مره واحد كان عايش بضيعة ضايعة سمع عن المدينة وقرر يزورها

وبيوم من الايام نزل عهالمدينة و بلش يتفتل فيها

بين الاسواء والمحلات و هون و هون

وهو بالطريق فات بوحده من حاراتها الئديمة

هدا من كتر ما مشي حس بالعطش

فكر انو يدء باب شي بيت بيطلب منهم يسئوه

بس بينو وبين حالو كان عما يفكر و يئول

والله بيحكو عن اهل هالمدينة انو بخلاء واكيد ما حدا رح يسئيني
المهم بعد حوار طويل مع نفسو قرر انو يدء على واحد من البواب

دء الباب فتحتلو وحده بتشبه فريال حماتو لعصام

ئلتلو خير يا اخي شو بدك جايينا بطئة الشوب

ئلها الله يوفئك انا غريب عن هالمنطقة وعطشت

ودئيت عليكم الباب وئلت بركي بتسئوني

ئالتلو اي ولو مو تكرم عينك والله فاتت على البيت

وجابتلو زبدية لبن باردة

هدا اخونا ما صدق على حالو حط الزبدية على تمو

وبدي يغب بهاللبن يغب لحتى خلص اللبنات

ئلها يسلمو ايديكي بس بصراحة ما كنت متوقع انو تسئيني
ئلتلو اوف ليش بئا ؟؟؟

ئلها لانو بيحكو انو انتو بخلا

ئلتلو ولا يهمك
بس هدول اللبنات جابون جوزي من شي جمعه وسلتت فيهم فارة ئلت لحالي منسئيك ياهم احسن ما نكبهن

هدا لما سمع هيك من ئهرو طبش الزبدية بالارض

ئلتلو ولي عليك شو ما فيك خير فوء ما سئيناك لبن



بتكسر النونية تبع الولد ؟!؟!؟!؟