استفسارات ضرورية جدا

[المهندس باسل]

السلام عليكم اول شي بحب هنيكم على هالمنتدى والتواصل الراقي
يعني الواحد بكون فخور بابناء بلدو
وعندي كم سؤال اخواني

الاسئلة والاستفسارات
1:ما هو أفضل اختصاص للماجستير بالهندسة الكيميائية لعمل بالخليج انا كان عندي خيارات وحاب اسأل عنها
ا_تكرير النفط
ب_بوليميرات
ج_تحلية مياه
د_تقانة النانو
ولا في شي احسن ابحث عنو
2:شو افضل المدن مناسبة من حيث عراقة وقوة الجامعة والتكلفة والمعيشة
3:شو الافضل بالجامعات من حيث قوتها ومن حيث اختصاص الهندسة الكيميائية
4:لازم اكون عامل اختبار توفل او ايلتس ولا ممكن اعملو ببريطانيا وما في شروط
5:ما المقصود التوصية من قبل اعضاء بالهيئة التدريسية عندي . يعني لازم احكي مع دكتورين ويكتبو توصية وهيك شي؟
6:كم هي التكلفة الجمالية البدائية
تكلفة دورات اللغة والسكن والتسجيل بالجامعة وكم تقريبا المصروف الشهري للطالب و.....و.....و.
يعني كم لازم اخذ معي بالبداية لما اسافر وكم بكفوني؟
صحيح في سكن جامعي او هيك شي ؟لان لما سألت ما حدا خبرني
7:اسمعت انو الطالب بيقدر يشتغل 20 ساعة بالاسبوع مباشرة صحيح؟ يعني بيقدر الواحد يشتغل مباشرة ولا بعد 6 شهور
8:حابب تعطيني شو في عندك نصائح او شي لازم اعملو حاليا او اجهزو لان انشالله السف حيكون بشهر 10 تقريبا اذا الله يسر
9:ممكن انا اطلع هلأ قبول لغة وقبول جامعة . يعني هةو الو مدة محددة وبنتهي ولا ممكن يظلو ساري المفعول؟؟؟
10:انا بقدر اختار اختصاص الماجستير الي بدي اياه ولا كل جامعة الها اختصاصات محددة بالماجستير بتحددو هي؟

[king-of-nothing]

بالكويت مابظن في هالتخصصات بالجامعات الخاصة حالية ممكن الإمارات بالنسبة كدولة خليجية هي أنسب شي إلك .... فيك تراسل الجامعات الموجودة بالإمارات ... امتحان التوفل بيساعدك لإنو لما تقدم بيوفر عليك كورسات زيادة انت بغنى انك تاخدها بالجامعة لما تكون عامل التوفل ما بتحتاج تعمل امتحان مستوى بالجامعة ... طبعا في سكن جامعي بالامارات في هيك شغلات على حسب علمي


http://www.lakii.com/vb/archive/index.php/t-124553.html

اللينك هاد فيه عناوين الجامعات بالامارات


King of Nothing

[Sanaa]

أولا أهلا و سهلا فيك بالملتقى


تانيا ... حضرتك وين ناوي تعمل الماجستير ببريطانيا ؟؟؟؟ و لا بالخليج ؟؟؟



هلأ حاليا رح قلك بس بالنسبة لرسائل التوصية ... طبعا انت المفروض تحكي مع دكتورين بيعرفوك كتير منيح بالجامعة

و تطلب منهم يكتبولك رسائل توصية ....

هي عبارة عن كتاب موجه من الدكتور للجامعة المعنية ... من خلالها بيذكر الدكتور المعلومات يلي بيعرفها عن الطالب

( مجتهد .. طموح .. نشيط ...... الخ.... و بالتالي هو بيرشحك للدراسة بالجامعة المعنية )

هلأ إذا على بريطانيا ( الرسائل بتكون بالانكليزي طبعا ) ... إذا الدكتور لغته منيحة ... لازم يكتبلك الرسالة بالانكليزي

إذا لاء ... مو مشكلة بيكتبها بالعربي ... و بعدين انت بتاخدها لعند ترجمان محلف ...

بعد ما اترجمها بتخلي الدكتور يوقع و طبعا لا تنسى ختم الكلية

و لا تنسى كمان ترويسة الكلية ببداية الورقة ( شعار الجامعة ) ...

بيجوز تعتبر هي تفاصيل صغيرة ... بس كتير بيدققوا عليها

كمان في شغلة ... الدكاترة لازم يرفقوا مع الرسائل أرقام موبايلاتهم و ايميلاتهم و عنوانهم ...

لأنه الجامعة ممكن تتواصل معهم أو تسألهم ....



حاليا رح جاوبك بس عن هالموضوع ...

لأني مو متأكدة إذا كنت ناوي بريطانيا أو الخليج ( مع اني فهمت انه بريطانيا تقريبا )

ع العموم أنا رح كون متابعة إن شا الله

بالتوفيق

مع التحية

[أسامة كمال]

مشكورين على هذا المنتدى الرائع