أولا مشكورة لولو ... موضوعك كتير حلو و مهم
برأيي الثقة و الغرور كتير بيتشابهوا ... لدرجة أنه البعض ممكن يخلط بينهم ...
هلأ الفرق بينهم كتير بسيط ... الاتنين قائمين على أساس الاعتزاز بمقدرات و امكانيات بيمتلكها الشخص
و الاعتزاز بإنجازات حققها هاد الشخص ... و فعلا هالامكانيات و الانجازات بتكون موجودة
و مو غلط الشخص يقتنع و يعتز .... بالشي يلي بيمتلكه و الشي يلي حققه .... و بالتالي مو غلط الشخص يكون واثق
بالعكس تماما لازم يكون الشخص عنده ثقة بالنفس ....
بالنسبة للفرق بينهم ....
الشخص الواثق بنفسه بيكون مؤمن بقدراته و امكانياته و بإنجازاته و عنده قناعة بقدرته على تحقيق شي معين
و لكن ......
بنفس الوقت بيكون مؤمن تمام الإيمان أنه مو هو الشخص الوحيد يلي عنده هالإمكانيات و مو هو الشخص الوحيد يلي حقق هالإنجازات
بيكون بيعرف تماما أنه في أشخاص كتييييييييير متله ... و في أشخاص كتيييييييييير أحسن منه ....
و حتى الأشخاص يلي أقل منه ... بيكون عنده قناعة أنه يمكن لو كانت الظروف لصالهم ... كانوا صاروا أحسن منه
و بالتالي الشخص الواثق من نفسه بيتعامل مع كل الناس بود و بدون أي تعالي
أما الشخص المغرور .... هو شخص مؤمن و مقتنع بإمكانياته و إنجازاته .... ولكن
بيتوقع أنه ما حدا بيمتلك إمكانياته و ما حدا بيقدر يحقق يلي هو حققه ....
حتى أنه بيرفض يتقبل فكرة وجود شخص أحسن منه أو بينافسه
و هاد يلي بيخلي يتعامل مع الناس بفوقية ....
و على فكرة الشخص الواثق من نفسه ...
بيكون قادر على تطوير نفسه أكتر و أكتر ... من خلال مرونته بالتعامل مع الغير و تقبله للنقد
و عمله الدائم على محاسبة نفسه و تحسينها ...
أما الشخص المغرور ....
فهو غالبا غير مرن ... و غير متقبل لأي نقد ... و غير متقبل لفكرة أنه عادي ممكن يكون غلطان
و أنه عادي .. مو مشكلة لو سمع لنصايح يلي حواليه
طبعا ... هي نظرتي الشخصية لهاد الموضوع ... مع احترامي للجميع
ألف شكرررر لولو ع الموضوع الحلوووو
لحد هلأ مالقيت جواب يقنعني هههههههه
رأيي الشخصي يالولو
الثقة بالنفس تكون على انو انا عندي مبدء مقتنعة فيه وبعرف اتصرف مع ظروفي وظروف الحياة .. لما بواجه مشكلة مابحتار واندب حظي لأنو انا واثقة رح اتخطاها
لما حدا يحكي عني مو منيح قدام شخص عزيز علي بكون واثقة انو الشخص العزيز مرح يصدق الكلام اللي انقال عني .. لما شخص غالي علي بيزعل مني ويفهم غلط ..
ويتركني ويمشي .. بكون واثقة انو رح يرجعلي لأنه انا بعرف حالي شو بالنسبة إلو .. وكثير من الأمثلة
اما الغرور ( بكره هالصفة كتير .. لأنو الانسان مخلوق من طين ورح ينتهي عاجلا ام آجلا ومافي داعي يشوف حالو لأنو الله ممكن يسلط عليه واحد يكسرلو هالغرور )
انا لو كنت مغرورة كان كل كلامي عبارة عن ( انا وانا ) لما بشوف مثلا وحدة فقيرة او حالتها متوسطة .. بصير شوف حالي ( عندي هالقد دهب .. بابا اشترالي سيارة ..
فستاني هالقد سعرو .. هاد الخاتم بكزا سعر ... من دون ماحدا يسأل والى اخره من الحكي هون انا شو غرضي ؟؟ غرضي انو فرجي البنت الفقيرة انو انا عندي ها سواء مال او جمال
بتجي يالولو بتقليلي شوفي هالبنت شو حلوة ( تكون حلوة فعلا ) بقلك لا مو حلوة شوفي انفا وشوفي وشوفي بطلعلك مية علة فيها .. بس انا بداخل
نفسي رح طق وموت غيرة .. صح ولا لأ ؟؟
توسعت كتير بالموضوع بس انتي بتعرفيني لازم اعطي المواضيح حقا
وتحياتي ياقمر
المشاركة الأصلية كتبت بواسطة جمال الروح
أخي جمال أسعدني وجودك في متصفحي
مشكور على مرورك ومشاركتك الجميلة في موضوعي المتواضع
تحياتي
هلق الثقة بالنفس شي ضروري لاي شخص بس تكون ضمن حدود يعني اني واثق ومتأكد من قدراتي وبعرف انا شو بقدر اعمل
اما الغرور فهو شي كتيررر غلط لان انا ع طول بقول (من كان فيه مثقال حبة من خردل من كبر لم يدخل الجنة )وصلت الفكرة
شكرررا لولو على الموضوع المهم
مشكور أخي مصطفى على مرورك العطر
نورت
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)