عرض للطباعة
لوحظ مؤخرا ان شريحة كبيرة من الفتيات تنخطب وبعد فترة تفسخ
فما هي الاسباب؟ و هل فسخ الخطوبة مشكلة ام حل؟
ولماذا يتسرع الشباب في الخطوبة هذه بدون دراسة مسبقة؟؟
ارجو من كل من خاص في تجربة مشابهة ان يكتب او تكتب لنا عن تجربته
ويقوم بشرح الاسباب لكي يستفيد الجميع
الموضوع للشباب والصبايا
تحياتي للجميع
لانوا البنت لما تنخطب راح يصير بنها وبن خطبها اتصلات ومقبلات.... الخ و بهدا الوقت بتكتشف في احيانا اشياء ما بتحبا واو اشياء غلط
تعتبر فترة الخطوبة غالبا هي فترة تعارف مابين الخطيبين خصوصا اذا كانت الخطوبة كلاسيكية .. طبعا وبهي الاثناء تبين كل من صفات البنت والشب
وبيبن التوافق بيناتهن او الاختلاف .. في حال اختلفو فأكيد هاد سبب كافي للفسخ قبل مايوقع الفاس بالراس
السبب التاني هو الأهل احيانا بنلاقي الشب والبنت الله وفق بيناتن بس تجي الام وتقول لبنتها انا الشب مو عاجبني
وتظل تدحش براسها ( الزن عالودان اقوى من السحر ) وكمان اهل الشب هي البنت قوية او بلالك ياها بنشوف غيرا وتحت الضغوط والتأثير يتم الفسخ
انا عن نفسي ما جربت بس هاد رأيي وبكل صراحة ازا عندك أي إضافة لا تبخل علينا دكتور
http://mgtrben.net/viewimages/f4cf955bb7.gif
تحياتي
شكرا دكتور على الموضوع المميز
طبعا الخطوبة قد جعلت للتعارف ولإختبار كل منهما للآخر !!
وفعلا قد ظهرت نسبة كبيرة من فسخ الخطوبة وذلك لاسباب كثيرة ..منها ..
اختلاف في العادات والتقاليد (طبعاً يحصل هذا للأزواج اللذين ينتمون إلى مدينتين أو بلدتين مختلفتين)
والصفات الشخصية ( تخيلوا معي لأشوف أنو الزوج بخيل أو غير ملتزم والزوجة كريمه وملتزمة أو العكس صحيح)
وأيضا التسرع في اتخاذ قرار الخطبة خصوصاً الفتيات (بعض البنات يقولو خلونا نجرب الشخص وإذا مامشي الحال فسخنا الخطبة عنا متسع من الوقت للتفكير والتأمل)
وأيضا امور متعلقة بالجمال والنظافة من كلا الطرفين ..
إظهار العيوب الخاصة لأحدهم أمام الآخر من حيث لا يعلم كالماضي والأشياء التي عفى عليها الزمن...
عدم التفاهم على المواضيع الصغيرة وعدم التنازل من كلا الطرفين وإصرار كل منهما على موقفه...
وايضا الشائع اكثر واقوى الاسباب في فسخ الخطبة والمنتشر هوي
عدم الإحترام سواء الخطيب او الخطيبه لأهل بعضهما البعض...
كان ينتقد ابيها او اخيها او امها او زوج اختها بشده ويسيئ لهم...ومتل هاالحاله تشتد المشكله بينهم وتصل للأهل ويتم فسخ الخطوبه..والكثير من الاسباب ..
فمسألة فسخ الخطوبة مهما تعددت اسبابها كلا الطرفين شركاء بها ، وان كان احدالطرفين هو المتسبب به ..
فسخ الخطوبة تكون حل وليس مشكلة ..
طبعاا ماجربت والله يلاحطنا بهيك موقف .. تحدثت على حسب صديقاتي
اعتذر عن الاطالة ..شكرا على طرحك مميز ومهم للنقاش
تحياتي
بختصار التفاهم الهادف هو أساس نجاح الخطبه أو زوالها فالصراحه هي كل شيئ ويجب المصارحه وإلا قام الزواج على باطل وعواقبه كثيره
مشكوريني عالمرورروالمشاركات الحلوة
بس كمان فيه سبب عم شوفه هالايام كتير
وهو انه ام البنت بدها تمشي الخطبة على كيفها وام الشب كمان بدها تمشي الابن والخطبة على كيفها هاد اذا مشيت الخطبة بعد الخطبة بتبلش الاوامر عالابن والبنت والطرفين بدو يشد الحاف لصوبه
كمان في سبب وذكرتوه وهو التفاهم
واحيانا عم يكونوا الطرفين منيحين بس شخصياتهم ما اتفقت
وكمان قد يكون لاي طرف علاقات قبل الخطبة وتستمر لبعد الخطبة وهادكمان سبب شائع
وعم يصير كمان انه البنت واهلها طلباتهم كتيرة عم يثقلوا كاهل الشب الي عم ياهل حاله لفتح بيت جديد وما يستلزمه ما مصاريف ضخمة
هاد الي طلع معي هلق
مشكورييييييييين
رايي فيك معروف دكتور حسن مشكور :z023:
بوعدك بس اخطب وافسخ الخطبة بخبرك
مشكور يا غالي
لا ياسيدي بدي ياك تفسخ ولا تخبرني
اخطب وبس
مشكور عالمرورر
لأن بمجتمعنا العربي عاداتنا وتقاليدنا ودينا مابيسمح أنو يصير تعارف مسبق قبل الخطبة لحتى ياخد كل من الطرفين فكرة عن بعض تقريبا
يعني انطباع ولو بسيط المهم.. فبتصير الخطبة التقليدية بالرؤيا الشرعية لكلا الطرفين ومابيعرفو شي عن بعض الا من خلال السؤال وكلام الناس
فلما بتصير الخطبة وكتب الكتاب بصير في اتصالات واحاديث ويشوفو بعض كزا مرا رح يصير اختلاف بوجهات النظر ورح يكتشفو اطباع بعض ويشوفو شوي من الطباع السيئة عن بعض
ورح يخافو من المستقبل ورح يلاقو الحل الأمثل والأصح فسخ الخطبة من دون عواقب وان كان رح تكون طفيفة قبل ماتوقع الكارثة وهي الزواج ويمكن أولاد وبعدين يصير الإنفصال
تحياتي الك دكتور حسن على الطرح المميز
تقبل مروري
كيف يعني لانه بمجتمعنا العربي عاداتنا وتقاليدنا ودينا ما بيسمح انو يصير .................يعني عاداتنا ودينا غلطاقتباس:
لأن بمجتمعنا العربي عاداتنا وتقاليدنا ودينا مابيسمح أنو يصير تعارف مسبق قبل الخطبة لحتى ياخد كل من الطرفين فكرة عن بعض تقريبا
يعني انطباع ولو بسيط المهم.. فبتصير الخطبة التقليدية بالرؤيا الشرعية لكلا الطرفين ومابيعرفو شي عن بعض الا من خلال السؤال وكلام الناس
فلما بتصير الخطبة وكتب الكتاب بصير في اتصالات واحاديث ويشوفو بعض كزا مرا رح يصير اختلاف بوجهات النظر ورح يكتشفو اطباع بعض ويشوفو شوي من الطباع السيئة عن بعض
ورح يخافو من المستقبل ورح يلاقو الحل الأمثل والأصح فسخ الخطبة من دون عواقب وان كان رح تكون طفيفة قبل ماتوقع الكارثة وهي الزواج ويمكن أولاد وبعدين يصير الإنفصال
لاني ما فهمت وجهة نظرك
سررت بمرورك لولو
اقتباس:
المشاركة الأصلية كتبت بواسطة Dr.Hasan
هلا اخي .. أكيد ديننا مو على غلط بس بغض النظر عن غلط ولا صح
بس هاد هوي السبب الأكبر لفسخ الخطبة
بس حتى رجال العلم اليوم صارو يحللو أنو الطرفين يعدو مع بعض ببيت البنت كزا مرا
ويجري حديث بيناتهون وتعارف بسييييييط بشروط ..مع مراقبت الأهل على الأليلة بياخدو ولو إنطباع وخلفية بسيييييطة عن شخصيات بعض ..
بس لسا لهلق في عائلات بترفض هالشي أو يمكن لسا مابيعرفوه ..
طب غم .. البنت بتلاقي حالها ببيت زوجها مع رجل غريب مابتعرف عنو شي
وبتبلش تتعرف عليه شوي شوي ويااااااا الله بيسر وبيستر
يا بتبلش المشاكل والندم والياريت ...
وصلت الفكرة اخي العزيز:z019:
تحياتي
الله يسامحك يا سوسن هاد شي ما فينا نغض النظر عنه لانه الدين والعادت والتقاليد مندمجين بالمنظومة الاجتماعية للمجتمع وعلى اساسهم عم يصير الزواج
اصلا مين ما تقدم للبنت شرط يوافق الاهل عليه اكيد لا واكيد ما لازم ننسى او نغض النظر على قول رسول الله المشهور(اذا أتاكم من ترضون دينه وخلقه فزوجوه الا تفعلوا تكن فتنتة في الارض وفساد كبير) او كما قال عليه الصلاة والسلام
طبعا انا ما مع الزواج مباشرة فبامكان الطرفين الجلوس معا مثلما قلتي
ولكن المووضوع المهم انه فيه عادات لازم نلتزم فيها وما نكون مستقبلين لاي شي جديد مستورد من عادات الغرب السيئة
وما بعرف شو رايك بالتعارف المسبق ما عم نحكي انه ما رح يصير قبول لفكرة الخطبة ااذا ما كان الشاب جيد على هوا الحديث في الاعلى والتعارف المسبق ما قلنا انه الدين والعادات بتسمح يكون فيه جلسات تحت نظر الاهل
بتمنى تكوت انجلت المشكلة يا غالية
تحياتي :z025:
أنا برأيي فترة الخطبة إذا لم يكن فيها كتب كتاب ..........تكون فترة دراسة وتعارف للطرفين
فممكن البنت تشوف شغلات سلبية كتيرة بخطيبها وما بتقدر تغيرها فيه وممكن العكس فلازم وقتها فسخ الخطبة
بس المشكلة ....إن بفترة الخطبة صعب الواحد يكشف الجانب السلبي بلطرف التاني ......لأن بتكون فترة تمثيل للأسف ...يعني الشاطر منهم يلي بدو يوري التاني جماله وحنانه ورقته ورمانسيته والرجل بكون الممثل الأكبر بلخطبة
يعني ما بعارض شي من تصرفات خطيبتو وبأيدها وبوافقها على كل خطوة وعلى كل فكرة ولما يتزوجو كلو لأ ...كلو ممنوع وإلخ ........
اقتباس:
المشاركة الأصلية كتبت بواسطة ms.lonley
ههههههههه ..و أنت الله يسامحك يارب .. لك أنا أصدي بموضوعنا هلق عم قول بغض النظر يعني قضدي مابدا نحكي بموضوع الدين والعرف لأن هيك موضوع أكبر من أنو ناقش فيه أنا وفي ألو علماء وناسو بنقاشو فيه .
فهمتي يا حسسسسسن الله يخليلي ياك :ndm: يعني ماعم احكي هيك عن فراغ أنا شايفة حالات كتير وقريبة مني فسخو الخطبة بسبب تيبيس الراس والتسرع
تحياااااااااااااااااتي .. وبتمنى تكون فهمت علي حسون
فيه فرق شاسع بين غض النظر وبين ما بدك تحكي بهالموضوع لانه الو ناسه
اذا بتفكري انه هالمواضيع ما حدا بيحكي فيها لانه الها ناسها وعلمائها فنصيحتي تعيدي النظر بتفكيرك فالاعراف ليست حكرا على علماء الاجتماع والدين ليس حكرا على علمائه فاللكل حق الاخذ والرد
اقتباس:
لأن بمجتمعنا العربي عاداتنا وتقاليدنا ودينا مابيسمح أنو يصير تعارف مسبق قبل الخطبة لحتى ياخد كل من الطرفين فكرة عن بعض تقريبا
يعني انطباع ولو بسيط المهم.. فبتصير الخطبة التقليدية بالرؤيا الشرعية لكلا الطرفين ومابيعرفو شي عن بعض الا من خلال السؤال وكلام الناس
فلما بتصير الخطبة وكتب الكتاب بصير في اتصالات واحاديث ويشوفو بعض كزا مرا رح يصير اختلاف بوجهات النظر ورح يكتشفو اطباع بعض ويشوفو شوي من الطباع السيئة عن بعض
ورح يخافو من المستقبل ورح يلاقو الحل الأمثل والأصح فسخ الخطبة من دون عواقب وان كان رح تكون طفيفة قبل ماتوقع الكارثة وهي الزواج ويمكن أولاد وبعدين يصير الإنفصال
وانتي الي ابتدات بالحكي بالعادات والتقاليد والدين وبلهجة كانك ما رضيانه عنها او بتلزقي اسباب الفشل فيها وفيكي تراجعي مشاركتك وتتاكدي
والحالات الي شايفتيها ما لنا علاقة فيها لانه ما موضوعنا تيبيس الراس والتتيس وان كانت سبب لفسخ الخطبة
مشكورة عالمشاركات والمرور الله يخليكي لاهلك ويخليلنا ياكي لولو الصغيرةة وان شاء الله بس تكبري بتكوني راجعتي حالك لانه النظر الى الامور من هالزواية الضيقة بتسبب مشاكل اكبر من مشاكل تيبيس الراس وهادول الي قلتيهم
وانا بقول بالنهاية انه هالموضوع اخد من وقتي زيادة لانه هالمواضيع نسيان اخد واعطي فيها من 6 او سبع سنوات
والسلام
مشكور اخي الغالي
:z06:
شو انحلت المشكلة لولو وحسن ولا لساتها علقانة
:z027:
المهم انا بأيد لولو دكتور
بأنو لازم يكون البنت والشب بيعرفو بعض حتى قبل الخطوبة
لأنو حتى بعد الخطوبة ما رح يقدرو يعرفو بعض منيح
لأنو اهل البنت اكيد ما رح يخلو الشب معى بنتون
لحالو رح يكون في حدا قاعد معون
لذالك ما رح يقدرو ياخدو راحتهون بلحكي
ولا رح يفهمو بعض
لأنو الشب رح يكذب على البنت قدام بيت حماه المراقبين
والبنت ما رح تحكي معى الشب غير الدروس يلي اخدتها من امها قبل ما يزورون الشب بعشر دقايق
ومشكور مرة تانية يا غالي
اقتباس:
المشاركة الأصلية كتبت بواسطة عاشق الوطنية
اقتباس:
المشاركة الأصلية كتبت بواسطة عاشق الوطنية
مشكور محمد على الاضافة الحلوي
وياريت يكون لكل الأعضاء فن التحاور والنقاش ونفس الأسلوب
يلي عندك ..
:z060:
:z023:
أنا برأيي إنو البنات صايرين بيفكروا بمادية أكثر من ذي قبل ..
يعني لو ما توفر كل شي عند الخطيب ممكن تتركو وتلاقي غيرو وشايفة كتير حالات هيك ..
يمكن نعذر الفتاة إنو بدها حياة كريمة وبدها الاستقرار !
اسمحولي اتدخل بموضوع التعارف قبل الخطبة .. هي الخطبة أصلا انعملت للتعارف ..
والخطبة مو مفهومها الحفلة و ووو اللي عم يصير عنا ..
الخطبة هي مجرد طلب البنت من أهلها وموافقة أهلها مبدئيا وهون بيبلشو يتعرفو بعلم الأهل ..مو شرط وجود الأهل
وهالفترة اللي بيتعرفو فيها يا بيصير اتفاق وبيكملو يا لا..
المشكلة عنا إنو صار في التباس بين العادات والدين .. ولو نرجع للدين بيصير كل شي من أحسنو
قال تعالى : ( ولا جناح عليكم فيما عرّضتم به من خطبة النسآء أو أكننتم في أنفسكم علم الله أنكم ستذكرونهن ولكن لا تواعدوهن سراً إلا أن تقولوا قولاً معروفاً)
كتب التفسير موجودة .. والعاقل بيفهم
تحياتي
مشكورين جميعا على المرورررر
تحياتي لكم
عدم فهم بعضنا
أنا أشكركم على الموضوع وهو في غاية الأهميةوأنا بصراحة برأيي أنو أهم سبب لفسخ الخطبة هو الكذب من أحد الطرفين فالكذب في أيامنا هذه هو القاعدة والصراحة هي الاستثناءولا يجب أن يتسامح أي من الطرفين في موضوع الكذب على الإطلاق
انا اشوف انه اكتر البنات يفسخون الخطبة
هي انها تفكر في فارس احلامها بس لما تنخطب وتدخل في الحياة الجدية ومن دون احلام تشوف انه الاحلام لا يطابق الواقع
وهي تظن انه السبب من الشب فتتركه على امل ان ياتيها فارس احلامها
:z09:إني لحزين من إجابتك ياأخي .... وأؤيِّد إجابات الدكتور حسن للآنسة لولو .. إن الأسر الكثيرة في الشام تدع الخطيبين يتكلمان في طرف الغرفة أو زاويتها وأظن أن الصدق غالباً هو محور حوارهما ( في أكثر التجارب التي أعرفها حق المعرفة ) ... بل إن الشرع سمح للخطيب أن يرى الفتاة المطلوبة للزواج في أول زيارة دون حجاب لشعرها ولمدة لا تزيد عن ثوانٍ أو لا تتعدى النظرة الواحدة وحسب .. لا ترفضوا هذا الكلام .. هو نادر الوجود ليس لعدم صحته بل لأن فهم الشريعة عند الكثيرين لم يصل إلى هذه المعرفة وبالتالي الحقيقة .. فلماذا التلاقي والتعارف خارج البيت أو في مكان ما ، والشرع سمح بالكثير الذي نجهل أغلبه ؟!!!!! .. عزيزتي لولو .. إن حفظ العادات هو من قبيل حفظ الشرع وهو أمرٌ متناسبٌ طردياً مع الحفاظ على كرامة الفتيات .. تحياتي للدكتور حسن الذي بانت عقليته وفكره الواضح السليم .. وأضيف .. إن أسباب فسخ الخطوبة تتعدّد وتختلف باختلاف وتعدد الناس والنفسيات .. ولا يمكن حصرها ولكن .. من الممكن الحفاظ على بناتنا بالحفاظ على شرعنا بعد فهمه وتطبيقه على الشكل الأمثلاقتباس:
المشاركة الأصلية كتبت بواسطة عاشق الوطنية
والله يا جماعة الموضوع مهم وكتر أهميتو خلاني ولأول مرة من وقت سجلت بالمنتدى أكتب هي الكلمات .... أنا فعلاً صار معي نفس الشي وخطبت بنت بتحبني موت متل أنا ما بحبها وفرضتني على أهلها فرض وبعد الخطبة بشي 3 أشهر بلشت تختلق المشاكل من أتفه الأسباب وأهلها اللي كانو رافضين الفكرة من أول لأني من مدينة تانية وبعيدة عنن صارو يحبوني كتير كلهن وحياة الرب لدرجة أنو كل ماحكت بنتن عن كلام مو منيح كانو ما يصدقوها ويعرفو أنو عم تتبلاني مشان تفسخ لحد ما وصلت الأمور لدرجة الإهانات ومس الكرامة والكلام الوسخ وأنا أسف على التعبير ... وأنا ما عدت أتحمل كلامها نهائياً وخليت أهلها يعرفو كلشي كانت تعملو معي وصار فسخ الخطبة ..... وبعد 4 أربع شهور أتصلت فيني وصارت تترجاني مشان رجعها... وتقلي أنا ندمكانة كتير وغلطت بحقك وما عرفت قيمتك لهي اللحظة..... وهلء أنا واقع بحيرة كبيرة وماني عرفان شو أعمل مع العلم أني بشتغل بشركة محترمة بالخليج والله فتحها بوجهي واللحمد له على كل نعمة... وخلصت جيش ووضعي منيح وعندي بيت والحمد لله ..... بس والله متحير شو بدي أعمل .... لأني بخاف من الله كون ظلمتها أو شي وبس............
لن تضمن ألا تكرر هذه الفتاة مافعلته أول مرة ... أنصحك بالتريث والبحث عن خطيبة جديدة .. كما أن والدتك لها نظرة بالفتاة وبغيرها فماذا تقول والدتك ؟.. وهل تسعى في خطوبة جديدة ؟.. أتمنى لك التوفيقاقتباس:
المشاركة الأصلية كتبت بواسطة emadmstfa
الله يبعت اولاد الحلال خلااااااااص طفشنا من اللعب والفسخ و النسخ
من تجربتى الشخصيه رح جاوب اخوانى واخواتى مجتمعنا شرقى بحت والاهل بيفرحوا لما بيدق خاطب الباب وطبعا الفتاة ما بيعطو الخاطبين نفسهما الوقت الكافى لحتى يتعرفوا على بعضهم من جميع النواحى بيهمهم حصرا العلاقه الخاصه مع الخاطبه وبتعمى عيونهم عن امورهم الحياتييه انا مريت بهيك تجربه كنت امر بظروف خاصه ففكرت انه من الممكن انو الخلاص يكون بلزواج لكن بعد الخطبه رايت انه رح اضع نفسى بوضع سيئ جدا من خلال اختيارى الخاطء بحثت عن الشكل ونسيت الجوهر وكانت تجربه تعلمت منها الكثير هو انسان مريض نفسى وبيكره الناس وضنيين بمشاعره بس عيونى كانت مغمضه عن ذالك مع انى رايت هل شى فيه ليش ما بعرف بس اكيد لحكمه بشان هيك لازم الزواج يكون بلعقل قبل القلب لانه العلاقه رح تنهار عند او عاصفه اذا ما كان اساسها متين لازم يكون فى اساس بلزواج التقارب الفكرى والاجتماعى والثقافى وبتمنى الصرحه من الخطبيين امام بعضها بشان ما يصتدموا بلواقع بعد الزواج والى بيدفع الثمن الاولاد وانشاء الله ما حدا بيمر باى اسى
عزيز قوم ذل ّ
قبل الحادث لم تكن تجرؤ ان تتفوه بكلمة تثير انزعاجي
الحمد لله وعسى ان تكرهو شيئا ً وهو خير لكم
ولانني اوئمن بهذا الكلام اخذت فتاة افضل من السابقة بدرجات
اقتباس:
المشاركة الأصلية كتبت بواسطة emadmstfa
اهلين فيك اخي الفاضل
نصيحتي انك تعطيها فرصة واحيانا الانسان بيندم او مابيحس ئلا اذا اخطأ من مرة الاولة ..
وبجوز هي فعلا ندمت ..لو ماندمت ماكنت اجت لعندك وترجتك ...
والانسان مابيحس على غلطو إلا اذا فقدو ..
فلذلك نصيحتي انك تعطيها فرصة اخيرة وجربها فترة وشوف واذا تكررر الفعل لاسمح الله اتركهااا
واخطب وحدة جديدة ..
لانو في حب بيناتكم وكانت في ايام حلوة من حقها انك تعطيها فرصة تانية وتجرب
مشان ماتندم او تكون ظالمتا ..
هيك مابيكون عليك شي ..
تحيتي لك
اقتباس:
المشاركة الأصلية كتبت بواسطة م جمال كمال
اخي الكريم يؤسفني حزنك من كلامي
ولكن اود ان اناقشك في قضية صغيرة ذكرتها انت في مشاركتك وهي ان الأهل وهنا اقصد اهل الفتاة يسمحون للخطيب ان يختلي بخطيبته في احدى زواية الغرفة ليتناقشو في امور حياتهم
فأن امكن ان تعطيني بعض القوانين الشرعية التي تسمح للخطيب بلأختلاء بخطيبته في غرفة لوحدهم بل بأحد الزواية دون رقيب عليهم
اعتقد انه وبذالك يسمحون ويمهدون للخطيب بفعل ما يشاء دون مراقبة احد هذا اذا كان في نية الخطيب السيئة
ثم ما العيب في ان يلتقي الخطيب الفتاة قبل الخطبة ليفهمها اكثر قبل ان يخطبها في احد الأماكن العامة مثل الحدائق او المطاعم او المقاهي امام الناس اجمعين
وبوجود عشرات الأشخاص الذين يراقبوهم
ولكن دون تدخل بينهم ودون ضغوط منهم فتكون الفتاة في حالتها الطبيعية ويكون الخطيب في حالته الطبيعية ايضا من ما يتيح للطرفين بمعفة بعضهم اكثر من تواجدهم في منزل الأهل
ثم يا اخي الكريم ليس كل الشباب وحوش وتفكيرهم سيء ونياتهم سيئة
انا عن نفسي اذا قررت ان اخطب
فلن اخطب فتاة ان لم اكن اعرفها قبل الخطوبة ولا اقصد هنا معرفت جمالها او معرفة مفاتن جسمها بل اريد ان اعرف طريقة تفكيرها وطريقة معالجتها للمشاكل
وبعض الأمور التي تهمني بهذه الفتاة التي سأكمل حياتي معها
ولناقبل ان اخطب فتاة وانتظر موافقة اهلها بأن اكلمها لبعض الوقت الذي لا يكفي لكي اسلم عليها
ههههههههههههه
وفيما بعد الزواج اكتشف مواهبها في اختلاق المشاكل وسلبياتها التي لم اكتشفها في وقت الخطبة وذالك لأني لم اسمع منها سوا سوا بعض الدروس التي تلقتها من امها قبل زياراتي
ملاحظة اخي الكريم انا لست ضد الشرع ولكن في زمنك هذا لا يوجد احد يطبق الشرع بحذافيره
ولو وجد من يطبق الشرع على اكمل وجه لذهبت لخطبة بنته دون التفكير بشيء
ولكن ومعى الأسف اخي زمننا تغير وخيمت العادات والتقاليد على الشرع
وشكرا لمرورك وتعليقك على مشاركتي
واعذرني على التأخير بلرد عليك
اخوك محمد
:z025:
من أراد أن تصونه زوجته أو خطيبته والعكس أيضا ولا يحدث الانفصال أطيعي الله فيه يطيع الله فيك أيضا
السلام عليكم ورحمة الله وبركاته
أهم سبب وهو أهل كل من الخاطبين , لأنه عندما يكون الخاطب والمخطوبة غير منسجمين ويحدث الفسخ هو أمر طبيعي حتما , ولكن المصيبة عندما يكونوا متفاهمين و منسجمين , ويأتي دور الأهل في الزن والضغط و...
ومن أخطر الأمور على الحياة الزوجية أيضا أو في الخطبة عندما يكون الخاطب أو مخطوبته يتأثر بالكلام الفارغ والتافه ولا يملك عقلا راجحا يمكن أن يحدد به الصواب من الخطأ , ويسمح عندها أن يكون إنمعة ويترك للآخرين وهم الأهل تقرير مصيره وحياته بكل رضوخ وسلبية , بدل أن يكون عادلا محقا -وأعني كلا الطرفين- , وأن يتق الله فيما يعمل ويتصرف وينظر بنفسه هل فعلا لا يستطيع أن يكمل حياته مع الشريك هذا أم لا , راميا كل كلام الناس - الأهل - وراء ظهره , وأحب أن أوضح إذا وجد أحد من الأهل لم يعد يحب شريكك ولا يريدك أن تكمل معه , لذلك ويسعى ويجهد ليوقع بينكما , فلا تطاوعه -تطاوعيه- أبدا طالما أنكما سويا بخير , وليقلع ذلك الشخص من الأهل شوكه بيده ويحل مشاكله وعقده النفسية لوحده, لا أن يرفض وجود هذا الشخص ويبرر ذلك بادعاءات ما أنزل الله بها من سلطان ويأتي أخيرا أحدكما ليطاوعه وليحقق أمانيه , فلما وما ذنب شريكك فهو لم يخطأ معك , فاتقوا الله واحذروا الكيد ...
وخاصة عند النساء:
فأقول اتقوا الله أيها النساء اتقوا الله في الفتن بين الحلائل والأزواج والفتنة أشد من القتل .
السادة الافاضل:
طرح الدكتور التالي: ماهي اسباب فسخ الخطبة...
هل هي مشكلة ام حل........
لماذا التسرلاع في الخطوبة....
تتلخص الاجابات بالتالي:
بتنكشف اشياء مابتحبا
الخطبة فترة تعارف بين الخطيبين
تدخل الاهلمن كلا الطرفين
هي فترة اختبار كل منهما للاخر
اختلاف العادات والتقاليد
الصفات الشخصية - البخل والكرم
التسرع في اتخاذ القرار
خلونا نجرب مقولةالبنات
الجمال - النظافة
اظهار العيوب - الماضي مثلا
عدم التفاهم او التنازل
عدم احترام اهل بعضهما
الانتقاد
فسخ الخطوبة حل وليس مشكلة
لاتعارف قبل الخطبة
ان استقراء موضوعي للاجوبة يدل على اختلاف في الرؤى نتيجة العادات والثقافة والتقاليد والمجتمع ومؤثرات البيئة والخ
ففي بعض المجتمعات العربية نجد انه يتعرف عليها في المدرسة او الجامعة او النادي وما الى ذلك ......؟ ولكن في مجتمعات اخرى لا للاختلاط وبالتالي لاتعارف وان تم سيكون عابرا...؟
لذا لايمكننا ان نتصف بالموضوعية الا بدراسة جغرافية وزمنية اي زمنكانية فما كان ممنوعا منذ سنوات خلت اصبح اليوم مألوفا وبالتالي لايمكننا الجزم بل نطرح وجهات نظر نحمل هم موضوعيتها وصدقيتها ..
فبعض الاراء يعتبر فسخ الخطوبة حلا ولكن في مجتمعات اخرى من فسخت خطوبتها غير مرغوب بها لاسباب كثيرة ....؟
وبعض المجتمعات منفلشة الى حد الاستهتار بل في احياء متجاورة تختلف المفاهيم والمقاييس فلا يمكن ان يكون الطرح متشابها في اليمن ولبنان كما لايمكن ان يتشابه في بيروت بين الشرقية والغربية ..
لذا ان الموضوع كبير واكبر من كلمات نرصفها جملا انشائية لاتغني المخطوبين ولا تثمن من فسخ خطوبته وتبقى اراء ان لم تتحول الى مفاهيم واين نحن من ذلك لذا ارى ان نعمق الموضوع وندرسه من جوانبه كافة عبر الزمنكانية المجتمعية والسلام للجميع سلام مودة ومحبة