الراقيـة * دانـا * بإستضافــة .. * افتـح قلبك مع دمعـة فـرح *

**AHLA-DANA** · 03-13-2011 05:50 PM

المدرسة ..

- مدرس لا زال في ذاكرتك .. ولماذا ؟
مدرسة اللغة الانكليزية بالثانويةالاستاذة(هبة)
لانها كانت كتير طيوبة وحبيت مادة اللغة الانكليزية منها وكانت تساعدنا كتير وكانت مخلصة ومتقنة في اداء مهنتها كمعلمة
- مواد دراسية تحبها كثيراً ؟
اللغة الانكليزية-الفرنسية-العلوم(احياء-كيمياء-فيزياء)
الرياضيات

- مواد دراسية تكرهها كثيراً ؟
التاريخ
- حدد بالضبط موقع جلوسك في الفصل ؟
اخر كرسي لاني كنت طويلة هههههههههه
- ماهي احب المراحل الدراسية الى نفسك ؟
الثانوية

- ماهو ابرز عقاب مر عليك طوال فترة الدراسة وبأي سنة ؟
الصراحة بكل مراحل الدراسة مااتعاقبت بنوب
- هل حصلت على شهادات تميز خاصة وفي اي سنة ؟
كتير بس اميز شهادة كانت شهادة تقديربمرتبة الاولى في المسابقةالثقافية على مستوى مدارس الاعدادية
- سنة دراسية تعد هي الاجمل في حياتك ؟
وئت ماكنت بالصف الحادي عشر
- موقف محرج حدث لك في المدرسة ؟
ممممممممممم مابزكر والله

المنتدى ..

- عضو تعلمت منه الكثير ؟
الكل لانو كل اللي هون بيئدمولنا المفيد
- عضو تتمنى ان تراه شخصياً ؟
كل الصبايا خصوصا دمعة فرح وريماس
- عضو لا تتمنى ان يغيب ابدا ؟
يارب الكل يضل ع تواصل ومايغيب حدن منن
- عضو مشاغب ؟
سارة وكنغ
- عضو يعتبر الاميز في نفسك ؟
كل اللي هون مميزين
- عضو يثير اهتمامك ؟
السكون-ريماس-دمعة فرح-ماهر الفيزو-عبدالوهاب جسري وكل اللي هون لاتزعلو
- عضو تعرفه خارج المنتدى ؟
مافي حدا بعرفو خارج المنتدى
- عضو تكونت لديك علاقة معه عن طريق المنتدى ؟
دمعة فرح
- عضو اكتشفت مؤخراً انك لم تعامله باهتمام ؟
مابعتئد في حدا مابهتم فيه لانو كل اللي هون متل اخواني واخواتي
- عضو ترى ان لديه امكانيات كبيرة ولم يقدمها حتى الآن ؟
اراميس

ارجو من المشاركين الافاضل عدم نسيان

القوانيــن ..

وكذلك عدم الاكثار من الأسئلة
بناءاً على طلب الأخت أحلى دانا

اتمنتى لكم قضاء أوقات ممتعة

بحب وضح هون انو كل شخص حابب يسألني شي يسأل ومافي مشكلة
بس انو تكون كمية الاسئلة معئولة ومابدي حدا يزعل مني

**AHLA-DANA** · 03-13-2011 05:53 PM

المشاركة الأصلية كتبت بواسطة ماهرالفيزو

ياهلا والله

هلا فيك خيووووووووووووو نورت الموضوع
شكرا لمرورك هنا
انتظر اسئلتك

**AHLA-DANA** · 03-13-2011 06:10 PM

المشاركة الأصلية كتبت بواسطة ماهرالفيزو

شو هالدعم

ولو كرسي من ارقى الماركت واشهى الحلويات

وياسلام ياسلام

بس تستاهلي والله
ميرسي بيكو

اي نحن مو هون

في كم سؤال محتار فيهم
اتفضل إسأل شو مابيخطر ببالك

الله رح يرزقك بنت مدري ولد شو تتوقعي يكون المولود وشو ممكن تسميه لو ولد وشو ممكنتسميها لو بنت

الله كريم يرزئني الذرية الصالحة
انشاءالله لوفي نصيب رح سمي الولد شادي على اسم اخي
والبنت لانا

بتلبسي نظارات لمنتطلعي مشوار برا البيت

غالبا بس انزل السوء وبالجامعة بكون لابسة نظاراتي

كم مرة بليوم بتدخلي المطبخ
كتيييييييييييييير

اكتر نوع فواكه تحبيه
الفراولة

اخر مرة بكيتي ايمتا وشو السببب

اخر مرة كانت امبارحة بالليل الساعة11

ببكي كل مابكلم خيي شادي لانو هو هلأ مسافر ب(اوكرانيا)

كل متى تحكي مع اهلك بسوريا
ابي وامي واخي هادي نزلو الشام من يومين بس
و اخي شادي سافر من اسبوع ع اوكرانيا
يعني ماصرلن زمان مسافرين

بس غالبا بنلتئي محادثة جماعية ع الايميل كل يوم المسا

شو رأيك بدمعة فرح
كلماتي عجزانة توصف اختي الغالية دمعة فرح
هي انسانة رائعة حنونة روحها جميلة كتير ومرحة وكل الصفات الحلوة فيهااا

وشورأيك بشباب المنتدى بشكل عام والبنات طبعا

كل اللي هون ماشاء الله عليهن حبابين وطيبين وفعلا فيهن روح الاخوة ومابحب زعل حدا منهن لانهن كلياتن بيعزو عليي كتير

وشكرا لكــــــــــــــــــــــــــــــــــــــــــــــــ ـــــــــ

كل الشكر لإلك خيو
بانتظارك مرة اخرى
دمت بود

**دمعة فرح** · 03-13-2011 06:45 PM

دنش شو رأيك اسألك كمان لأنو اجوبتك بتشهي ....

دانا زكرتي مرة انو من عمرك 14 سنة تركتي الشام .. ياترى وين كنتي ساكنة بأي منطقة ؟؟
ولما استقريتي بفلسطين مارجعتي مرة تانية للشام ؟؟

طفولة دانا كيف كانت ؟؟

مراهقة دانا كيف كانت .. بتعتبريها صعبة ؟؟

دخول دانا الجامعة شو غير فيها ؟؟ وكيف تأقلمتي مع الجو ؟؟

حياة دانا قبل الزواج .. اكيد كنتي راسمة فتى احلامك
ياترى بعد الزواج انطبقت المواصفات ؟؟

كيف بتوفقي بين دراستك .. شغلك بالبيت .. والاختلاط بالناس .. وحقوق الزوج !!؟؟

دندوش كم طفل بتحبي تخلفي ؟؟

وحاج هلأ لأنو بدي سوي عشا