اهلين ابو العربي
يا هلا ريماس خانم
شلونك بالكرسي مريح ولا ماهو مريح اذا ماهو مريح بجبلك كرسي من عندي رح ترتاح فيا اكتر ها
كيفك شو اخبارك باين عليك اليوم مشاء الله مبسوط ان شاء الله هيك ديما ضل على طول مبسوطوالله أحسن من هيك مافي ، أنا بحب التسطيح وهذا اجا بوقتو،،،
يعني ما بدنا منيتك(هههههه)
اي لنشوف شو نسئلكالحمد لله لحد الأن مبسوط، بس والله هالبال مشغول لأنو الأمتحانات على الباب والبال مو فاضي بالمرة
.....أدعيلي......
س1 :شو اسمك واديش عمرك ؟؟
س2:شو هوياتك المفضلة والمحببة إلك ؟؟الاسم : محمد عربي نبيل فتوح
(عربي مو العربي)ههههه
العمر:بكرة بفوت بعمر ال21
القراءة والأنترنت وطبعاً التصميم (كهوابة فقط) والأستماع الى الأناشيد
س3:شو نوع الرياضة بتحبا ؟؟
س4:انت نوعك عصبي كتير ولاعصبي ولا اقل من العصبية بشوي ولا مابتعصب ؟؟ مابتعصب بعتقد لازم استبعدا هالكلمةانا الصراحة قليل مروة يعني مو كتير رياضي، بس بحب كرة القدم شوي
وشكلت مع رفقاتي بالحارة (يلي متلي قلال مروة) فريق وكل جمعة بنلعب مع بعض من باب التسلية فقط
س5 :انا حسيت انت من نوع سريع الغضب شو رئيك ؟؟مافي واحد ما بيعصب، بس أنا ردود فعلي سريعة شوي ،ومابحب الغلط بالمرة،
واذا واحد ساوى شي غلط وشفتيني ساكت بيكون الدخان طلع من أذنيي من كثر الغيظ (مثل توم وجيري)
بالنهاية : ما بعصب على شي فاضي
بس على الأخظاء والمخالفات العقلية والشرعية وعلى الانتقاد الذي لا تؤدي الى نتيجة
س6:حابة اعرف شو اجابياتك وسلبياتك ؟؟هذا رأيك وأنت حرة فيو
وسبق وقلتلك عن وجهة نظرك فيي ، وأنو رح يجي اليوم يلي رح تتغير
س7:مستواك التعليمي ؟؟الصراحة ما حدا بيعرف حالو اذا ما شاف نظرات الأخرين الو... بس رح قول حسب ما بلاقي بحالي من سلبيات وما تركته فهو ايجابي،
السلبيات: -اتكالي شوي
- بحب القعدة كتير وخاصة التسطيح وما بعرف ليش يمكن حكم دراستي أنو على طول على الكمبيوتر وخاصة اللاب توب وين ما كنت بيكون معي
- بحب كرشي كتير وخاصة الحلويات
- لساني زفر شوي مو كتير
- صعب الاندماج بالأخرين من اول نظرة وكلمة، وأنخدع بالمظاهر مو كتير،
بس بعد التواصل معهم ومهما كان وضعهم اكون معهم كالأخ وهذه شهاداتهم
س8 :اذا شعرت بالحزن والغضب بتحكي مع صديقك وتفضفضلو ؟؟ولا بتفضل الجلوس لحالك ؟؟أخر هي السنة الدراسية بتصير بأيدي : شهادة هندسة الحاسوب والمعلوماتية
س9:تحب الانطوائية ؟؟ولاتحب جمعة الاصدقاء والشلة ؟؟حسب الموقف ، يعني كل مكان الو صديق والو موقف وبفضفض لهم شوي،
بس أنا كتومي شوي على يلي بصير معي....
وامبارح صار معي موقف من رفيقي بالجامعة ضل راسي يعجني منو طول اليوم وما ارتحت لحكيت لأصدقائي بالحارة وما فضي بالي لحتى نمت....
بقي سؤال لازم اكملن للعشرة !!بجب جمعة الأصدقاء اذا ما كانو كتار يعني كحد أقصى 5
وهذا بس لكون فاضي أو معطل اما اذا كان عندي دراسة أو شغل فبحب ضل طول الوقت لحالي وهذا من شان يصفى ذهني أكثر وأكثر
رح اعمل بريك مشان اضيفك شي شغلة
جاي على بالي اضيفك فطوري المفضل
هي كعك سوري مع مشلشل جبنة مع حتت كاسة شاي انما ايه توحفا
شو رئيك لاتقلي ماعجبك الفطور ترى بعسب هاايه شو هاد
تسلم ايدك
فعلاً تووووحفا
نرجع لسؤالنا الاخيرله له ما عاد أسترجي
س10:شو هدفك بالحياة وشو نوع تفكيرك ؟؟
خلاص حاج اسئلة خطي مابدي اتئل اسئلةطبعاً هدفي بالنهاية -مثل ماقلت لدمعة:- أني صير داعية إلى الله والإسلام باختصاصي
ولكن الأن أهدف الى تكوين نفسي مادياً -يعني اتخرج واشتغل وادفع البدل للجيش واتزوج وأمن البيت والشغل بسوريا ويكون عندي مورد كافي لحتى لا أحاج الأخرين-
ومن ثم أتفرغ للدراسة العلوم الدينية و الدعوة الى الله
أما التفكير فهذا السؤال الو أبعاد كثيرة، يعني كل شغلة والها نظرة بالنسبة الي
فاذا بدك حددي وانا ان شاء الله بجاوب
فاصل وبعدها نواصل
تاريها العقدة على الكرسي مو هينة وبدها تركيز وصفنة وبتضييق النفس
!!!!!!!!!!!!!!بس الصراحة يا ريماس عرفتي تسألي![]()
يا خير من دفنت في الترب أعظمه *** فطاب من طيبهـن القـاع والأكـم
نفسي الـفـداء لـقبـر أنـت ساكـنـه *** فيه العفاف وفيـه الجـود والكـرم
الذين يشاهدون الموضوع الآن: 2 (0 من الأعضاء و 2 زائر)
مواقع النشر (المفضلة)