معتقدات سوبر خارقة ادخلوا وما بتندمو بدي شوف الردود

[محمود عبد المعطي]

معتقدات ربينا عليا ومشيت بدمنا واااااخ شو بدنا نحمل لنحمل ؟؟؟؟؟

1-اذا انكسرت الكاسة بقولوا انكسر الشر اي شو الشر مصنوع من قزاز
2- اذا حدا مرق من فوق الولد بيقصر
3- قص الاضافر بالليل ما بصير يااااا لطيف بتجتمع الشياطين
4- وقت تدخل بيت جديد اجباااااااااااري بدك تفوت معك قرآن وعرق أخضر
وما تنسى تدخل بالرجل اليمين هههه يعني اذا ما عملت هيك احتمال تصير سعدان او ينخرب البيت فوق راسك ههه
5-اذا اجت كندرة فوق كندرة يعني رايحين مشوار ههه
6-و قال اذا زحف ولد صغير يعني جاييك ضيوف روح وقف ركد عند الباب هههه
7-اذا طنت ادنك اليمين يعني عم يحكوا عليك بالخير واذا اليسار معناتا بالشر
و اذا طنوا التنتين ؟؟؟؟ اكيد انت اطرش ههههه
8-اذا رفت عينك اليمين قال خير و اذا اليسار شر و اذا التنتين ؟؟؟؟ سماع مني صرت احول هههههههه
9- اذا حكني حاجبي بدي ابكي ههههه
واذا حكني كفي اليمين بدي اقبض مصاري و اذا اليسار بدي ادفع واذا حكك غير شي ما دخلني جربااان ههههههه
10-الحمام بالليل مابصير مو مشان شي بس لأنو كهربا ومي بنقطعو هههه
11-اذا عمل عصفور تحتو فوقك هي رزقة اوعك تغسلا لسنة ههه
12- واذا انكبت قهوة قال خير لا تغسلا
13- الحامل بصبي بتتبشع و الحامل ببنت بتحلى هي لسا ما فهمت سببا هههه
14-اذا كنت عند حدا وضيفك قهوة حذاري ثم حذاري تشرب بعدا مي معلش تشردق و موت و لا تشرب مي عييييييب ههههههههه
15-اذا ضيفوك شاي و الكاسة ملانة معناتو قلبن ملان منك واذا كانت ناقصة معناتو هالجماعة نواقصية هههههه
16-اذا صليت وتركت السجادة مفتوحة حيجي ابليس يصلي عليا طيب خلوه يصلي بلكي بوسوس بالخير ههههه
شكرا سلفا عالردود
تحيــــــــــاتــــــي

[السكون]

ههههههه

كلامك صحيح وهاد الشي سرا بدمنا ههههههه

مشكووووور اخي محمود

[ماهرالفيزو]

هههههههههههه ولي عليك من وين كل هاد

ترا هي حقيقة مرة

شكرا حبيب

[محمود عبد المعطي]

شـكــ وبارك الله فيكم ـــرا لك ... لكم مني أجمل تحية .