مساء الورود على قلوبكم
لأن النبض الأول دائما .. شوق
ولأنني بعيد عنها عنوه .. كانت هذه الحروف ..!!


*

*

*

البارح وأنا فيك
سارح .. تذكرتك
وتدرين
سارح فيك
متى اشوفك .. ومتى التقيك
مابين دمعه
ودمعه ..!!
لهفة لضمك وتقبيل اياديك
ومابين همسه
وغصه ..!!
أصيح .. ياعمري بكره اجيك..!!
والله
عمره ماضاق صدري
بكل هذا عمري ..!!
ثلاثين عام ..
مازلزلتني الأيام..!!
الا البارح
وانا فيك سارح ..
خايف الموت ياخذني
وانتي بعيده عن حضني ..!!
وتدرين
انا كل حلمي ..!!
أخر من تشوف عيوني
بنتي..!!
وبعد الموت
اللي يسكر جفوني
انتي ..!!
يامحلا الموت
اذا انسكبتي على صدري
ودمعك .. لطم خدي
وتبكين .. يبا .. يبا
من لي بعدك .. يابعدي
وتنطق روحي .. بنفسها
الأخير ..
بنتي .. حبيبتي .. هذا جمل مصير
انا رايح .. لأمك
وحشتني كثير ..!!
وصحيح انا احبك
بس هي حبها .. الكبير
ويزيد صياحك
ودمعك الغزير ..
وتقولين .. يبا
خذني معاك .. وش تسوى الدنيا بلاك
انا مالي غير قلبك
وحبك ..
ياتعيش معاي
او.. يحفرون قبري
بجنب قبرك ..!!