هل لأنك تراعي شعور الأخرين تكذب

[لولو الصغيرة]

ما سبق وقلت لأحد أصدقائك [ كنت حاط الجوال ع الصامت ]

والحقيقه ما بدك تقله انك شفت اتصاله ~~ وكنت مطنش كنت عم تلعب بشي ..أو مالل..أو موفاضي
أو تتابع الحلقه الأخيرة من المسلسل التركي .


~~~


ويمكن حصل انك قلت لأمك [ جيت لقيتها مكسورة ] وفي الواقع

انك شط الكورة ورجيت الحيطان ورجعت على الطاولة القزاز كسرتها



~~~~


أو قلت لأختك [ الكمبيوتر تبعي خربان ] لأنك بصراحة ما بدك ياها تستخدمه

قيمته غاليه ~~ ويمكن تخربلك شي فيه.


~~~


أو تعذرت لزميلك بكلمة [والله ما شفتك ]

شفته بس كنت مستعجل بدك تروح عالبيت ~~ بدك تحكي معه رح تتأخر .


~~~




لو تعتبر نفسك [ مجبور ] تكذب دايم بسبب انك تراعي شعور شخص عزيز
طيب ما سألت نفسك ~~~ شو رح يكون شعور الشخص العزيز لو عرف انك تكذب عليه !
أو شو شعورك لو عرفت أنو نكذب عليك




مع تحياتي للجميع

[دمعة فرح]

لولو ممكن هالاشياء تصير بس بظن مو لغاية الكذب .. لغاية اعتذار بس فيها نوع من الغلط
هلأ اكتر شي مسألة الموبايل بتصير كتير .. بس انو بعدين الواحد بيعترف بالكذبة ويقول انو والله ماكنت فاضي وقتا او ماكنت اقدر احكي مع حدا .. وقلتلك الموبايل سايلنت مشان ماتزعل .. يعني عادي
بس في الحالات التانية اسما كذب ومافي داعي إلها .. الانسان القريب على قلبي رح يتقبل مني كل شي ولو كان يزعجو شوي .. بس بعدين ترجع الامور لطبيعتها ..

وشكرا لطرحك ياوردة

[أحمد فرحات]

بختصار هذه تسمى ضعف شخصية
تحياتي لولو

[الصقرالحنون]

اي كل ماورد جايز يعني أذا الماما قالت

وين كنت وأنا كنت العب كرة وهي بتخاف علي

مثلاً لاني مصاب بدي اكزب عليها

أو بنتي قالت ليش ماجبت الي هديك الشغلة بقلا بعدين

مشان تنسى يعني انا ماحابب اجيبة لانها فيها شي مو منيح

يمكن هل تصرفات غلط لكن هذا بيصير منو كثير

وانا حبيت اجاوبك بصدق بعيد عن المثالية

مشكورة لولو والحمد لله على سلامتك