السلام عليكم ورحمة الله وبركاته صباح\مساء

الخير عليكم جميعا
كيفكن ؟؟؟؟؟ شخباركن صبايا ؟؟؟؟؟؟؟؟؟؟؟؟
ان شاء الله كلكن تمام بخير ان شاء الله يارب


و عليكم السلام ... الحمد لله تمام


انا اليوم حابب اسئلكم عدة اسئله وبدي تجاوبوني بصراحه
وطبعا الاسيلة فقد للصبايا واتمنى كل وحدة بتدخل
بتجاوب على كل الاسئلة لانو باخر الموضوع راح
ايكون في ترتيب وتصحيح الاسئلة يعني اعتبرو امتحان
اتفقنا


وليييييي امتحان !!!!!

الله يستر

بسم الله الرحمن الرحيم




السؤال الاول:-
1) اذا كانتِ عندك ورقه فاضيه شو اكثر شي تحب ترسمه عليها؟ وليش ؟



بحب ارسم : البحر أو السما أو القمر .....

يعني أي شي بيرمز للهدوء و السكينة و الصفاء و السعة





السؤال الثاني:-
2) قطار حياتكِ الى اين يتجه ؟


للطريق يلي رب العالمين بيختارلي ياه

الله أعلم ... بس أياً كان هاد الطريق أكيد هو الخير

لأنه الخيرة فيما اختاره الله ... الحمد لله على كل حال



السؤال الثالث:-
3) صف نفسكِ فى بضع كلمات ؟


كتييييير صعب هالسؤال ... كيف بدي احكي عن حالي !!!!!

( يعني ما حدا بيقول عن زيته عكر ) هههههه

بس بشكل عام أنا شخصية ميالة جدا للسكينة و السلام

بكره المشاكل كتييير ... و بحاول ابعد عنها كل البعد

ما بحب المشاحنات و لا النقاشات الحادة .. بحب عيش بسلام و أمان و هدوء




السؤال الرابع:-
4) شخص في حياتكِ تحس انه مظلوم ؟



أي شخص بيتعامل معي هههههههههه



هلأ كل واحد فينا بيمر بمواقف معينة بيكون فيها مظلوم


بس شخص مظلوم دايما ... لاء الحمد لله ما في حدا



السؤال الخامس:-
5) حقيبة اسراركِ عند من تودعها؟


أسرار بمعنى أسرار ... ما عندي بصراحة

السر هو الشي يلي بيكون الشخص حريص كل الحرص أنه ماحدا من الناس يعرفه

أنا ما عندي هيك شي ... بس عندي أمور خصوصية ... ما بفضل كل الناس تطلع عليها

فئة معينة من الناس بس بيعرفوها ... ما عندي مشكلة إذا باقي الناس صدفة عرفتها

بس بفضل أنه تكون محصورة بناس معينين ( حفاظا على خصوصيتها )

و طبعا الناس يلي بيعرفوها هنن أهلي و رفقاتي المقربين

بس برجع و بقول إذا الناس التانية عرفت فيها صدفة ... عادي ما في مشكلة







السؤال السادس:-
6) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟


الإنسان مخلوق اجتماعي ... بيميل بطبعه لتكوين علاقات إنسانية

أكيد ما بيقدر يعيش بدون أصدقاء ... ممكن يقدر يعيش بدونهم فترة محددة ... بس أكيد مو طول العمر

و الأصدقاء بيعطوا للحياة رونق و حيوية ... طبعا لما بيكونوا حقيقيين






السؤال السابع:-
7) أين تأخذكِ ذروة الغضب و كيف تعبر عنه ؟


بشكل عام أنا مو عصبية ... يعني عندي قدرة اتحكم بأعصابي لحد كبير الحمد لله

بس كل شخص فينا ممكن يمر بمواقف تستفزه و تخليه يعصب ( مهما كان هادي )

أنا لما بعصب .. غالبا بسكت ... بكون حريصة ما أقول اي كلمة و انا بهالحالة ... كرمال ما اندم عليها بعدين

و بالتالي بضغط على اعصابي كتير و ما بحكي ...

بس أكيد لما بهدا و بروق .. بحكي ( يعني ما بسكت عن حقي )

لأنه لما بكون هادية .... بعرف حاكم الأمور صح و عبر عن يلي ببالي صح

لذلك لما بعصب ... بحب ابقا لحالي .... لحتى روق

و ببعض الأحيان ( إذا كنت برا البيت ) بمشي ... ما بعرف لوين ...

بس المهم بمشي بمكان ما يكون كتير زحمة




السؤال الثامن:-
8) ما أجمل شيء حبيته فـي المنتدى ؟


الاحترام الموجود على كل المستويات

( إدارة , مشرفين , أعضاء , مواضيع , مشاركات )




السؤال التاسع:-
9) متى يعاندكِ النسيان ؟


كتيييييير بيعاندني ... لما بكون بدي انسى شي قصة أو شي موقف

بكون بأمس الحاجة أنه يطلعوا من راسي ... حتى ارتاح من التفكير

بس كتييير صعب ... مهما هربت من التفكير فيهم ... بيرجعوا بيخطروا على بالي




السؤال العاشر:-
10) هل حدث أن انتصرت على نفسك ِيوما وأحصيت عيوبكِ ؟
هاتي كم عيب


إذا هاد اسمه انتصار ع النفس .... الحمد لله فرحتني ... معناها انتصرت على نفسي كتير ههههه


موضوع احصاء العيوب بالنسبة الي متجدد ... و بالتالي عاملتله تثبيت بعقلي هههه


من زمان و أنا عم حاول احصيهم ... و لسا لحد هلأ ما خلصوا ههه


و بالتالي شو بدي أقول لحتى أقول !!!


بس ( على سبيل المثال .. لا الحصر )

أنا بطيئة كتير باتخاذ قراراتي ... حلو الواحد ما يتسرع ... بس أنا بطيئة زيادة عن اللزوم

يعني باخد وقت طويل لأوصل لقرار ... و هاد الوقت بيختلف حسب درجة أهمية الموضوع

فالشخص يلي بيطرح عليي فكرة بحاجة لقرار .... بينطر كتييييير

لحد ما يوصل لوقت ... يندم ع اللحظة يلي فكر فيها يطرح عليي الفكرة ههههههه






السؤال الرابع عشر:-
14) متى يقسو قلبكِ؟


بيقسى مع الناس الظالمين .. المتغطرسين .. الجبارين


الناس يلي بيستحقوا القسوة





السؤال الخامس عشر:-
15) متى تخجل من نفسكِ ؟


لما بعمل أي شي غلط






السؤال السادس عشر:-
17) في زمن البحث عن المادة عن ماذا تبحث أنتِ؟


ببحث عن الهدوء , السلام , الطمأنينة , الأمان , المحبة .....

كل المعنويات الإيجابية ... البعيدة كل البعد عن المادة

أي شي من شأنه يغذي و يثري الروح

البعض بيعتبرني عم اطمح لمجتمع مثالي .. مع اني انسانة كتير واقعية

بعرف أنه المجتمع في سلبيات ... بس أنا مؤمنة أنا يلي بيبحث عن الايجابيات رح يلاقيهم

و الحمد لله .. أنا عم أقدر إلى حد ما لاقيهم ..


و بحاول طول الوقت حافظ عليهم .. و ما خلي السلبيات يلي حواليي تخربهم







هيك الاسئلة خلصت ولنشوف مين مذاكر كويس
مابدي تهاون الي بتجاوب منيح الها جائزة




مشكووووور كتير ع الموضوع .. بس بليز تهاون معي شوي

المهم ما ارسب ... و يا ريت اقدر احصل على جائزة ترضية هههههه