اكلات من السعوديه

[ماهرالفيزو]

((طريقة عمل المثلوثه ))
7
7

المثلوثه هيه عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز

راح نشرح كل طبقه كيف راح نسويها

المقادير الجريش

كأسين حب جريش
2ونص لتر لبن مطلعينه من الليل برة عشان ترتفع الحموضه فيه
ماجي قليل الملح
ملعقة صغيرة كمون
2 بصل مفروم ناعم

مقادير التشريب لخبز المسح

بطاطس مكعبات
جزر مكعبات
كوسا
كيش خضار مشكله
طماطم مطعبات
بصل مفروم
ليمون اسود كور
ماجي
صلصله
فلفل اسود
خبز مسح
دهن بقر مذوب
صلصه
دجاجه مقطعه نصين

الطريقه

أول شئ نعمل الجريش
نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونظلنا نحرك ختى يثقل المزيج
يعني تصيرين تشوفين حبات الجريش
تبان من فوق هنا خففي النار مرررررة هادئه وحطي قطعة حديده تحت القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير وأظربي الجريش بمضرب خشب وخليه على جنب

الحين نعمل المرق حق التشريب
احمسي البصل مع الماجي والبهارات الي عندك تستخدمينها للمرق وبعدين أضيفي الدجاج والماء وأتركيه يغلي
الي ان تستوي الدجاجه
بعدين أرفعي الدجاجه وحطيه على جنب الحين
المرق الي صار عندنا نقسمه نصين
كل واحد بقدر
قدر راح نضيف له الخضرة الي عندنا المقطعهوالصلصه والطماط ونخليه يطبخ الي ان تستوي الخضرة
والقدر الثاني نضيف له الارز ونسوي الارز مجبوس فيه
نراعي طبعا كميه الماء لأننا راح نظيف زياده ماء ونضيف شوية ملح
بعد ما يستوي المرق
نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق الي قيه
الحين نسوي حشو بصل عادي ومكسرات محموسه
نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه
الحين جينا لطريقة التقديم







أول شئ نحط طبقة الجريش





ثاني شئ نحط الخبز الي رشيناه بالمرق وشويه من حشوا البصل ونحط الخضرة الي كانت بالقدر

بعدها نحط الارز






وبعدين فوقه نصف ا لدجاج ونحط الحشو البصل والمكسرات ونزينه
ونرش فوقه سمن بلدي


ترى تحسونه خطوات كثيرة
بس ترى يستاهل الطعم كثير

[ماهرالفيزو]

(( مظبي على الملح ))




الطريقة هي طريقة عمل المظبي على الملح أو تعرف بالطريقة الحايلية
او بالاصح طريقة اهل حائل

المقادير
كيس او اثنان ملح قصب خشن







لحمه خروف او تيس صغير طازجه......







بهارات لتبهير اللحم بشكل خفيف جداً غير ملاحظ ..
ملح ناعم خفيف
بصل
طماطم
فلفل بلدي
زيت طبخ أو تاخذ من شحم الخروف افضل
ورق الغار لزوم الكبسة عشان تطلع نثرية وبها نكهه الرز الزربيان العدني ذو النكهه المميزه ..
حبات هيل توضع مع الارز
عويدي او مسمار يوضع مع الارز
رز حسب عدد الاشخاص (طريقة الليلة لثلاثة اشخاص تكفي اربعه)








الطريقة
1
أولا ناخذ الملح ونطشه بالقدر حتى يملأ اقل من ثلثه او ربعه تقريبا بدون ماء ولا شئ .. الكيس يكفي اذا كان حجم القدر صغير .. واذا كان القدر كبير كيسان الى كيس ونص ..
نشعل النار على القدر ثم نكب الملح ساده وسطه ولا تخاف ما راح يميع او يحترق من الحراره ابدا ابدا ..








2
يترك على نار هادئة لمدة عشر دقائق حتى يسخن الملح وتأكدوا من ذلك بلمس الملح باصبعكم ..
بعد ذلك اخلطوا اللحم مع البهارات بشكل خفيف جداً وكذلك اضافة قليل جداً من الملح لأن اللحم سيتشرب بجزء من بخر الملح ..
الان بعد ما تبلنا اللحم .. الملح وسط القدر اصبح يصدر صوت خفيف طقطقه من اثر الحراراه .. ناخذ اللحم ونضعه بكل هدوء فوق الملح قطعه قطعه .. ولا نحرك القطع من مكانها بعد اول مره تضعها فوق الملح .. تمام ..







3
الان بعد ما صفيتوا اللحم فوق الملح لا تخافوا عليه ابد .. كل المطلوب منكم ان تضعوا القصدير على فوهة القدر بشكل جيد لفه مره او مرتين واتركوه لمدة ساعة اذا كان اللحم صغير طازج .. ولا ترفعوا عنه القصدير ابداً .. وستبهركم رائحة اللحم المظبي بعد نص ساعه من وضعه داخل القدر .. لذلك لا تنزعجوا كثيراً ما دام النار هادئة ..











4
على بال ما ينضج اللحم ضع البصل والطماط واحمسهم مع الفلفل وضع الهيل والمسمار ( القرنفل - العويدي) .. وخلوا شغلكم على رواقه لان امامكم متسع من الوقت على بال ما ينضج اللحم ..


5
طش الماء في القدر وخله لين يسخن ثم ضع الرز ومعه ورق الغار وطبق على قدر الرز لين يستوي وخله على نار هادئة .. حتى ينضج هكذا ..


6
نشيل القصدير بعد ساعه لان اللحم قرب يستوي ويطلع شكله غير محمر ولا اروع ولونه ورائحته تاخذك الى عالم آخر من الخيال .. بشويش حاول تاخذ اللحم من فوق الملح بدون ما تحركها كثير يعني نشيلها بحرفنه وهي راح تجي معك ..







7
الارز يكون استوى واللحم كذلك وبكذا تضع اللحم فوق الرز وهذي هي صورة اللحم على الرز من قريب[IMG][/IMG]







وبالصحه والعافيه

[دمعة فرح]

يخرب بيت جيرانكم ياماهر .. لك متت جوووع ولي عليك أوعك تحط هيك اكلات مرة تانية
ماشي ياماما اوعك غلط غلط غلط !!

بس نسيت قلك يسلموووو