ياجارح القلب قلبي ليش عنيته ؟
ياجارح القلب قلبي ليش عنيته ؟
وأنا اللذي في يدك سلمت مفتاحه
قتلتَ حلمه .. وحنطته .. وكفنته
مِن بعدها ألهم سامرني بمصباحه
كأس السّهر يادلال الليل تعباته
ونكهة الزُّعفران أهموم فوّاحه
وبرق غيث الحُزِن لآهلَّ عبراتُه
الضّيق يزرع بصدري داخل السّاحه
فكري ضباب العنا شوش محطاته
كحّل عيوني السّهر وودّع الرّاحه
ماكنك إللي معاهد في علاقاته
يلازم الكفّ مرواحه ومسراحه
شُعاع شمسك تجلّى بعد فيّاته
حرّق حنايا الفؤاد أسهوم جرّاحه
مِن كأس فُرقاك جاني مرّ جُرعاته
الرّوح في قربكم ماهي بمرتاحه
ياخالطين العسل في سُمّ حيّاته
لموج بحر الغَدُر ماني بسبّاحُه
