حابب افش لكم قهري؟

[روسي]

السلام عليكم:
والله يا جماعة انا حبيت افش قهري لكم.واشكي لكم همي.
انا عن جد كلي استغراب واستنكار لوضع العرب وخصوصا السوريين من الذين الله عطاهم بالغربة.
ولسا طمعانين بالمزيد وتضيق احيانا بعينهم الليرة بجيبتك وهم معهم الملايين.
اشتغلنا عند 2 سوريين عندهم محل بالة والله عاطيهم وكل واحد اكتر من التاني.
اقسم بالله ما يسترجوا يعيطوا بوجه الروسي الاصلي.وبيتفششوا فيني اذا صار اي خطأ ولو تافه بالعمل.
الله لا يجعلنا من الحاسدين والله عم يطالعوا من شغلة البالة ملايين ملايين الروبلات.يعني شو المشكلة اذا تركوني اعيش متل العالم والخلق
والله والحمدلله بالنسبة للأمانة وكل شي اموري تمام .بس هيك سبحان الله محظوظ بالسوريين.والمشكلة انه بمدينتي العمل قليل فانا اسكن بمدينة شيليابينك بالاورال والوضع بيهوي.
لاحول ولا قول الا بالله
وحسبي الله على كل ظالم ونصاب وابن حرام
وشكرا لكم

[En.Khaled Alfaiomi]

هلا فيك ياغالي

كل عام وأنت بألف خير

بخصوص الشغل كلامك سليم 100% وهيدا اللي بيصير بالدول أوروبا ودول الأتحاد السوفيتي ( أوكرانيا - روسيا - أرمينيا ...)

يوجد بعض العرب الأغنياء ( طبعا ضربوا ضربتون أيام أنهيار أتحاد السوفيتي )

للأسف شاهدتها بعيني أستغلال غير طبييعي لأبناء بلدون ( والراتب أقل من الروسي ) للأسف لا أعلم السبب ؟

ومنها ( بيع الشاورما ) ( البالة ) ( الأحذية ) ( الفواكي )

وطبعاً العرب بس بيبدعوا بهيك أمور ( وخصوصا الأكل ) مثل الشاورما

الله يعينك ويغنيك عن كل واحد نصاب أو بياكل حرام


والله يوفقك يارب

تحياتي لك

[دمعة فرح]

وعليكم السلام

الله يكون بعونك وياخد بإيدك والظالم إلو يوم

وماتنسى دعوة المظلوم مابينا وبين الله حجاب إلك الله انت

والله تقطع قلبي

الله كريم

[روسي]

السيد خالد فرح والانسة دمعة فرح انا اشكركم كم كل قلبي لمواساتكم لوضعي.وأسأل الله ان تكون في ميزان حسناتكم.
الحمدلله لسا في ناس فيها خير وفيها ضمير وبتعرف الصح من الغلط.
انا الشيء المستغرب له اكتر ان سبحان الله كل القوميات الاخرى كتير بيهتموا بعض وبيساعدوا بعض.بس نحن العريبة ..الله اكبر حدث ولا حرج.
لا والمشكلة بيفتخروا انهم صاحبين صلاة وقيام وما بيغضبوا رب العالمين.طيب لما تتم معاملة عامل بدوا يعيش بالحلال وياكل رزقتو بالحلال معاملة جدا سيئة.هذا شو مو اغضاب لرب العالمين.بل هو النفاق كله.
والاكثر من هذا انه كل شوي والتاني بيقول لك احدهم يا اخي انا كل مرة بقول ما بدي شغل عريبة معي و بنسى وبشغلهم للعريبة معي وما بيجيبوا الا وجع الراس لي وبيعملوا لحالهم مونة علينا.
يالله بسيطة الله كريم,
شكرا يا اخوان مرة تانية وكل عام وانتوا بمليون خير