أكيد مو غلط البنت تهتم بشكل الشاب ... هي حرية اختيار
بس الغلط لما بيكون الشكل هو المقياس الأول و الأهم ... لأنه بهالحالة رح تكون النظرة سطحية جدااا
أكيد في أمور كتيييير أهم من الشكل لازم يتم أخدها بعين الاعتبار أولا .... و بعدين بيجي موضوع الشكل
و طبعا إذا بدنا نحكي عن الشكل و الجمال فهو شيء نسبي و بيختلف من شخص للتاني ...
كل شخص بينظر للشكل و الوسامة بطريقته
بشكل عام مو غلط البنت تفكر بهالشي .... بس طبعا بعد التفكير بأمور أهم بكتييييير
طبعا متل ما قلتي في كتير بنات ما بيفكروا غير بالشكل و المادة فقط لا غير ..
هاد الموضوع بيرجع للتربية أولا ... و بيرجع لتأثر عدد كبير منهم بالمسلسلات و الأفلام و الروايات .... الخ ...
بيكونوا عايشين بالأحلام الوردية الخيالية
واحد بيشبه الممثل أو المطرب الفلاني ... و معه المبلغ الفلاني ... و جاية على حصان أبيض ... و ما إلى هنالك من أحلام ههههههههه
هلأ بتعرفي شو صار شعار البنات بالدنيا ... " سيارة و بناية ... و عريس بلا حماية " ههههههه
بس طبعا الموضوع بيرجع لدرجة وعي و تفكير البنت المعتمد على التربية بالدرجة الأولى
أما بالنسبة لموضوع الطلاق ... موضوع معقد و له أسباب كتيييير لا يمكن حصرها ...
بس أكيد من أهم هالأسباب الاختيار الخاطئ المعتمد على التفكير السطحي ( متل التفكير بالشكل و الوضع المادي فقط لا غير )
مشكورة كتير رورو ع الموضوع
الذين يشاهدون الموضوع الآن: 3 (0 من الأعضاء و 3 زائر)
مواقع النشر (المفضلة)