مرحبا جميعا وارجو انو تتقبلو رأيي... أنا شايف انو الجامعات صارت بؤرة للعلاقات الاعاطفية اكتر منو للدراسة , يعني منشوف الشب المسكين وهو علقان وطابس وهو عم يشوف الاحمر والاخضر ومو جاهز للزواج وقدامه مشوار طويل وعم يخليه يعيش بضغط نفسي أما البنت الحلوة فالتنافس عليها على أشده ولازم تتطلع باخر طرز . اما الضحية المسكينة أكتر فهو البنت اللي مو حلوة اللي بتنظر بحسرة على الحلوة وبتحقد عليها وبتشوف كيف الشباب متل الدبان عل الاكل المكشوف . وبالتالي كله خسران حياته ودراسته , واللي بظن انو الغرب متقدم علينا مشان هيك بيكون متوهم لانو الغرب ماعندو اخلاق ولا مرؤة ومستعد يبيع شرفه مشان الدنيا.هاد غير انو البنت بالجامعة صارت موضع شك وصار حتى الشب اللي كان على اساس فري وعقلو منفتح مابيقبل بوحدة عم تحكي مع اكتر من شب وما بأمن عليها الا اذا كان بدون احساس