ما بدي أحكي غير اني صرلي شي سنتين بلكويت
وإنصدمت من طريقة معاملة أخواتي الكويتيات لي لما يعرفوني سورية !!!!! من نبذ ونظارت غريبة وكلمات جارحة وابتعاد كأني فيروس معدي أو زومبي أو شي يريد ان يفتك بهن؟؟؟؟؟؟
مع إني الحمد لله متحجبة وغير متبرجة والقي التحية عليهن وأبادلهن الإبتسامة لكن أتفاجئ بنفورهن وابتعادهن
وما حكمت على هلشيء إلا من بعد مواقف كثيرررررررة صارت معي وما تسرعت بحكمي وكل مرة أقول حالة إستثانية بس بسبب تكرار هالمواقف تأكدت من هلشيء
بس صراحة إنصدمت كثير وصابني خيبة أمل وذهول
ليش هيك........عنجد ليش هيك
كل هلكره والحقد والبغض ؟؟؟؟؟؟؟؟
معلش أنا في بحلقي بحصة وبدي بقها وفي بقلبي حزن وجرح كبير
وبتمنى مشاركة جدية من الجميع بس بشرط عدم الإسائة لأحد أو التجريح لأي مخلوق
واشهد الله اني لا اقصد من وراء هذا الموضوع طائفية أو نزاع او قبلية
بس عم بستفسر وبتسائل وبستعجب وبستغرب .............ليش هيك؟؟؟؟؟؟؟؟؟؟؟؟؟؟؟؟؟
بعاملونا الأخوات الكويتيات نحن السوريين بلأخص هلمعاملة؟
وقدام عيوني بحكم إني أتضطر أدخل منتديات كويتية للتعرف على الأماكن والخدمات ...إلخ أنصدم وكل مرة ألاقي هجوم شديد ضد السوريين رجال ونساء
فهي يلي تحكي ان المغترب السوري عيونو بازة وبيطلع وبيتحرش فيها وبيلحقها وما بعرف شو!!!!!وبتحكيلها رفيقتها أن لازم نتعلم كاراتيه وتايكوندو وترد عليها مافي داعي حبيبتي بس عياره طقيله هلإقامة وكنسليله ويرجع يبطل شحا؟؟؟؟؟؟ لبلد فقره!!!!!!!!!!
طيب ليش التعميم وين ما بنروح بنلاقي شباب مؤدبين وغير مؤدبين فليش تتهم الرجال السوريين ككل بهلإتهامات؟؟؟؟؟؟
وهي يلي تقول الرجال الأجانب يعني (هندي مصري سوري ...إلخ) مثل الخدم يعني يحل تشيل النقاب عن وجهها قدامه
أنا ساكنة بمنطقة كلها بدو وبحكم طبيعة شغل زوجي أحيانا أتضطر أروح معه وأشوف أن المرأة(أكثر من مرة) تكون منقبة وتشيل النقاب أمام زوجي ولما يجي رجل كويتي تحطه ؟؟؟؟؟؟؟؟؟؟؟ شو يعني هلحركة!!!أنا ما رضيت إسأل زوجي لحتى ما إجرحلو مشاعرو أن يعني تعتبره مو حدى أو ما يستحق تلبس قدامه النقاب؟؟؟
عنجد مو فهمانة شي حدى يفهمني بليزززز
يعني هم مفكرينا رعاع وعبيد عندهم؟؟؟؟؟؟؟؟؟ طيب متل ما نحن مغتربين وبندور رزقنا هم كمان في منهم كثير مغتربين بأوروبا وبأماكن تانية بدورو رزقهم هم بيرضو هلمعاملة يلي بعاملوها إلنا بغربتهم؟؟؟؟
وهي يلي بتقول انو دكتور سعودي يحكي أن المرأة السورية غير نظيفة ..........مافيني أحكي أكتر من هيك
وهي يلي بتقول السوريات كلهم سود وبشعين ؟؟؟؟؟؟؟؟؟
وليش بعمموا ........ما بيعرفو أن الصالح والطالح والحلو والبشع والغني والفقير موجودين بكل مكان
أنا فسرت حقد وكره المرأة الكويتية للمرأة السورية دفين وكبير بسبب أن المرأة السورية يضرب فيها المثال بلأدب والأخلاق والإحتشام وحسن إدراة المنزل وتربية الأولاد والسمعة الطيبة
أنا بزعل عليهم وبدعيلهم الله يهديهم
لأن في حديث عن الرسول صلى الله عليه وسلم بيقول: لا يدخل الجنة من كان في قلبه مثال (ذرة)من كبر
يارب لا تجعلنا من المتكبرين أو المتعاليين حاشى وكلا نكون منهم
وأنا بعتذر علإطالة ......
صراحة ما بعرف إزا موضوعي فيو نواحي سلبية أو لا لأني وضحتلكم وجهة نظري من ورى كلامي هاد
وبتمنى الإدارة تتصرف في حالة لو كان الموضوع سلبي
دمتم بخير
تحياتي يا اختي
أولا ولكم فيكي بالكويت ... :)
متل ما حكيتي ما بيعرفو أن الصالح والطالح والحلو والبشع والغني والفقير موجودين بكل مكان ... نفس الشي بالكويت في ناس منيحة ماعندى هالنظرة وفي ناس عنصرية ... ممكن السبب انو الجنسية الكيوتية في منها درجات كويتي درجة أولى وتانية وتالتة ... اللي عندو جنسية ما بيقدر ينتخب واللي عندو جنسية وبيقدر ينتخب .... طبعا رح يخلي الناس تتطل بعنصرية ... هلأ حلوو الواحد يكوون يغار على بلدوو ... بس ما يكووووون عنصري عالعموم الله يوفقك بدنيتيك هوون ... أنا هون باالكويت انولدت هوون وصارلي بالكويت 23 سنة ما طلعت منها ... للأسف أهلي أقلموني عالغربة لدرجة اني صرت غريب ببلدي ... شائت الأقدار وسافرت 4 أيام على سوريا من شهر مع الوالدة ... والله حزت بخاطري ال23 سنة اللي ما طلعتهووم من الكويت وما قضيتهوم ببلدي ... بس شو بدنا نساوي الله كريم
تحياتي
King of Nothing
أشكرك أخي الكريم ملك اللاشيء .......:)))) إسمك غريب وسو فوني بس فريد من نوعو وحلوالمشاركة الأصلية كتبت بواسطة king-of-nothing
بتعرف شو
أنا كمان تولد الكويت وكل أهلي كانو قبل الإحتلال فيها حتى إن والدي إجى علكويت بأول الستينات يعني كان صغير وقتها وتزوج ماما الله يرحمها وجابونا كلنا هون بس لما صار الإحتلال رجعنا لبلدنا وبقي والدي وخيي هون وبابا الله يذكرو بلخير بطل يسافر من عشر سنين ولا لو ضل يسافر يمكن كان حصل علجنسية الكويتية والحمد لله إنو ما حصلها هيهيهيهي
بس أنا كنت صغيرة كتير قبل الإحتلال وما بذكر غير شغلات بسيطة وأهلي كانو عايشين بخيطان يعني كان في كتير مغتربين بس أكترهم مصاروة
فيعني أنا تصورت إني عيش متل حياة إمي وخواتي قبل بس إنصدمت بواقع تاني محايد تماما
يمكن أنا فسرتها غضب النساء الخليجيات على الشعب السوري بسبب كثرة السفر من الكويتيين إلى سورية بسبب الإصطياف وتركهن لوحدهن
مابعرف ......شو الحل وشو نعمل
بس لا أملك غير الدعاء الله يهدي الجميع
ونخلص غربتنا على خير
بتمنى نبقى على تواصل من خلال هلموضوع
تحياتي وإحترامي
لا أعلم ماذا أقول لكي
أنصحك بالصبر والمعاملة الحسنة ولو اي شخص كان سيء بالمعاملة معك عامليه معاملة صالحة .
وأن شاء الله ينتهي زوجك من العمل هناك أو الأنتقال الى مكان افضل
ونحن معك أن شاء الله في الملتقى منقدم المساعدة لبعض ومنرفه عن بعض ومنتبادل أخبارنا بشكل يومي .
بدها الحياة صبر كتيررر
تحياتي
لتوصل معي على الفيس بوك بإمكان اضافتي على الحساب التالي :
https://www.facebook.com/Microsoft.Engineer
نصائح واستشارات امنية في مجال امن المعلومات والإتصالات
كبار استشاري امن المعلومات في شركة مايكروسوفت
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)