عرض للطباعة
بسم الله الرحمن الرحيم
صبآآح /مساااء الخير. *_^
فليراجع نفسه كل من يقول أن < الطفولة > مرحلة وأنتهت
فليس من السهولة أن تنتهي البداية ..
نعم كبرت أحجامنا ,,
و تغيرت نبراتنا ,,
و نضجت تقاسيمنا ,,
إنما طفولتنا بداخلنا >> خامدة نوقظها متى اردنا ..
فمهما زادت مسؤولياتنا ,,
وأزدحمت مشاغلنا ,,
وكثرت مشاكلنا ,,
يبقى شئ من الطفولة >> يظهر في تصرفاتنا ويرسم بعض سماتنا ..
ما هي الصفة التي تحتفظون بها من الطفولة ؟؟؟
انا الحمد لله
بحتفظ بالحنان والشجاعة والخجل
احترام الكبير وتوقيره
و
شرب الشاي:z027:
شكراً دمعة
بالتأكيد ما حدا فينا بيقدر ينسى هديك الايام
ويللي بيؤول هيك
معناها ما عاش طفولتو بنوب
ما بننسى انو الطفوله تركت فينا شيئ اسمو الحب
الاخلاص
التسامح
تركت فينا ذكريات جميله
نسجناها مع اشخاص نحبهم
لا ننسى حينما نلتقى بشاب أو ببنت ونتزكر وئت يللي كنا صغار
منتزكرها هديك الايام بابتسامه
بفرحه
منقول ساعتها والله عشنا يوم بهالدنيا
والله كانت ايام جميله
كنا بنحب الخير لبعضنا
مين بيقدر ينسى هالاشيا هاي
وازا بتسمحيلي بمشاركتي دمعه
راح ارفق موضوع كنت كاتبو قبل شي فترة
بعنوان
زمان وئت يللي كنا صغار
*****************
زمان وئت يللي كنا أطفال ..
كنا منعيش أحلى أيام الطفوله
كانت احلامنا بريئه
كنا منحلم بس متى ييجي النهار لحتى بلعب بالحارة نحنا ورفقاتنا
كنا منحلم متى ييجي يوم العطله لحتى نروح مشوار مع بابا وماما
كانت احلامنا على قدنا
صغيرة متل حجمنا كنا صغار
كنا بس نروح المدرسه ونلعب بالحارة ونطلاع مشوار مع بابا وماما
ما كنا منفكر بأشيا تانيه
احلامنا صغيرة وطموحاتنا قليله على قد حجمنا
زمان وقت يللي كنا صغار
كنا نزعل من رفئاتنا من شغله صغيرة
ومنتصالح بنفس الوئت
ما كنا منام ونحنا زعلانين
كانت البساطه عنوانا والطيبه حياتنا
زمان وقت يللي كنا صغار
كنا لما نروح لتيتا نفرح كتير وقتا كانت تعطينا حاجه ناخدها ونطير من الفرحه
وجدي كمان كان بيفرحنا كتير بليرة ناخدها منو
كانت ماما لما تروح لعند جارتنا تزورا كنا منروح معها
كانو عندها صغار نلعب معهن وننبسط
كنا منستنى لما ماما تروح لعند جارتنا عشان نلعب وننبسط
زمان وقت يللي كنا صغار
كان ييجي العيد كنا نطير من الفرحه نلبوس جديد ومعانا العيديه
منروح منشتري هدايا العيد والعاب حلوي كتير كنا منعيش وقتا
أسعد ايام حياتنا
كان العيد لما بييجي ما كنا منتمنى شي تاني بس بدنا نضل نلعب العاب العيد
ونلعب بالعابنا يللي اشتراها النا بابا
وكمان خالي كان بيجبلنا هديه ولعبه حلوي
كانت ايامنا كلا سعاده ولعب ومرح
ما كنا نفكر لقدام
تفكيرنا كان محدود
كنا منفكر بشي واحد بس
انو اي شي بيبسطنا وبيفرحنا منفكر فيه
كنا دايما نستنى الصيف لحتى نطلوب من البابا نروح الملاهي والحدائق
لحتى نروح نتفسح مع بابا وماما
كنا منفكر متى ييجي الشتا لحتى بابا يولع كانون النار
ونتجمع كلنا مع بعض على براد الشاي
ونتلم كلنا باحضاب بعضنا ويشعرنا بابا بالدفا
زمان وقت يللي كنا صغار
كانت الماما لما تشوفني زعلان تقللي شوبك يا ماما
اقعود ابكي
احكيلا ليش ابن عمي جايب تياب جديده وانا لا
بابا بيشتغل وعمي بيشتغل ليش بابا ما بيجبلي تياب جديده متل ابن عمي
كانت بتقلي ماما حاضر حبيبي من عيوني
بكرة بقول للبابا يحبلك تياب جديده
وهلا ارضيت يا ماما
بروح ساعتها بضحك وبفرح وبنط بحضنا وببوسا من خدا وبقلا
شكرا يا احلى ام بالدنيا
أنا بحبك يا ماما
وتقلي وانا يا ماما بحبك وبخاف عليك
زمان وقت يللي كنا صغار
كنت لما بمرض كانو يسهرو جمبي الليل كلو
بابا وماما
ويعملولي كمادات الماي البارده
ويسئوني الدوا لحتى اشفى
ويضلن سهرانين طول الليل لحتى اتعافى
كنت بشعر بحنانهم
وكانو يحسو بتعبي وبالمي
كانو بيخافو علينا وكنا منخاف عليهن لحدى ياخدهم منا
وزمان وقت يللي كنا صغار
ساعة ما نروح ننام
تفوت الماما معنا وتحكيلنا حكايه لحد ما تسبل عيوننا
وتغطينا بالشرشف ونقلا تصبحي على خير يا احلى ام بالكون
زمان وقت يللي كنا صغار
احلام بريئه وصغيرة
على قد طفولتنا
وهلا صرنا كبار
وصرنا نقول
زمان وقت يللي كنا صغار
أتمنى انا تكون رجعتكم للماضي ولايام وقت يللي كنا فيها صغار
وشكرا إزا سمحتيلي بالمداخله دمعه
تحياتي
Aramees
الطفوله ما عم تفارقني ابدا بكل جمالها وبرغم المتاعب انا بعدنيني كتير بحب العب مع الاطفال وشكرا الك ولكلامك الجميل
يعطيك العافية دمعة
الصفة التي احتفظت بها هي الابتسامة والضحك ..
شكرا لكي تحيتي
أراميس قلنا الصفة مو قصة حياتك
:z027:
----------------------------
الصفة يلي أحتفظ بها هي مشاهدة أفلام الكرتون والأنمي
شكرا لمروركم ومشاركتكم جميعا .. والموضوع مفتوح اراميس
شكرا على مداخلتك الحلوة
نورتو الموضوع
تحياتي لكم
كره الحليب بكل أنواعه ههه
شكرااا دمعة ع الموضوع الحلو
موضوع رائع يا دمعة
ويستحق التقييم
الصفة يلي بحتفظ فيها هي الحكي مع النجوم
شكرا يا غالية
هههههههه شو هاد سناء هي انتي كمان !!
نورتي حبيبتي:z025:
صفة حلوة كتير هيلين
شكرا لمرورك ومشاركتك وتقييمك ياوردة
نورتي http://smileys.smileycentral.com/cat/36/36_1_11.gif