الزواج أم الدراسة أيهما أفضل للفتاة ؟؟

السلام عليكم ورحمة الله وبركاته


(( الزواج ام الدراسة ايهما في صالح الفتاة ؟؟؟ ))

اخي الكريم اختي الكريمة...


الكثير من العوائل ترفض تزويج بناتها فى مرحلة الدراسه
فالدراسه أولا ومن ثم الزواج ..هل وجهة نظرهم صحيحه ؟؟


أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟


هل الشهاده الدراسيه اكثر ضمانا لمستقبل الفتاه من الزواج ؟؟


هل الزواج فى سن مبكره السبب لحالات الطلاق حيث يكون الزوجان
غير مهيئين لتحمل المسؤليه وحل المشاكل ، كذلك إنشغال الفتاه فى الدراسه قد يلهيها عن واجباتها تجاه زوجها وبيتها
فيحدث الإنفصال من أول مشكله أو خلاف..؟؟


فما هى وجهة نظركم ؟

اتمنى ان ارى مداخلات من الجنسين حول هذا الموضوع المهم في المجتمع .

لكم مني كل الود

مشكورة أختي سارة

الصراحة الكل صار بيحكي نفس الكلمة أنوا الشهادة بتحمي البنت بالمستقبل ... ( هيدا كان زمان) لأنوا الحمد لله الناس فوق بعضها وماعم تلاقي وظائف للأسف. يعني هيدا مو الضمان الوحيد

أما أذا أكملت تعليمها لمرحلة جيدة ووجدت عريس مناسب فالزواج افضل ها

وطبعا كل فتاة لها ظروق وكل عائلة لها ظروف وكل دراسة ولها ظروف وصعب أن نفصل في الموضوع بشكل كبير

وكثير من البنات بيتمنوا يتزوجوا ليخلصوا من مرحلة العزوبية ويبدأوا مستقبلون بشكل أكبر

العلم ضروري والزواج ضروري

تحياتي أختي سارة

مشكور اخي لاراءك الرائعة

بس الشهادة بضل سلاح للايام بلكي لا سمح الله زوجها توفا او طلقها بضل وافقة على ارضية قوية وما بتحتاج حدى

أنا معك أختي سارة بهذا الطرح لانو الدراسة بوقتنا صارت شغلة ضرورية كتير بس اكيد بتخضع لمقاييس يعني مثلا البنت ما تختار دراسة تاخذ منها شبابها كلو بتطلع من الجامعة بتلاقي القطار فاتها وكل البنات لي حواليها تزوجو بل بالعكس تختار دراسة مناسبة الها وكمان ما بتاخد وقت كبير وانا شخصيا طبقت هذا الشيء اخترت دراسة بضمن فيها الوظيفة وكمان مدتها قصيرة . الله يوفق كل البنات لحتى يساوو كل شيء يناسبهن
:z025:

بصراحة البنت اذا درست وأخدت الشهادة الجامعية والماستر من بعدها مو معناها أمنت مستقبلها وما بعرف شو يمكن هالشي أيام زمااان هلأ الخريجين ما عم يلاقو وظايف بالساهل والوحدة اذا تزوجت بعد التخرج وما اشتغلت كم سنة شهادتها ما عاد الها أي قيمة اذا صار لها سنين وبدون خبرة وما بتوقع تلاقي أي شركة توظفها
والزواج هالأيام صاير فيه عامل خطورة كبير والطلاق والخيانة كلمالن عم يزيدو

متل ما أنا عمبكمل جامعة بتمنى كل انسان وانسانة يكملوو دراستهوم لإنو إكمال التعليم نعمة كتير ناس محرومين منها


أشكر موضووعك ورجاءا مرة تانية لما تلعبي كرة إلعبي بنزاهة وبدون ما تشوطي رجلي :z027:

King of Nothing

صديقتي سارة اذا البنت أكملت تعليمها فهذا جيد جداً
أما اذا جائها من تحبه ويحبها ويستطيع أن يعيشها العيشة التي تحب
فبرأيي لا يجب ان تقف الشهادة في وجه زواجها
لأنو الزواج سترة للبنت

الزواج اذا وجد انا عندي اهم من الشهاده وممكن تكمل الدراسه بعد الزواج والرزق من عند الله ليس بالشهاده الدراسيه ... لكي ودي كاتبة الموضوع .