تتجـــوّزينـــي ؟؟ تتجوزيني ؟
ـ شو ؟
ـ عم قلك تتجوزيني ؟ ـ ؟؟؟ ـ تتجوزيني ؟
ـ لأ
ـ ليش ؟
ـ بصراحة هيك شكلك ما عاجبني
ـ شلون يعني ؟
ـ يعني .. أنا عندي مواصفات معينة لفارس أحلامي
ـ مواصفات معينة ؟ .. شو انتي رح تتجوزي سيارة؟
ـ لأ ! .. بس بصراحة .. إنت مش فارس أحلامي اللي بتمناه
بعد أسبوع
ـ تتجوزيني ؟
ـ شو ؟ شكلك اتغير
ـ شو رأيك ؟
ـ واو .. شعرك صار ناعم ! .. شو هي باروكة ؟
ـ أيوا ـ وهي عدسات خضرا
ـ واو ! .. بجد .. صار شكلك وسيم .. واو ! صرت بتشبه نيكولاس كيج
ـ مين عباس كيج هاد ؟
ـ عباس ؟!! ياي .. شو عباس هادي ؟ اسمه نيكولاس
ـ مين نيكولاس هاد ؟
ـلك ما زالك ما بتفهم بالسينما شلون الك عين تحكيني ؟ .. باي
بعد شهر
ـ تتجوزيني ؟
ـ انت لسا الك عين تحكيني ؟
ـ أيوا .. أنا عرفت مين بنكرياس كيج هاد
ـ أولاً : اسمه نيكولاس كيج
ـ أيوا أيوا .. كنت رح قول اسمه صح .. بس اختصرته .. هاد ممثل
ـ ممثل شو ؟
ـ ممثل أمريكاوي
ـ أمريكاوي ؟! .. يخرب بيتك والبيت اللي جنب بيتك ! .. اسمه American يا بابا .. ما تكون Donkey
ـ دونكي !!!! هادي مسبة ما هيك ؟
ـ Of course
وكمان شهر
ـ تتجوزيني ؟
ـ سيارتك موديل كام ؟
ـ موديل هادي مسبة ما هيك ؟
صرتو بتعرفو بعد شهر
ـ تتجوزيني ؟
ـ قللي الأول .. شو حاطط نغمة بموبايلك ؟
ـ نغمة هادي مسبة ما هيك ؟
بعد تلات شهور
ـ تتجوزيني ؟
ـ ما قلتلي .. شو بتشتغل ؟
ـ أنا -بلا فخر- عاطل
ـ عاطل ؟ .. ياي
ـ ما أحسن ما كون ما بيشتغل ؟
ـ لا
ـ يعني ما رح تتجوزيني ؟
ـ لا
ـ هيك أنا رح أزعل
ـ هههه كأنو فارقة معي ..بعدين خليك فريش يا زلمة
ـ ماشي .. ماشي .. بس قوليلي
ـ شو ؟
-فريش..هادي مسبة ما هيك
بعد سنتين
-تتجوزيني ؟
ـ لقيت شغل ؟
ـ طبعًا .. سنتين وأنا عم دور .. أخيرًا لقيت
ـ وشو هو ؟
ـ شوفير تاكسي
ـ ياي ! .. ما بتخجل من حالك وانت عم تقولها ؟
ـ شو فيها ؟ الشغل ما نو عيب .. وكلها كام سنة وبجمع مبلغ كويس
ـ ما نو عيب !!!! قلتلي
بعد أربع سنين
ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جداً
ـ قديش يعني ؟
ـ 300 ألف ليرة
ـ نعم ؟!!! ..
ـ يعني موافقة ؟
ـ روح انقلع ولاه
بعد سنة
ـ تتجوزيني ؟
ـ عندك شقة ؟
ـ طبعًا .. غرفتين عالسطوح عند اهلي
ـ شو ي عين امك ؟
ـ شو المشكلة ؟! .. أحسن ما ننام بالشارع
ـ في الشارع ؟! ... لازم تجيب شقة
ـ طيب .. كلها كام شهر وبجبلك أحسن شقة في الدنيا
بعد تسع سنوات
ـ تتجوزيني ؟
ـ جبت الشقة ؟
ـ أيوا .. الحكومة عم تبني شقق للشباب وأنا اخدت شقة .. صحيح إنها اتأخرت لتسع سنين .. لكن المهم إجت
ـ فانتاستيك
ـ بس الشقة ناقصها شغلة
ـ شووو ؟
ـ مافيها حمام
ـ افففف.... انقاع من خلقتي احسنلك
بعد ست شهور
ـ تتجوزيني ؟
ـ العمى بقلبك الأعضاء ملوا من القراية وانت ما كنت تزوق؟
ـ جبتلك حمّام ..بس شو أبهة
ـ اييه واذا
ـ رح تتجوزيني ولا بحرقك ؟
ـ وشبك معصب هيك ؟
ـ قصتنا طولت كتير .. طولت أكتر من اللازم
ـ أوكي .. بس ممكن أعرف شغلة ؟
ـ اتفضلي ؟
ـ إنت ليش متمسك فيني هيك ؟
ـ لأنو..لأنو
ـ لأنو شو؟
ـ لأنو أنا بحُبك (بضم الحاء)
ـ بحُبك ؟!! .. شو هي بحُبك ؟! .. إسمها بحِبك (بكسر الحاء) بعدين خليك Cool وقول I love you
ـ ماشي .. بس قوليلي
ـ نعم ؟
ـ كول هادي مسبة ما هيك ؟
بعد أسبوعين
ـ تتجوزيني ؟
ـ بصراحة .. في شغلة كان بدي قللك ياها من زمااااااان
ـ شو ؟
ـ أنا بصراحة .. مو شايفة إنو في حدا في العالم بيستاهلني
ـ يا سلام ! .. ليش ؟
ـ لأنو أنا جميلة .. خفيفة الدم .. رشيقة .. رقيقة
ـ رقيقة ؟! .. فوقي ع حالك .. العمر رح يخلص
ـ أنا مصرة على رأيي
ـ شو يعني ؟
ـ يعني حل عني..
ـ بعد كل هالسنين ؟! .. بعد كل هالحب ؟
-بلا تراجيديا ..لو سمحت
ـ ماشي .. بس قبل ما أمشي بدي أسألك سؤال واحد بس
ـ شو هو ؟
ـ تراجيديا هادي مسبة ما هيك ؟
