سامـرت بـراق شعانـي ضيـه
 خارج نطاق الصـوره الرجعيـه

يجذب سنا نوضه خيال الضامـي
 اللـي يعـس فجـوج الايحائيـه

فان كانه امطر علـم يـا عبـدالله
 والا اعتبرهـا مزنـة صيفـيـه

احاول اطوي لك تجارب عمـري
 وافل لك مـن مهجتـي مطويـه

عطني من عيونك فديـت عيونـك
 بسمعك ماهي عطـا ... عاريـه

لو تعلم لـي ضحكـة ممزوجـه
 مغيب شمس وصبح عيد الضحيه

كان امتطيت الجرح يـا خياطـه
 حتـى تشـوف ابعـاده النفسيـه

استر عن عيون الشماته جرحـي
 واقول وش هي طعنة الجنبيـه ؟

اكابر بصمتـي وافـل احجاجـي
 والناس ما تدري وش اللـي فيـه

تسمو صروح الراحه المنشـوده
 اللـي بلبنـات التعـب مبنـيـه

مغانم الدنيـا بحـر مـن دونـه
 اتــذود تيـاراتـه المـائـيـة

والادمي حظه على الماء شوعـي
 امـا طبـع و الا سلـم راعيـه

ما يدرك الغايـه سـوى متثبـت
 كم روحة ما جـاء بعدهـا جيـه

تبسم ونـادى الحيـاه تجـي لـك
 واعقد لصلفـات الطرايـق نيـه

واليا طعنت من الخلاف ادري انك
قدم العـرب والطعنـه الماريـه


لا تعرض الذمه علـى السوامـه
خلوك في رمضا وهم فـي فيـه

المال لو يشري ضميـر ابـن ادم
ما يشري اقلوب البشـر موليـه

انطقت لك من صمت فكري لوحه
إلـك التـأمـل والتـألـم لـيـه
فان غيبت شمسي صروف الدنيـا
انت الرجاء كله وشمسـك حيـه