استاذ كوفي .. انت مو غلطان ماكان في داعي لفتح موضوع آخر وتقول انك غلطان بالعكس ..انت عم تطرح فكرة من خلالها ممكن نفيد المنتدى
انت بمثابة اخونا الكبير فلازم تطول بالك معنا شوي .. مافي مشكلة ما إلها حل !!
انا طرحت فكرتي وقلت البديل .. بأن كل واحد منا يكون مدير ومشرف عحالو و يفسح المجال لصاحبو .. يعني ماينزل مواضيع بكثرة وحتى احيانا ينسى يرد عليهم
فيه اقتراح تاني ممكن انه لا يسمح للعضو بتنزيل اكتر من موضوعين بقسم واحد واذا ضاف موضوع تالت ينحذف .. بظنا فكرة كتير حلوة !
يعني مو كل المواضيع تكون بالحوار العام ! او الضحك والفرفشة! او غرائب وجرائم!
اقتراحي بحسو حلو من ناحية ترتيب المشاركات .. نحن هون عم نتناقش ونقترح مافي مجال للزعل او العصبية ابدا !
علينا طرح بعض الحلول والإدارة هي اللي تاخد القرار بالنهاية
فرجاءاً استاذي الكريم لاتزعل وتقول انك غلطان او تتراجع عن كلامك .. فكرتك متل ماسبق وقلتلك انها حلوة كتير
بس شفت مسألة الإجبار مااتفقنا عليها وهي مو مشكلة ومابتستاهل انك تقول عحالك غلطان
من جهتي انا آسفة اذا كنت سببت اي تعب او عصبية إلك .. رضاك اهم شي استاذ كوفي
لك ودي وودادي
...
الذين يشاهدون الموضوع الآن: 3 (0 من الأعضاء و 3 زائر)
مواقع النشر (المفضلة)