الفراغ العاطفي لدى الفتيات اعطيني رايك

[ماهرالفيزو]

تشكل مسألة الفراغ العاطفي لدى الفتيات مشكلة مهمة وحساسة في مجتمعنا العربي.. والمتابع للصحف اليومية يجد أخباراً متتابعة عن استغلال أحد الذئاب البشرية لإحدى الفتيات وتهديدها إما بمكالمة هاتفية أو بمجموعة من الصور المختلفة والهدايا التذكارية بين الطرفين .. فتعيش هذه الفتاة المسكينة بين هم الفضيحة بين الأهل والأقارب والمجتمع وبين واستغلال هذا الذئب البشري حتى ينتهي الأمر بتدخل مباشر من إحدى الجهات الرسمية لإنهاء الموضوع ..
التساؤل هنا .. من المسئول عن هذه الحادثة المتكررة التي تحدث باستمرار ..
الكثير من الفتيات يرمي بالمشكلة على البيت أو الأسرة بقولهن : إننا افتقدنا للأجواء العاطفية من الحب والعطف والحنان داخل البيت ، فالأب مشغول بأعماله وتجارته ، والأم مشغولة بزياراتها وعلاقاتها ، لذلك وجدنا العاطفة خارج المنزل بهذه الطريقة التي تنتهي " بفضيحة " عندها يلتف الآباء إلى الأبناء ..
وبعض الآباء والأسر يرمي باللوم على بعض الفتيات اللائي تم تأمين كل احتياجاتهن الروحية والعاطفية إلا أنهن لم يكتفين بها وبحثن عن المزيد منها خارج المنزل بسبب المؤثرا ت الكثيرة ومن ضمنها ما تبثه الكثير من القنوات الفضائية من مسلسلات غرامية تسعى إلى بث مثل هذه الأفكار ..
" هنا" ومن خلال هذا الموضوع نفتح المجال للتعليق على رأي النساء والفتيات بشكل عام ليكون السؤال : من المسئول في هذه الحالة ؟

كيف الحد من هي الظاهرة
الي انتشرت كثير
نريد نقاش على هذا الموضوع
ياريت الكل يشاركـــــــــــــــــــــــــــــــــــــــــــــ ـــــــــــــ

[دمعة فرح]

هلأ فيه فئتين من هدول البنات ..
الفئة الأولى هي المحرومة .. وهي طبعا بيكون سببها الأهل
متل ما انزكر بالموضوع .. الأم مشغولة بالحكي والجارات والروحة والجية
والأب مابيعرف غير شغلو .. والاخوان ازا كانو كبار ما إلن غير رفقاتن والحب ..
مافي كلمة حلوة .. مافي ايد تطبطب على كتف البنت .. مافي تعاون بين الأسرة
مافي حدا منن يسألها عن مشاكلها وشو محتاجة .. وكتير شغلات مابتخلص
هي البنت رح تكون عرضة لأبسط كلمة من شب ورح تصدقه .. لأنو مافي حدا من أهلا
قلا بأنو فيه شباب ممكن يستغلوكي وديري بالك منن .. وحتى لو بتعرف مارح تصدق !!
فأي كلمة حلوة من شب رح تأثر فيا وتدخل بعالمها الخاص ( الحب )
هي البنت ضحية أول المتهمين بالجريمة الأهل وثانيا الشب اللي ضحك عليها

الفئة التانية .. هي اللي متوفر إلها كل شي معنوياً ومادياً واجتماعياً
وبتروح تدور على حنان أو حب تاني تأثرا بالأفلام والمسلسلات أو تقليد
لرفيقتا .. هي بتكون طماعة ومانا عرفانة شو بدا !!
بس انو يصير عندا ( بوي فريند ) مو مهم ازا مابيحبا او هي مابتحبو
بس هيك كنوع من الكماليات ..

موضوع مهم جداً ويستحق النقاش

شكرا جزيلا إلك ماهر على الطرح الهادف

[ماهرالفيزو]

هلا دمعة موضوع حلو

ونقاشك ورأيك الاحلى كلامك صحيح وهاد الي عم يصير بمجتمعنا حتى لو طلعتي شوي لبيعد بتلاقي في فراغ عاطفي حتى عند المتزوجات

مو سبحان الله هي البنت تحكم عاطفتها وقلبها اكتر من عقلها بهيك اشيا





طبعا وقلة الاهتمام فيها من قبل الاهل او اخوانها او زوجها كمان يوصل لهيك طريق


شكرا دمعة ونورتي وحياكي الله