باسم ورباب اروع ذكرى للسوريين
الأبطال اللي كانوا ق***نا بالابتدائي....أيام ما كنا شافني شي من الدنيا غير القناتين الأولى والتانية وكتب المدرسة وأيام ماكان الموز يجي تهريب من لبنان.... ولما الدولة تعطي اكل لطلاب المدارس وربطة خبز او كيس حليب ..........وأيام ما كانت كل العالم تلبس نفس اللبس....وكانت كل الناس بتشبه بعضها..وأيام ماكان في جيل للشعر...كل العالم نفس التسريحة تمشط شعرها على جنب...والبنات كلهم شعرهم منفوش...واذا وحدة كتير عالموضة وسبور...بتكون عاملة غرة من قدام .......وأيام ما كانت الحلوة تبين أنها حلوة ...واللي مانها حلوة تكون رايحة عليها لأنو ماكنت الال بي سي وقتها...وماكانوا يعرفوا يزبطوا حالهم باللبس أو بالمكياج أو بتسريحات الشعر...عكس هلأ تماما....سبقنا الام تي في والال بي سي ...وأيام وأيام.....أيام ماكان حدا شايف شي...
أول شي هاي العيلة المثالية النموذجية....الأب الحنون..الأم الحبابي العطوفة والمبتسمة..الأولاد المهذبين الحبابين واللي بيرجعوا بيدرسوا فورا بعد المدرسة....كلو مثالي بمثالي...
http://homslife.info/upload/uploads/a6f2847963.jpg
باسم ورباب...أشهر من نار على علم...
http://homslife.info/upload/uploads/efb8af9ab6.jpg
http://homslife.info/upload/uploads/4daded78b3.jpg
مازن وميسون...أبطال ثانويين بيجو بعد باسم ورباب بالأهمية...
http://homslife.info/upload/uploads/f589b3b839.jpg
عند زيارة آسنتهم المريضة
http://homslife.info/upload/uploads/6b5ecccb61.jpg
صباح الخير يا أمي
http://homslife.info/upload/uploads/1de3da98b2.jpg
يمكن كان هادا الغلاف تبع الكتاب اذا ما خاب ظني...
http://homslife.info/upload/uploads/1af12e3e57.jpg
وقت أطلقوا العصفور من القفص نحو الحرية...
http://homslife.info/upload/uploads/b56e71c117.jpg
حفلة المدرسة..
http://homslife.info/upload/uploads/bb94f44197.jpg
يوم الجيش....
http://homslife.info/upload/uploads/c807f70360.jpg
وأكيد الكل بيتذكر قصة حجا وقت نسي يعد الحمار اللي راكب عليه....
وحاليا في عدة قصص وروايات حول مصير باسم ورباب....عالم بتقول أنو باسم وصل للسادس ونزل عالصناعة اشتغل مع أبوه....وعالم بتقول أنو لأ...هوي وصل للتاسع بس ما قدمها ....ونزل اشتغل بالسوق عند خاله.....أما رباب فكانت أشطر من أخوها....وأخدت التاسع....بس اجى نصيبها وهيي صف حادي عشر....واتجوزت عالغربة يا خطيتها.....وهلأ صار عندها تلات ولاد...صبيين وبنت......
ميسون ومازن ماحدا بيعرف عنهم شي....لأنو ماكانوا كتير يطلعوا ويفوتوا مع باسم ورباب بعد صف الخامس....لأنو فصلوا الشعب عن بعضها بسبب أنو طلعت لغتهم فرنسي نتيجة القرعة اللي كانت تصير بصف الخامس...أما باسم ورباب وقتها فورا فاتوا بشعبة الانكليزي....لأنو كان أبوهم مدري أمهم آنسة....وهدول كانوا فورا يدخلوا بشعبة الانحليزي بدون سحبة أو قرعة....
وفي احدى الروايات:
باسم و رباب , ميسون ومازن , لولو وعمي منصور النجار ....
أبطال كتاب القراءة للصف الأول الإبتدائي " الكتاب القديم "بعد أحالتهم الى التقاعد لتقدمهم بالسن ....
أصبحوا على الراتب التقاعدي ..... :
ألتقيناهم و قد جار الزمن عليهم يعيشون في مستودعات المطبوعات المدرسية أسرة واحدة يتذكرون الماضي و أيامه ....
باسم ورباب وتجوزا ,,, ورزقا بكومة أولاد ... وخود على بهدلة ... :19:
باسم من محل لمحل ... وكلو فافوش :
رباب الآنسة المحترمة أصبحت الست رورو في.....
عمي منصور النجار كسر الدف وبطل الغنى : .. يعني ترك الكار ... راتب التقاعد لا يكفيه حق دخان و متة ...
لولو القطة بعد ايام العز وأكل اللحم و شرب الحليب .. صار ع الخبز المنقوع قال منشان الكوليسترول ....
ميسون عم تشك خرز وتطرّز ... بتحكيها من الشرق بتجاوبك من الغرب ... " يعني بالمختصر خرفت "
راحت أيام الطلة الحلوة .. وأيام بابا بابا ... يومك طابا ..... وماما ماما .... يا أنغاما .......
مازن بعد أحلامه الكبيرة بالانتقال الى كتب المرحلة الإعدادية ... كان مفكر الشغلة هيك ..... وين رايح بهل الزحمة يا مازن .. وتعقد من كلمة " ألك واسطة
اما الارنب وقفز الارنب
وقع على راسو شك "
