الكباب الهندي من مطبخ شوالأخبار وخالتكم أم عزات
يا صباح الخيرات والليرات
كيف أحوالكم يا غاليين ....... يلي بالقلب ساكنين
آل بيقولوا إذا عشر بشر
بتعرفوه لهالمثل ؟؟؟؟؟
هلاء اليوم عشرين رمضان إن شاء الله كل عام وأنتوا بألف خير
أخواتي وولادي وأحبابي الغاليين
كان سيدنا النبي عليه أفضل الصلاة والسلام ببداية العشر الأخير من رمضان يا غاليين
طوى الفراش وأيقظ أهله وشد المئزر
تقبروا قلبي كلهم هالعشر تيام شو رأيكم نكون مع الله فيهم وإن شاء الله منشوف تجليات وأنوار بهالحياة
مو قالوا الصحابة لو علم الناس حلاوة ولذة الإيمان لقاتلونا عليها
تقبروا قلبي لا تحاسبوني اذا غلطت بتعرفوني بحفط من التلفزيون لأني ما بعرف اقرا واكتب طبختنا اليوم الكباب الهندي وهي خفيفة نضيفة
منخرط البصل ريش والبندورة واللحمة متل لحمة المحشي ومنحضر كمان لحمة ناعمة مفرومة مع بصلة صغيرة بتشبه لحمة الكباب ومنعملها على شكل سياخ كباب بس صغيرة بقياس الاصبع تقريباً
منقلي البصلة واللحمة ولما بيستووا منحطهم بصينية ومنحط فوقهم البندورة واللحمات الكباب منصفهم عالوش وبحط الصينية بالفرن لتستوي وصحة وهنا وعوافي وبتتاكل مع فليفلة خضرة او مخلل
ممممممممممم شي ناهي
.................................................. ..........................................
الكباب الهندي
المقادير :
1كيــلو لحــمة مفرومة
بقدونس مفرومة
ملح
ذرة فلفل أسود
بهارات
كمية من البندورة المفرومة مربعات
مكعبين ماجي
5 ملاعق زبدة
فنجـان زيت قلي
بصلةمفرومةناعمة
الطريقه :
نقطع البصل وبعدين نعمل من
اللحمةالمفرومة بحجم أكبر من الأبهام
ونقشر البندورة ونقطعها مربعات صغيره
تقلى اصابع اللحمه المفرومه في الزبده والزيت
ونترك مقداار ملعقه زبده جانبا
على النار بالقدر نضع ملعقة الزبدة ونحمرالبصلة وباقي البهارات
وكمية البندورة اللي قطعنــاهاعلى النار.
ناخد صينية الفرن نسكب فيها مقدار البندورة كله ونضع اللحمة المقلية
فوقه وندخلها الفرن 5 دقائق تقريباً
وصحة وهنا
