حبيبي أنا مهاجر
بوعدك أرسل لك عنواني
وما أخبي عليك مكاني
ممكن شي يوم تمر بقربي
ممكن تشتاق لكلماتي
وتتمنى تسمع ألحاني
ممكن يتغير الزمان
ويصير زمانك هو زماني
................
حبيبي أنا اليوم مسافر
حزمت أمتعتي ووضعت فيها أحزاني
مهزوم ، مكسور، نشف دمي
بعنادك تجمدت كل الأماني
من غربة لغربة، لعالم جديد
عسى يرجعلي النوم
عسى تغمض أجفاني
..................

حبيبي أنا كل هالسنين صابر
ليجي يوم أشوفك وردة في بستاني
حبيبي أنا مهما طال الزمان ناطر
مافي شي بيمحي اسمك
اسمك محفور بوجداني
يمكن هي آخر سفرة
يمكن هي آخر هجرة
يمكن صار لازم أنزرع شجرة
وصار لازم تنمو أغصاني
..................................
بتمنى شي يوم تطير مع الريح
توصل لعندي وبظلي تستريح
وتغنيلي غنية تنسيني أشجاني
أسمع ضحكتك ، أشوف بسمتك
أشم ريحتك وتتغير ألواني
وأدعي ربي يديم جمعتنا
بكل الرجا بوعدك يجود لساني

محمد عبد الوهاب جسري