لك يوب مليون مرة قلتلك الاركيلة ما عاد تنفع تركا من ايدك هيك بضر حالك لك بابا بعدي بتعمل كتير امراض وتلوث بيئة اهم شي تلوث البيئة لك بابا

يا بابا خود مني نصيحة من اب لا ابنو بابا حشش احسن بكتير من الاركيلة اي اي حشيش لك ابني قبل كلشي ما بيعمل تلوث والو فوائد خيرات الله

اذا بيوم صحيت وشفت الماما كاتبة فاتورة طولها اكتر من متر وحاططة بباكيت الدخان تبعي لانو بتعرف مارح استغني عن حبيبة عمري وكل شوي مد ايدي على الباكيت واخد سيكارة اجباري بدي شوف الفاتورة ....شفطة حشيش وحدة بتنسى الفاتورة والطلبات وبتنتعش ذاكرتك وما بنجلط عد اول فائدة الحشيش ما بيجيب الجلطة منيح هيك

كمان شي يوم دينت حدا مصاري وصار كل يوم يعطيك موعد شكل ويتهرب منك كل يوم بحجة شكل وما يرد على تلفونو ويهرب كل ما يشوفك جاي ويغير طريقو شفطة حشيش وحدة بتخليك تنسى المصاري والعالم وبتمنعك من انك ترتكب جريمة هي تاني فائدة

اذا شي يوم تفرجت على قناة قيثارة او اي قناة وشفت الكاسيات العاريات وهنن عم يرقصو واذا شفت شي واحد حمار عم يغني وصوتو عم ينعق نعيق ومحسب حالو مطرب والعالم وارة بالالوف وطاولات فيا المشروب اكتر من المي وعم يرشرش مصاري على اقدام الرقاصات وبرا على باب المطعم بنت ميتة من الجوع ولابسة ثوب يادوب مسترها وبتقلو من مال الله وبقلا الله يعطيكي شفطة حشيش بابا بس بتنسيك الدنيا وبتمنعك انك تهستر وتجي تكتب خواطرك هون بالمنتدى واخسرك لك بابا

واذا بيوم صحيت الصبح وشفت انو الدولة عطت خازوق للشعب وهنن نايمين وغلو سعر البنزين خلال ست شهور مرتين شفطة حشيش بابا بس هي قويها شوي مشان ما تشعر بالخازوق وسلطن بابا سلطن

اذا بيوم هيك الله كتب عليك وتجوزت واجاك توم وصرت تشوف العالم قدامك كلن فرشة نوم او تخت لانو ما عم تقدر تنام للساعة الف وتطلع بالتكسي تنام بالمصعد تنام وتخربط بالبيت وتدخل بالغلط على بيت الحيران
والمكتب تنام على الكيبورد وتخربط بجمع الصندوق كذا مرة شفطة حشيش وحدة لك بابا بتعيشك بجو ولا احلى من هيك وبتخليك تنسى شي اسمو نوم وسلطن اذا بتسلطن

شفت لك بابا شلون الحشيش الو فوائد اكتر من الاركيلة حشش بابا حشش

اودعناكم يوميات محشش