اسئلة هامة جدا لكل اعضاء منتدى

[غياث]

ولله ولله كنت سهران مبارح واجا بالي فكرة هاد موضوع حسيت انو لازم اكتب شي عن هيك كا اسئلة شوية بحياتنا معقدة
سؤال واحد هو الاسلام هو دينا هو كل قواعدنا يلي نمشي عليها صلاة هي فرض وزكاة فرض وامور تانية تعتبر فرض بس سؤال الرجال بس بدن يتبعو الاسلام ويتزوجو الاربعة لماذا تنقلب الدنيا رأسا على عقب طيب هي من الاسلام يعني مو حرام هي من شريعة الاسلامية والله حلل هيك شيء بغض النظر اذا بحاجة زواج تاني ولا تالت ولا رابع اذا الرجل قادر على هيك شيء لماذا الرفض بصفة تامة عن هيك شيء
سؤال تاني يلي خطر بالي المراءة تسامح بنسبة خلينا نقول 75 بي مية عن خيانة زوجها وهاد واقع لماذا الرجال لا يسامحون زوجاتهم اذا خانتهم يعني خلينا نقول رجال يلي يسامحو يعني نسبة بكتير 10 بي مية هي اذا ما اقدم الرجل على قتل ووهيك شيء
تالت سؤال وهاد مهم كتير خلينا نحكي بي مجتمعنا في نسبة العائلات محافظة بي سوريا بي تحديد 50 بي مية طيب بي هل العيل في شباب وهي شباب اكيد تحب وتعشق طيب ليش البنت من هل العيل اذا حبت وعشقت صارة جريمة وليش الرفض الكامل لهيك شي معاملة الكيل بي مكياليين بنت غير الشب وهكذا اين نحنو في هكذا امر سؤال معني فيه جميع اعضاء المنتدى بلا استثناء
سؤال رابع والاخير هل نؤمن بحب على النت ويمكن يصير في مستقبل بهيك امورررررر يعني يجمع راسيين بي حلال على النت اذا تصافت النيات

[غياث]

مممممممممممممممممممممممممممممممممممم غريبة ما حدا جاوب يمكن 64 مشاهدة يلي شافو موضوع ما عرفو يجابو على اسئلة يمكن تمسنا نحنا هههههههههههههههههههههههههههههههههههههههههههههههههه هههههههه يمكن الاسئلة اصعب من بكالوريا او فيها تقديم ماجستير

[ميادة كامل]

قبل مااجاوبك صديقي رح سهل عالمشاركين ورتب الاسئلة عالشكل التالي بعد اذنك طبعااا:

1-سؤال الرجال بس بدن يتبعو الاسلام ويتزوجو الاربعة لماذا تنقلب الدنيا رأسا على عقب طيب هي من الاسلام يعني مو حرام هي من شريعة الاسلامية والله حلل هيك شيء بغض النظر اذا بحاجة زواج تاني ولا تالت ولا رابع اذا الرجل قادر على هيك شيء لماذا الرفض بصفة تامة عن هيك شيء؟؟؟؟
لنكن صريحين تعدد الزوجات ظاهرة عرفتها اكثر المجتمعات البشرية وكانت موجودة قبل الاسلام اي في الجاهلية ..الاسلام لم ياتي بالتعدد وانما نظمه ورتبه ووجد له ظروفا ومبررات..
ماخذنا على الرجال واتحدث هنا عن نفسي ان الرجل يكون سكير يلعب قمار له علاقات غير شرعية وصفقات غير شرعية ..وياتي ليطبق الشرع فقط في مسالة التعدد!!
وللتعدد شرط هام جدا الاوهو العدل بين الزوجات ورضى الزوجات ..فاي رجل يطبق هذا؟؟
والملفت للامر في حالات التعدد انها باتت موضة لمحدثي النعمة ..فتراه يطلق ويتزوج كلما رات عينه فتاة جميلة ..وهذا تصرف يسيئ للاسلام وللدين ..فرسولنا الكريم عندما تعددت زوجاته كان يتزوجهن ليستر عليهن وهن ارامل او مطلقات او كبيرات في السن فاين رجالنا من هذا التصرف النبيل؟؟



2- سؤال تاني يلي خطر بالي المراءة تسامح بنسبة خلينا نقول 75 بي مية عن خيانة زوجها وهاد واقع لماذا الرجال لا يسامحون زوجاتهم اذا خانتهم يعني خلينا نقول رجال يلي يسامحو يعني نسبة بكتير 10 بي مية هي اذا ما اقدم الرجل على قتل ووهيك شيء ؟؟

اتعلم انا عن نفسي يصعب علي مسامحة الخائن رجلا كان او امراة..لكن لاماتفضلت به سليم مية بالمية ...انها عقدة الرجل الشرقي الذي تضغى فيه الانا فيبيح لنفسه حرية فاسدة وينكرها على المراة ولو كانت مجرد علاقة حب بريئة ...كم من شاب عرف العلاقات بكل اشكالها وانواعها وهو مايزال مراهقاااا ويحب ويعشق الكثيرات وعندما يتعرف على انسانة ما وتروي له ببراءة ان فلانا كلمها يوماااا يجن جنونه ويشكك باخلاقهاااا..نحن ياصديقي مجتمع ذكوري عاداته وتقاليده مفصلة على مقاس الرجل فقط ...برايي وعلى الاقل واضعف الايمان عندما تعجز عن السماح والمسامحة ابتعد اهجر طلّق لما العنف والقتل والتشويه لانفسنا ولدينننا ولاسلامنا ولعروبتناااا؟؟؟

3-تالت سؤال وهاد مهم كتير خلينا نحكي بي مجتمعنا في نسبة العائلات محافظة بي سوريا بي تحديد 50 بي مية طيب بي هل العيل في شباب وهي شباب اكيد تحب وتعشق طيب ليش البنت من هل العيل اذا حبت وعشقت صارة جريمة وليش الرفض الكامل لهيك شي معاملة الكيل بي مكياليين بنت غير الشب

كما قلت سابقا لاننا مجتمع ذكوري رغم ان الدين ساوى بين ذنب المراة وذنب الرجل لكن مايزال مجتمعنا يعيش بعص الجاهلية فيقتل الاناث ويذبحهن وينحرهن على مذابح الجاهلية بحجة الشرف ...لم يسبق لي ان سمعة ان عائلة طردت ولو مجرد طرد ابنها الشاب لانه زنا.!!

4- السؤال الرابع والاخير هل نؤمن بحب على النت ويمكن يصير في مستقبل بهيك امورررررر يعني يجمع راسيين بي حلال على النت اذا تصافت النيات

اذا تصافت النيااااات!!!! ياعزيزي حتى النيات بدؤوا يتاجرون بهاااااا..
حتى النيات صاروا يتلاعبون بهااااا...يتكلم الرجل مع الفتاة ويقسم بالله ان نيته صادقة "وهو قسم آني مؤقت يرتبط بمدة المحادثة او التشات فقط" وماان يلتقيان على ارض الواقع حتى تبدا النيات السيئة بالتكشف وعندما تسال الفتاة يكون الرد " اقسم بالله لما حكيتك نت كنت صادق""
علاقات النت اخوتي سيف ذو حدين ..والحب سيف ذو حدين ...فما بالكم بالحب وع النت كمان ..!!!!كم سيف صاورااا؟؟؟
اتمنى من البنات التروي والتعقل ..ومن الشباب عدم الاستعجال وعدم اللهو بلقوب الصباياااا
اشكرك صديقي واشكر اسئلتك واتمنى من الجميع المشاركة

[نانو]

اولا مسا الخير ...انا بدي جاوب بس ما بعرف اذا رح تتقبل اولا بس انا رح جاوب متل ما انا بفكر ...اول شي بدي قلك انو اذا انت تفكيرك هيك بهنيك وبهني نصك الحلو / مستقبلا /
تاني شي بالنسبي للقران وللاسلام وفروضو وتشريعاتو انا ما رح اتدخل بالحلال والحرام لانها مو شغلتي يعني انا ما رح احكي من هالمبدأ انا رح احكي بس من وجهة نظري وطريقة تفكيري وبالتالي انا بنصحك تقرأ الايه اللي بتحدد الزواج وعدد الزوجات و و و و و الخ لانو انا قريتا كتير وحسب قناعتي رب العالمين ما قايل شي فيه لبس او غموض يعني الله ما قال روحو تزوجو 4 نساء وعمل هالشي حق للرجل لانو الله بنهاية الأيه الكريمة قال /ان عدلتم ..ولن تعدلو /وعندك هون ان اداة شرط ...ولن اداة نفي .... يعني الله حاسم الموضوع قبل ما يحسموه الشباب اللي فسرو الايه وأكيد هنون رجال ....وفهمك كفايي


اما بالنسبة للعوائل المحافظة والبنات الشابات والحب فهدا انا بسميه الغباء والتعصب والتخلف لانو للاسف هدول الرجال اللي بهيك عوائل مفكرين ما في شي عم يصير غير اللي عم يصير قدامون يعني البنت الله وكيلك عم تحب وعم تعشق متلا متل الشب واكتر بس بالسر ومرات هالكبت بيكون سبب غلط كبير ومتل ما بيقلك المثل /كتر الشد بيرخي/



اما بالنسبي للنت والزواج ع النت فأنا ما بقتنع فيه لانو الواحد عم يتعرف ع شريكتو وجه لوجه ويادوبك يتفاهمو شوي كيف اذا عرفو بعض ع النت ما بعرف بس انا ضد هالطريقة بالتعارف ......ولا تفكر كتير بيوجعك راسك لانو انا كنت فكر متلك وحاولت غيير كتير ناس بسوريا بس للاسف خسرتون لاني حاولت غيرون