من روائع الشعر الحلبي المؤثر
يقول الشاعر أبو بكري الجربقلي مايلي:
زرعت راس توم ...وفي بستاني جكيتو
ومن مية الفل وعطر الورد سقيتو
وغبت عنو سنة ورجعت شميتو
التوم ضل توم وراح كل اللي حطيتو
,,,,,,,,,,
شفتك أول مرة جنب بيتنا بالحديقة الزغنوطة
وقلبي لما طسيتك طرق احلى زلغوطة
شقد كنتي نهارا متلبكة وشكلك معبوطة
!!!وانهزمتي مني
!!! ايه بدي الحقك لو لفيت متل ابن بطوطة
أبوس شناق وش الحجي إزا بخطبني ياكي
والله يستر يقوم ما يستحمل كتر كري وعلاكي
يــأنو ياخيتو بزتْ حالي من فوق السجرة إزا بدي أعيش بلاكي
إي بقا إن شاء الله يصير بيت ابوي هو بيت إحماكي
ويا يوب على باشايتك السوده لما بطيرا الهوا
وأنا شفت وجك طبيت بأرضي وأكلت هوا
وقلت بحالي عَلوّا نبقا العمر أنا وأنت سوا
ولا نمرض ولا نروح حكيم ولا ينوصفلنا دوا
وبكرا بتصيري حجة وأنا الحجي ومنخلف ولاد سوا
و بطلعو كلون عاقلين إلا واحد بطلع سعدان
وبفرط معلاقنا و بفضحنا بالحارة وبتعربش عالحيطان
!!وببهدلنا قدام الخلق وكل يوم بضرب ولاد الجيران
وأنا بقلو ينعن ابوك وأنتِ بتلحقيه بالشحاطة
وأنا بضربو بالقشاط وأنتِ بتحصريه على البلاطة
وبحرمو من المصروف لا بياخد صحاح ولا فراطة
اي ولي عليكي وعلى هالخلفة... يقطع عمرك على عمر اهلك... بطلت اتجوز!!
ولي عالجازة وعلى ساعتها
آه خيتو هل لرؤياكي جارة (يعني شارة)
فقد شعلتي بفسط القلب نارة..
ياما جبتلك جق بلبل وبصطيق بلون الحوارة
و ياما طعميتك فشافيش و قلبك أسود شحوارا (هي الألف للإطلاق)
لك رحمي جيبي يلي صار من شانك كيس خرّو
وكرمالك ياما زعلت أبوي مني وجبتلو الجلطة قد ما كنت أحرّو
رحتي تجوزتي هاد المفجلق و تركتي هالشب الكربوج
لأفجو وأشويكي متل الفروج
