مشكور عالمرورررر ايهم
تقبل اعطر تحياتي
شكرا لردك اخي الكريم وانا ماعم دافع عن النائب.. لح قلك عن مين عم دافع
لك ااااااااااااه
انا وصلت على سوريا يوم الاحد 27\3\2011 عن طريق مطار بيروت ومع التغير والاصلاح وووو.....الخ قسما بالله
طلعت مع سائق من الزبداني ووقت وصلنا للحدود قلتلو بدي اخذ كروزين دخان قام قلي خود يلي بدك ياه ماحدا بيحكي معك فستغربت
وبعد ماركبنا بالسيارة قلي السائق المهربين عايشين الوقت الذهبي والتهريب على ابو جنب لان يوم الجمعة 25\3\2011 علقت بين الجمارك ومهربين بالزبداني من شان تهريبه قام حولوها لمظاهرة معارضة
وبعدها صار التهريب على كيفك وبكميات كبيرة المهم نزلت بالسومرية واخذت تكسي وهممت بوضع حزام الامان قام قلي سائق التكسي لاتحطو على مسؤليتي وخود دخن هالسيكارة كمان سألتو مستغرب ليش قلي الشرطة ماحدا عم يحكي معنا وهي الاشارة قطعناها كمان ولولا الرادارات لكنت طرت وقال بصيغة التمني لو يكسروا هالرادارات ؟؟؟؟
المهم وصلني للحارة وانا اسكن بحي الصالحية وعلقت انا وياه على الاجرة حيث فاجأني بطلب 400 ليرة من السومرية للصالحية بحجة وجود طلعة المهم من ماقاله لي انه لم يعد يخاف من الشرطة ومتل مابدو بدي ادفعلو وووو
كمان يا سيدي حليناها ومشي ولو بتشوف الحارة ياغالي كلها اسلاك سرقة كهرباء وعلى عينك ياتاجر ونسيت خبرك انو في شباب وقفوا السيارة باول الطلعة وطلبو هويتي وعلقت معهم من شان تفتيش الحقيبة تبعي
وانا رفضت لاني بصراحة جايب هدايا خاصة لزوجتي واهلي وانا مامعي هوية معي جواز السفر وبدهن يحققوا معي وين كنت ولوين رايح ووووو المهم وان عم قلن مين انتو؟ بأي حق عم تسألوني وبدكن تحققو وتنبشو بغراضي
وبالصدفة كان نازل واحد من كبارية الحارة شافني وسلم عليي وقلهم هاد فلان ابن فلان وانحلت القصة المهم يا حبيب واسف على الاطالة بس حابب اشرحلك عن مين عم دافع
الحارة عنا وكل احياء الشام عم تشهد حركة عمار غير مسبوقة ( محالفات ) وسعر البلوك ارتفع جدا وسعر كل مواد العمار والورشات مو فاضية تحك راسها من كتر الشغل
وهاد غيض من فيض ؟؟؟؟؟؟؟؟؟؟
ان شاء الله تكون عرفت عن مين عم دافع ؟؟؟؟؟
هي بلدي وبلدك ياحبيب عرفت ليش مابدي تصير فوضى ؟؟؟
عرفت ليش انا مع الاصلاحات البطيئة احسن من الفوضى التي ستمهد لخراب ويلي من الممكن ان ينتج عنه استقرار بعد عشر سنين لنبدأ بالاصلاحات بعدها
او بحرب اهلية متل لبنان او فوضى متل العراق او الله اعلم
فكر معي اذا الان خرج الرئيس وقال انا استقيل وحل حزب البعث وكل النظام مين لح يستلم وشو لح بصير اذا الامن موجود والناس اصحاب النفوس الضعيفة فلتت
هاد يلي خلاني غير رأيي يا أخي الكريم وان اردت المزيد فلدي المزيد ولكن من انتم الذين لديكم المزيد اقصد عن من تتكلم بصيغة الجمع ؟ والسلام
نحن تستخدم للتفخيم كان تقول سيادتكم او جنابكم
نحن الذين خرجوا يوم الجمعة 8 نيسان الذين فاقوا ال مليون ونصف
اقدر وطنيتك اخي ولكن ما الذي حدث في تونس عندما خرج بن علي وحل حزبه انظر الان الى تونس
مشكور اخ ساهر عالمرورر
من شان الله قلي شو صار بتونس
وشو صار بمصر شفتو اليوم وشفت الناس يلي انقتلو وانجرحو اليوم بساحة التحرير وقرأت احصائيات الجريمة بمصر خلال الشهر الماضي 270000 حالة سرقة ووووو...الخ
وهاد كله وانا مو مع المقارنة بين تونس وسوريا او مصر وسوريا
ولاعاد تحاكيني على التضخيم الاعلامي السوري بعد ما قلت انو مليون ونصف خرجو مبارح بالشوارع
الله يحمي البلد واهلها وابنائها يا ابن البلد
وانا لح قلك مرة ثانية انو انا مع التغيير والاصلاح متلك تماما بس مختلفين على الطريقة للوصول للاصلاح
وبشكرك من كل قلبي على ردك الدائم عليي وعدم اهمالك للمناقشة
الذين يشاهدون الموضوع الآن: 3 (0 من الأعضاء و 3 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)