انا معك مية بـ المية ....
انا مع الارادة و التصميم و الطموح .....
و مع الاحلام الكبيرة مو الصغيرة ....
انا مؤمنة انو ( إذا طلبت فـ عظّم الطلب .. لأنك تطلب من عظيم )....
و لكن طبعا انا ضد الخيال المبالغ فيه ... على الرغم من أنو ما في شي مستحيل على رب العالمين ...
و لكن تجنبا للصدمات المبالغ فيها .....
انا وحدة من الأشخاص ... يلي شفت تكشيرات الواقع على اصولها ... ( الحمد لله )
مو مرة و لا مرتين .... شكلي انا و الواقع مو صحبة بنوب ... مدري ليش ما بيحبني ..! هههه
بس مع هيك ... ما اتراجعت عن اي حلم من احلامي .... لاني متأكدة تماما انو الواقع مو هو السبب ...
رب العالمين هيك كاتب ... و كل شي بيكتبو رب العالمين بيكون فيه حكمة جليلة ....
اما بالنسبة للأشخاص يلي بيعيشوا بقوقعة مع احلامهم ...
الله يكون بعونهم يا رب ...
انا بحس تماما بمعاناتهم ... لأني وحدة منهم ...
كتير ناس بيلوموني و بيعتبروني عايشة بـ كوكب تاني ... خاص فيني انا ...
عندي فكري .. احلامي .. قناعاتي ... الخاصة جدا ...
بس بصراحة .. و بعد التمحيص :) ... بعتقد انو الناس معها حق .. هاد مو صح ....
هدول الاشخاص بيتعبوا .. مو بس من الواقع ...
و من الناس كمان ... لأنو صعب يلاقوا حدا يفهمهم تماما ...
لذلك انا بقول انو الشخص لازم يحاول ما يكون هيك ... لانو الحياة صعبة بشكل عام ع الكل ..
بس رح تكون اصعب عليه هو تحديدا ....
حدث في حلب ان التقى الصديقين آرتين ( الارمني) وابو سعد (الحلبي ) وكان الحوار :
ابو سعد : ميييت السلامة خيو ..اشبك زعلان ؟؟؟؟ خلصت خلصت طول بالك
آرتين : الله يخليك لاتأصبني خبيبي ....... لاتقولي خلصت .....بقلك هرمنا هرمنا
ابو سعد : ........ طيب صبر جميل
آرتين : هوهو الينا ... لاتقولي لا صبر جميل ولا مساعد جميل .... طلئت روخنا خبيبي
الله يرضى اليكي لاتخليني فوت بالخيط انا اكتر موفايت
وصلانة مأي لراس مناخيرو
ابو سعد : مناخيرو لمين ؟؟؟ طيب شو بدي الك؟؟؟
حيرت فؤادي معك.....
آرتين : لاتئولي شي خبيبي ..... خليكي ساكتة اخسنلك
ولا بتأرفي : روخي نامي روخي
ابو سعد ::هههههه ابوس روحك وج وافا
الله يكسر من امثالك يا آرتين
روح عالبحر انت .....الله عليك شو انك دمعه....
( للامانة تمت الاستعانة بلفظين من حلقة البرنامج الكوميدي الاتجاه المعاكس الثلاثاء الماضي
روح نام روح والرد روح عالبحر.... كما ورد على لسان الضيفين في آخر الحلقة)*
ههههه سرد ممتع جدا ...
توصيف واقعي دقيق ... ضمن إطار مميز خفيف الظل ....
وافر الشكر لك ...
بانتظار المزيد من إبداعاتك ...
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
|
|
||
|
|
|
|
|
|
||
رد مع اقتباس
مواقع النشر (المفضلة)