صح متل ماسمعت نانو هون
بس لان عندي مشكلة مارح تقل عليكي الاسئلة كم سؤال وانشاء الله يكونو خفاف وبنات حلال
اول شي طمينا شو اخبارك كيفك عساكي بخير ايامك واحلامك وين عم تروحي وين عم تجي شو عم تاكلي شو عم تشربي كيف الجوعندكم كيف دراستك كيف الاهل انشاء الله كلهم تمام
مابدي طول نبتدي مع ام النان
اهليين اخي ماهر
1: نوع جوالكـــــــــــ
عندي نوكيا وسامسونغ
2: شو بتحبي بلشاب
يكون مهذب وخلوق
3: شو تكرهي بلبنت
تكون غليظة ومتصنعة
4: يوم تكرهيه
جاوبت من شوي
5: يوم تحبيه
كمان جاوبت فوق شو ما قريتون
6: شو تحبي تتابعي افلام
بحب الافلام الاميركي وخاصة افلام ساندرا بولوك وجوليا روبرتس
7: مطرب مفضل
فضل شاكر
5: ممثل او ممثلة مفضل
ممثل سلفستر ستالون وجورج كلوني وقلتلك الممثلات مين
6: شو رأيك ب دمعة فرح_ اراميس_ احلى دانة
دموعة صديقتي الجيدة عالمسنجركتير ظريفة اما اراميس شخص باين عنو انسان راقي ومحترم كتير.. أما احلى دانة متل اسما احلى واروع دانة
7: شو طابخين اليوم
مجدرة وسلطة تفضل
8: كيف علاقتك انتي والمطبخ
ييييي ابداًما بحب فوت عالمطبخ بس وقت بطبخ طبخي ماشي حالو بيتاكل هههه
9: كل كم يوم تنزلي السوق
انا ما بحب نزلت السوق إذا مالازمني شي ضروري مابنزل
10: لو نزلت يللسوق كم ساعةممكن بدك لحتى تشتري القطعة الي تعجبك وممكن يصير بينك وبين البائع مشكلة ولا فورا تشتري يعني تحبي الجدال
لالا ابدا مابحب الجدال بس ذوقي كتير صعب بالتياب ما بخلي وكالة ولا بسطة ولا محل إلا بدور حتى لاقي شي يعجبني
11: احكينا شي قصة صغيرونة تضحك ههههه صارت معك بلجامعة او البيت
مرة نامو كل اهلي وانا وأخي قاعدين وكل شوي يقللي نانو ما بدك تنامي وانا قلو لآ وبنظرة شريرة مني ليش لوين بدك تروح وهو لالامابدي روح محل... انا بعدشوي عملت حالي نايمة فراح اخي على غرفة بابا وماما وأخد مفاتيح السيارة وراح انا مالحقت ألحقوواخي لامعو شهادة وما بيعرف يسوق منيح وأنا من خوفي علي فيقت بابا وقلتلو خالد أخد السيارة انا فكرت بابا رح يضحك بس جن جنانو وأعدبالصالون وعلى دخان هيدا قبل مايبطل الدخان طبعاً واناصرت قول لبابا: بابا حباب ما تحكي شي بابا منشاني حسيت حالي أكبر شريرة بالعالم لاني طقيتلو برغي... وقت إجا خالد أكلها بهدلة قياماًوقعوداًوقلي ماشي يانانو إذا بعلمك السواقة ....بس علمني بعدين قلبو طيب وأنا بتمنى يكون عندي جرأة اخي خالد وأسرق السيارة متلو قبل مايصير معي شهادة
12:شو رأيك بلمنتدى والاعضاء
المنتدى مافيني احكي عنو بعدين بتفكروني من بيت فستقأما أعضاء المنتدى الكل ناس مافي متلون يعني الحمدلله ضامم النخبة من فن وفكر وشعر انشالله بيضل هيك
13: لو احد دخل باسمك للمنتدى شو ممكن تسوي
ما فينون
14:لون مفضل لدى نانو
بحب الزهري
15:لو جيت وطلبت منك تدينين كم ليرة لاخر السنة شوردك
تكرم عينك
16: ايمتا تنامي
مابحب السهر أبداًهلآبالعطله عم اسهر كتير 1واحيانا2 بس وقت الدرس من 11بكون بسابع نومة
17: ايمتا تصحي من النوم
بالعطله 10 الصبح ووقت الدرس 6 بكون فايقة
18: شو بتسوي قبل ماتنامي
كتير أحيان بصلي ركعتين قبل ما نام
19: شو بتسوي بعد ماتصحي
بعمل فطور لبابا مع انو ما بيفطر بس ما على كيفو.. اللي بطلو الدخان بيستاهلو دللون يقبر البي
20:خلفية جهاز الكمبيوتر شو هي عندك
ويندوز 7
21: كم مسنجر عندك
2هوت ميل و1****
22: كم شخص مضاف عندك
حالياً20
بصلي ورتب اموري واتعشا وبرجعلك
والاسئلة على قد المحبة
وأنا لازم صلي العشي وبرجع انشالله
اذا غامرت في شرف مروم فلا تقتع بما دون النجوم
فطعم الموت في امر حقير كطعم الموت في امر عظيم
الذين يشاهدون الموضوع الآن: 5 (0 من الأعضاء و 5 زائر)
مواقع النشر (المفضلة)