القنوات بحس مالا مصداقية بنوب لأنو طريقة سهلة كتير والقنوات بتحط إعلانات كزب مشان تحرك الرسائل
بس بالنسبة للمواقع في كتير منا صادقة وخصوصا الي بتخلي الاشتراك بمصاري للذكور ومجاني للبنات
وبتكون بتراقب الرسائل الخاصة مشان ما يصير انحراف
وبعدين كلو بيبين بالنسبة للكزب لأنو الواحد مو معقول ما بيتعرف عالطرف التاني ويكون في فترة معرفة قبل ما ياخد قرار جدي
والمواقع بشوفا بعصرنا الحديث متل الخطابة بعصرنا القديم
يعني ممكن الواحد بيبحث عن البنت الي بتناسبو
وبشوفا طريقة عادية للزواج وما فيا شي ابدا ما دام الغرض شريف وهو الزواج على سنة الله ورسولو
وفي مواقع جديدة إلا اهداف سامية مثل تزويج ذوي الاحتياجات الخاصة وخصوصا هيك طبقة بالمجتمع بيعانو من صعوبة بالارتباط
وكمان في شغلة انو الي طالبين الزواج بيشوفو الي بناسب شخصيتن يعني انا مستحيل اقبل الاهل او القرايب يخطبولي بنت ما بعرف شخصيتا!!
برأيكن انو الزواج من بنت انت نقيتا وهي نقتك متل لما بدك تتجوز بنت نقتلك ياها امك ولا ما بعرف مين!!
هاد رأيي أولا واخيرا وكل منا إلو قناعتو
تحياتي