إلى الأبد للأسف الشديد طالما مافي توعية وتربية صحيحة .. لأنو النت اسرع واقوى وسيلة للفساد اذا ما استخدمناه بشكل صحيح
وبرجع بقول الاهل هنن السبب .. يعني مثلا الاطفال الصغار لما ابوهن يجيبلن لعبة بيعلمو كيف يلعب فيا وانو يستخدما بشكل لطيف ومابيكسرا ولازم قبل كل هاد
يعطيه ثقة وصداقة وأمان .. ومن اللعبة بتجر بقى للبلاي للموبايل للكمبيوتر للنت وكلا على نفس طريقة الاستخدام

بس ازا اصلا تربية مافيه واسلوب الاب مع الابن او البنت كلو شتم ومسبات وعدم احترام ومافي لا امان وحنان ... شو بيتوقع ؟؟
البنت ينصب عليها والابن على حل شعره

وفي ناس لا والله مع قلة التربية بتلاقيهن هنن مربين حالن بحالن واحسن تربية كمان

نحن اي تقنية جديدة تدخل علينا اول شي اول شي نشوف سلبياتا ونلزق فيها !! وننسى الايجابيات والفوائد ...

للسيطرة على هاد الموضوع .. اولا لازم يكون اساس تربوي قوي يعني ( بيتعب ) يتعبو بالتربية بيرتاحو بعدين
متابعة دائمة طبعا مابقصد الكبسات الفجائية يلي بتسبب جلطة .. متابعة بسياسة

وانا عطول بقول شو مابتزرع ... بتحصد

موضوع مهم جدا ومو كل واحد فيو يسيطر عليه
مشكور اخي خالد