الشباب السوريين احم احم

[سارة]

مع احترامي لكل الشباب عنا هون بالمنتدى

بس هي حركات اغلب الشباب

1_ مسنجريا ... بيعمل حالو شغلة كبيييرة
يعني .. انا معي ماجستير ... عم حضر هلأ دكتوراه.. وطموحي عالي جدا
وهوة يمكن لسا ما اخد البكالوريا

2_ بالشات _ بيفوت وهوة ملك زمانو ولازم الكل يقوم ويضرب تحية
مفكر حالو ابو شهاب الأخ

3- كمان شاتيا .. اذا فاتت شي بنت دلوعة عالشات بيكون اول واحد عندا علخاص
وبيقلا ممكن نتعرف ... انا اسمي كذا ودراس هيك وبشتغل مدري شو
وهوة بيكون لساتو بالمدرسة وعالة على اهلو

4-بالمنتدى ... اذا شافو شي بنت حاطة شي موضوع ولو الموضوع بيكون مو حلو
بيفوتو وبيقولو .... موضوع بيجنن .. موضوع غير شكل ... وينك من زمان انتي .. على طول نزليلنا هيك مواضيع

5- اذا تعرف على حدا جديد
بيصير عندو سيارة من ماركة شهيرة غالية كتير كتير
وهوة بحياتو ما ساق هونداية

6- اذا ولا بد انو عزم شي بنت عالمطعم

بيفوت وهوة نافش ريشو عالآخر
وبينادي للكرسون وهوة رافع مناخيرو
وبيطلب أكل بحياتو ما داقو
وبس يبلش بالاكل ... ياويللللللللللللي على هالمنظر ههههههه بدو صورة

لا واحلى شي بس تجي الفاتورة بدو صورة فيديو على اد مابيتلبك وبيضل ساعة عم يبحلق بالفاتورة
ووشو(وجهه يعني) بيصير بالألوان

اذا تعرف على شيي بنت جديدة ...

بيقلا انا وحيد اهلي وبابا كاتبلي الفيللا والسيارة بأسمي والمكتب كمان

وبس أتجوز بدي روح شهر عسل على أوروربا
وهوة بيكون ترتيبه بين اخواته رقم 10 وابوه كل مابيفوت عالبيت بيقدحو أبوه هديك الأتلة
7- كمبيوتريا
بيعمل حالو خبير عصرو وزمانو بالكمبيوترات اذا شي بنت سألتو شي سؤال

وهوة بيكون ياااااااادوب بيعرف يفوت عالمنتدى

هههههههههههه يلا حاجتكن وقفت أفكاري

[صديقة من الجزائر]

حرام عليكي شوي شوي عشباب مشكورة اختي بالتوفيق

[سارة]

وليش حرام بيستاهلو

هلا نورتي صديقتي

[رامون]

حاج تعطي علينا

فريال خانم يلي لسانك في سبع شتلاط

ههههههه

وكمان انتم البنتات فيكم البركة