إذا بتحكي كلمة ... رح قص لسانك

[ريماس]

شو رأيكم بشغلة التسكيت الإجبـــــــــاري وتكميم الأفواه... يعني ....
قمع الشخص من إنو يحكي و يبدي رأيه

طبعاَ شي في منو كتير .... من كل جهة بتملك –خلينا نقول – نوع من السيطرة على فئة معينة

الأهل مثلاَ على ولادهن ..الأخ الأكبر على الأصغر..

الزوج على زوجته .. الرئيس بالعمل على موظفيه ..

حتى بحياة الإنترنت والمنتديات (اللي على أساس في حرية بالرأي) بنلاقي

في هالنوع من التسكيت الإجباري

طبعاً أنا مافيني انكر إنو أحياناً الدافع قد يكون من منطلق....

((الباب اللي بجيك منو الريح...مابعرف شو تعمل فيه ))

بس شو مشان كلمة الحق ... وشو مشان الشي اذا إلو علاقة بالشخص المقموع ...؟؟

برأيكـــــــــم ...... !!!

شو السبب الرئيسي اللي بيدفع للقمع ومنع إبداء الرأي

ياترى ممكن يكون خوف ولا الشي اللي مابيناسب هوانا ومزاجنا

لزماً حتماً نقتلعو من الجذور ؟؟

طيب شو شعور الشخص لما بيواجه تسكيت - على سبيل المثال -الإبن لما يخاف يحكي كلمة قدام أهله

خوفاً من انو تجيه ضربة مباغته...وهو بيعرف إنو على حق...؟؟

صار معكم شي موقف أجبرتوا فيه على السكوت وانتوا معكم الحق

إنو تحكوا و تصرحوا برأيكم..

طيب ماحسيتو بحالة اختناق عجيبةٌ..غريبةٌ .. سامةٌ .. طامةٌ ؟؟؟(بعيد الشر عنكمُ )

هاتوا لشوف .. ؟؟

(( إذا صــــــــار ما صار ... اقرؤلي الفاتحـــــــة ... مو تهربوا .... ))

مما راق لي

[king-of-nothing]

قولي الحكي لأبي


هههههههههههههه ياما آكل بوكسات وكفوف صار عندي لو قال اللبن لونو أسود بحكيلوو ايه أسود مشان اخلص وريح راسي


King of Nothing

[دمعة فرح]

شو عم تحكي ريماس قال حرية رأي قال
مانك شايفة نحن بأي زمن ههههههههههه
اللي مابيجي معك روح معو
بس انا عن نفسي بعمل اللي براسي

[Jude]

يمكن بهل وقت صار الواحد بيقدر بيدي رايو قدام اهلو او حتى مدرستو بس براي يكونو هنن بدو ياه ومرباينو عليه بس غيرو لأ
او حتى يمكن راي صح بس بينخاف منو مشان هيك ما منحكي ومنسكت عنو
يعني لولا هل كلمة (اذا بتحكي رح قص لسانك ) يمكن هلأ نحنا ما صرنا بهيك وضع الي وصلنالو يمكن كنا صرنا بوضع احسن من هيك ومشاكلنا كانت نحلت بدون هل شباب اللي عم بروحو هلأ وقت صار بدن يحكو