تعامل الرجل الغربي والرجل العربي مع الزوجة الفرق بين
مواصفات الرجل في شريكة حياته ..
الرجل الغربي بدو ياها مثقفه.. واعية.. ناضجه.. متفهمه.. ينسجم معها
الرجل العربي بدو ياها جميله.. طويله.. بيضا.. شعرها طويل وناعم واهم شي يكون عيونها ملونين يعني بالمشرمحي بدو ياها تفصيل ... عالبيكاااار
اذا اراد الرجل التقرب من امراه < SPAN dir=ltr>..
الرجل الغربي... بيبين الها انه مثقف ويحترم ويقدر المرأه
الرجل العربي بيبين لها انه انسان خبرة ويعرف عشرين الف بنت غيرها يعني بالشامي مقطع السابلة
اذا تحدثت امرأه غريبه لرجل ماذا يلفت انتباهه
الرجل الغربي.. ينظر الى عقليتها وطريقة تفكيرها واسلوبها
الرجل العربي : بيبحلق بشكلها ولوين طول تنورتها
متى يقول الرجل احبك لزوجته
الرجل الغربي.. في الصباح وعند الخروج من المنزل وعند الاكل وقبل النوم
الرجل العربي في اول يوم زواج بيجيبلها ورقه توقع عليها انه قلها بحبك وبصدقها عند كاتب العدل والطابو .... ههههههه وكل ماقالتله انت مابتقلي كلام حلو بيطالعلها الورقه ويقول بتاكلي وبتنكري متل القطاط؟ ،وباحسن الحالات بيقلها سكر، مأعود، شوكليته، قطر
كيف يتعامل الرجل مع زوجته وهم بالسياره
الرجل الغربي.. بيمسك ايدها بحنان وينظر اليها بين فتره وفتره ويبتسم لها ويضحك معها
الرجل العربي يتكلم بالجوال ورجلو ساعة عالفرام وساعة عالبانزين وبقوه بيقول لحالو بركي بينخبط راسها بالقزاز وبنخلص منها ومن نقها
اذا زعلت الزوجه و زوجها حب يراضيها
الرجل الغربي... يحضر لها باقة ورد.. او يعزمها بمطعم
الرجل العربي يقول لها باعلى صوته... وبعدين معك؟؟!!! ما بقى تزوقي؟ العمى.... كل يوم هز بدن .. وهز يا وز وقسم وسمعني.. وبيدفشها من كتفها على اساس انو انهز بدنو مشان تنقلب الحكاية ... بس على مين يا بابا حافظين هالدروس من زماااااااااااان وهي بتتحمضلو وبتقلو انا بورجيك ... والله لنسيك حليب امك اللي رضعتو بس مو هلا... لتنام
اذاتحدثت المرأه بالاسهم.. او بالفتبول او بالمشاريع
الرجل الغربي.. ياخذ ويعطي معها بالكلام ويناقشها
الرجل العربي يعني عاملة حالك على اساس فهمانة؟؟!! وانتي ما بتفهمي من العشق الا قولة اوحشتني... اصلي الله حيو ، ناولها العين الحمرا
اذا تغدا الرجل في المنزل وانتهى من غداه
الرجل الغربى..يلم الاطباق مع زوجته ويغسلها معاها كمان
الرجل العربي بيتسطح على الكنباية وبيعمل حالو على اساس تعبان من الشغل يا حرام وهو اصلا مقضيها قض سير بالشغل وب يقلها جيبيلنا الشاي يا مرة... يلا درملي من خلقتي
اذا دخل الرجل على زوجته وهي تشتغل في البيت
الرجل الغربي بيبوس رأسها وبيقول لها ارتاحي شوي وبيكمل هو باقي الشغل
الرجل العربي لهلا ما خلصتي ولييييي علينا على هالحالة.. روح البك تمطمطي.. انا رايح عالقهوة اضربلي نفس والعبلي برتية ويا ويلك ويا ظلام ليلك اذا برجع بلاقيكي بالمطبخ وريحتك بصل
يا اخي شو بدك بهالحكي .... رجاااااااااااااااااال
هل الكلام مودوما صحيح
والله يا اخت سوسن
الكلام مو صحيح ابدا حتى نسبة الرومانسية عند الغرب قليلية جدا
ولذلك تشاهدي ان اغلب بنات الغرب يتمنون الارتباط برجل شرقي
ولكن الانفتاح والتلفاز المفبرك هوما يجعنا نفكر بهكذا
وللعلم البيت الغربي مهدوم ومدمر داخليا بعد سنة ونص زواج
هاد كلام بعد 7 سنين غربة
ان مرت الأيام ولم تروني فهذه مشاركاتي فتذكروني
***
وان غبت ولم تجدوني اكون في وقتها بحاجة الى للدعاء فادعوا لي
<<صديق الدرب>>
إدارة الموقع
الرومنسة لا تنقص العرب أبدا ارجعي الى التاريخ وشوفي القصص (جميل بثينة - عنتر وعبلة ) وغيرهم الكثير رسمو للرومنسة معنى .. ولكن المشكلة في عصرنا هي كيفية استخدام هذه الكلمة كل واحد صار يفسرها ويستخدمها كما يشاء فأصبحت كلمة بلا معنى ومعنى بلا مفهوم . وانروح ونجي ونحط المشكلة على الزمان والمشكلة أصلها وفصلها فينا احنا . وين كان الغرب لما كنا نحكم الأندلس لحتى الآن تاريخ اسبانيا شاهد على التاريخ العربي.. ولكن هيهات هيهات ضاع الحامل والمحمول ..
الذين يشاهدون الموضوع الآن: 4 (0 من الأعضاء و 4 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)