مجلس الشعب السوري ومطالب الشعب

هل تعتقدون ان نزول الشعب السوري الى الشارع قد وضع اعضاء مجلس الشعب في الزاوية الضيقة لانه من المفروض ان يكون اعضاء مجلس الشعب منتخبون ديمقراطيا واهم واجباتهم ان ينقلوا مطالب الشعب لدراستها وتحقيقها ام ان مجلس الشعب لم يقم بواجبه الحقيقي الذي وضع من اجله
وقد يقول اخر ان مجلس الشعب مزور ومجرد واجهة ظاهرها الانتخابات الحرة والنزاهة وباطنها التزوير والفساد واستغلال المناصب ما رايكم في ذالك؟
اليس نزول الشعب الى الشارع لتحقيق مطالبهم دليل على أن جسور التواصل بين الشعب والجهات الرسمية معطلة او مفقودة
يمكنكم اضافة ارائكم حول الموضوع

شكرا لك دكتور
واريد الاعتذرا بااني لااستطيع الرد على طرحك
تحيتي لك

مشكور دكتور


الشعب ماكل هوا على الجيهيتن لو حكا او بقا ساكت

السلام عليكم
لايمكن وضعهم بالذاوية لانهم كالذئبق
وهم كما قال القائد احجار دومنو يتم تحريكهم وقت الحاجة
وهم لايمثلوا الشعب من قريب او بعيد
الجميع يعلم كيف يزكيهم الحزب
بعيدا عن استشارة احد
وحسب ولائهم للحزب
من وجهة نظري
انه مجلس كذب ومداهنة ومناقصات تجارية
حاشى لله ان تكون الانتخابات مزورة 99،99
الكل بصم بالدم من اصبع يده
مو احسن ما يكون الدم من رقبته
مافي جسر من اصلوا لتقصفوا اسرائيل
عنا الاتصال وجه لوجه في بيت الشعر على جلد الشعب المسحوق

حراااااااااام ان يكون المسمى مجلس الشعب
فليختارو اي اسم اخر
فالشعب بريء منهم

اذا كان أكثر من 60% من أعضاء مجلس الشعب هم من حزب البعث فشو بدو يطلع معهم!!!!!!

مشكورين عالمروررررر
بدنا اراء باقي الاعضاء والمدراء

للأسف حتى طريقة جلوسهم بالمجلس وقت الخطاب مخزية ....

King of Nothing

في عالم عم تقول كان ناقصهم علي الديك
شو رايكم

طبعا هاد مو اسموا مجلس شعب هاد اسمو فرقة دبكة او جوقة فرح متل مجلس الشعب الاميركي نفس الشي بس في فرق بسيط انوا مجلس الشعب الاميركي عايش من اجل شعبوا عايش من اجل وطنوا كل هموا المواطن قبل الوطن كل همن راحة المواطن مو متل عنا همن الوحيد السرقة والنهب وتمسيح الجوخ والترطيل للرئيس ولغيره قال مجلس شعب قال
لك انا الي مجنني انوا ما احترموا انوا دم الشهداء لسا ما جف لسا الماء على قبور الشهداء ما جفت ولسا في شهداء في اللاذقية لم يدفنوا بعد وهنن عم يصفقوا ويلعبوا ويضحكوا ولا حتى كلفوا خاطرن انوا يوقفوا دقيقة صمت احترام للشهداء
شايفين يا شباب سوريا قديش الدم السوري رخيص عند مسؤوليه من اعلى الهرم وحتى اخر الهرم
وحسبي الله ونعم الوكيل في هيك جوقة فرح قال مجلس شعب قال هاد كبيره والله
وانتي يا انسة ريماس طبعا ما بدك تعلقي طبعا مارح تعلقي بتعرفي ليش بستحي قلك ليش ؟

هالمرة رح احكي باللهجة السورية:z027:
اخ حسام مابصدق صرت تستحي تحكي ؟؟؟
غريبة حسام صار يستحي
اخ حسام انا قررت بعدم التدخل والتعليق والي الحرية ومابيحئلك تعلق مشاني
ورح اقول سبب عدم تعليقي بهالمواضيع مو مشانك مشان باقي الاعضاء يفهمو السبب
لانو انا ان حكيت معك كلامي مارح يقدم ولا رح يأخر لهيك مابدي اعزب حالي
اولا انا عايشة بالغربة او بالاحرى من مواليد الغربة وتقريبا مابعرف عن احوال السياسية بسوريا او شو عم يصرلهم
هل تتوقع الاهل يحكولي عن احوال سوريا ولا هالناس يلي بسورية تتوقع انهم يحكولي
فكيف رح اعرف معاناة الشعب السوري وكيف حياتهم او كيف عايشين
اذا الكل عم يكزب وعم يكزب بحالو وماعم يحكي الحقيقة مخبيين الحقيقة جواتكن
وماتشاطرتو وطالعتوها الا وقت يلي طلعت هالمظاهرات
وينكن من قبل المظاهرات ؟؟؟
ولا بس بدكن تقلدو تقليد اعمى ؟؟؟
انا بنت عايشة بالغربة مع اهلي وماعنا طلعات ولافوتات بالبيت على طول
والنت ماصار عندي إلا جديد مالو زمان
فبتتوقع شو ؟؟ من وين رح اعرف الحقيقة ؟؟
فشلون تريدني اشارك واعلق !!!
ان كان بدك تلوم حدا ماتلوم الرئيس بس
لازم تلومو حالكن انتو قبل .. اي الملامة بتقع عليكن انتو قبل الرئيس نفسو
انتو يلي تركتو مجال لهالشي يصير ازا كان صاير
انتو يلي ضبيتو لسانكن وسكتو وماسترجيتو تفتحو افواهكن الا هلاء
قبل خفتو
وهالردود يلي طلعت منكم ماسترجيتو تكتبو قبل
بعد مظاهرات لحتى صرتو تكتبو
ليش؟؟؟؟

بعدين انت ياحسام مالك شاطر غير بالحكي بس اما الفعل نوو ماشفت منك ولا شئفة نخوة
حاج شبعنا وسمعنا منك حكي كتير

ولمن تشوفني ماعلقت او حتى لو علقت
مابيحئلك الا تعبر عن رئيك الشخصي من غير ماتتدخل في رد غيرك

يلي عم يطالب بالحقوق
سؤال
كيف الشخص يطالب بحقو اذا هو يتعدى على غيرو ؟؟؟
تحيتي

اخي مجلس الشعب لاأعتقد انهم اصبحو في زاوية ضيقة
بدليل اعمال القتل والاجرام الغير معروووف مصدرها
اما بالنسبة للشعب خليهم شبعانين نوم
كانو في سبات عميق وراضين عالوضع من زمان
وماصحو الا وقت شافو غيرهم وعقولة ريماس تقليد اعمى
مو حرام هالضحايا يلي راحت مشان شو مشان مطالبنا يلي ماتزكرناها الا هلاء
مفكرين رح يتغير شي يعني ؟؟؟؟
اي الله كريم
والله يرحم شهدائنا ويجعل مثواهم الجنة

ملاحظة صغيرة للاخ حسام
اخي انت عبرت عن رئيك على عينا وراسنا

بس شو قصتك !!
ليش حاطط دابك وداب ريماس

اختلاف الرأي لا يفسد للود قضية ونحنا مثقفين واسلوبنا ارقى من هيك

الا ازا عندك حكي تاني هداك الوقت مارح اعلق تعرف ليش ؟؟؟
بستحي اقلك ليش

تحيتي واحترامي للجميع

http://asiert-alrooh.net/vb/images/s...28d0a11ee8.gifhttp://asiert-alrooh.net/vb/images/s...28d0a11ee8.gif

السلام عليكم
يا جماعة صابني الحماس من شفت الموضوع
بان ارد وارد على كل مين مفكر ان مجلس الشعب عنا فعلا هو
مجلس انشأ هو واعضاءه لخدمة الشعب
لاء هذا المعتقد خاطئ وكل من يعتقد ان هذا المجلس يخدم الشعب
بالاحر بقلكون ياه وبالسوري هاد المجلس أنشأ لنهب الشعب والله يستر هع
وتاني شي مجلس الشعب بالدول المتقدمة هع هو الذي يصدر الاوامر الى القيادة
العليا ومن ثم القيادة توافق على حسب اصوات الاغلبية التي يتم
التصويت عليها بعد رفع قرار او مسودة قرار ما ..
هاد مجلس الشعب الحقيقي الذي يمثل شعب دولة
وليس مجلس الشعب الذي يتكلم عنه البعض
مجلس شعبنا تأتيه القرارات موافقة ومختومة ايضا
من قيادته ...
هذا مجلس الشعب عندنا وعند جميع العرب او الدول العربية
لاحول ولا قوة الا بالله
وان لله وان اليه لراجعون:showoff:
.................................................. ...........
هاد رأيي المتواضع فتقبلوه
اما بالنسبة للذي حصل والذي يحصل في محافظات سورية
ما رح اعلق لان ان علقت ممكن تعليقي يسبب حرب عالمي تالتي :baaa2:
http://www.mgtrben.com/portal/images/smilies/icon9.gif
http://www.mgtrben.com/portal/images...helpsmilie.gif

أنا أعترض على العنوان لأن مافي بسورية مجلس الشعب ، وهدا مجلس روبوتات لا يتصرفون إلا حسب البرمجة ، ولكن هذه الروبوتات متطورة جداً لأنها أحياناً تفهم على إشارة المبرمج بدون استخدام الريموت كنترول .