياتي لك

كلامك صحيح أختي سارة

بس من وين ياحسرة رح يقدر الدكتور يألف كتاب !!! طبعا كل الكتب ترجمة 100% وقليل جدا من الدكاترة من يؤلف كتب وطبعا كلها من مصادر لديه

ولكن هل بالأمكان الأرتقاء بالنظام التعليمي من حيث المضمون لأن كثير من الأصدقاء أخبروني أن الدراسة فقط نظري وينتظر أن يتخرج ليلتحق بدروات مكثقة في أختصاصه !!

الصراحة جامعاتنا فيها نظام وأدارة وتشدد وهذا جميل جدا

ولكن لو بيظبطوا نظام الأمتحانات والدورات التكميليه بيكون عمل جبار


وياريت لو بينزلوا المعدل شوي لأنوا سمعت أنوا صار 60 !! وهيدا غير منطقي الصراحة

اخي انا مو ضد ينسخ بس يضيف اسلوبو ويعرف شو عم ينسخ ويبسطته يعني معقول ينسخ فصل كامل من كتاب كان يدرسو هو بالدكتوراه

ويحطوا للطلاب معقووووووووووووووووووول

واذا سالته يالطيف انا مو ملزم انا عطيت محاضرتي وما بتعرف بعدها على شي والمقرر مطلوب كما تم اعطائه

(روووووووووووح حط دكتور خصوصي بتنجح بالمادة )

يعني بصراحة نحنا منعتمد على المعيدين اكتر من الدكتور بصراحة نفسية محمضة ما بعرف على شو وو

وكل دكتور مشتري شهادتو من بلاد برا وجاي يعمل عنتر


يعني بصراحة هلا دفعة الدكاترة الجديد ة متفهمين اكتر من الدكاترة القدماء وهني الي نسبتهم الغالبية طبعا

وكل واحد عقلية خاصة

وخصوصا نحنا تصور عنا دكتور بكلوريا تبعه ادبية تصور ودرس بروسيا تصور
وقال صابر كتور ومصدق حالو

وبتعرف كانت الجامعات بهديك الفترة محتاجة لاي دكتور باختصاص علمي بغض النظر كيف شهادتو ومن وين
ومن اي جامعة

اخ اسالني انا على معدل الستين ناااااااااااااار بموت

بدك تدرس مية بالمية حتى تحصلو
وهو وضع لان في عنا علامة مخابر وعمملي 20 او 30 حسب المادة والدكتور بيتفنن كيف بده يوزع فيهم
شي فحص مقابلة لو تحقيق مو هيك

واذا غلطت انت صرت ما بتفهم شي بالمادة ومتخلف

وشي للفحص ب2

وحضور 6

ومشاركة ووووووووووما بعرف شو

يعني جمع شو بيبقى يعني لو بينصفونا بالعملي المعدل 60 بكون نعمة وليس نقمة

لان عم يرفع المعدل اتوماتيكبا ههههههه

الله يصبرنا