عتبان قلبي على البشر كلها

يا بيت جدي ضاع المفتاح وابوابك بتبكي على اللي راح
ما ضلّ طعم ولون قلي شلون
يا بيت جدي ماتت الافراح
ليش الغدر والحقد عبا الكاس والادمي كل يوم عم ينداس

يا سامعين الصوت وين الناس صار الاصيل بحارته سواح
عتبان قلبي على البشر كلها نسوانها ورجالها
كبارها وصغارها وشايلين حمالها والي زرع فينا البلاوي وهج وتخلى
عتبان قلبي على البشر كلها
رضيان قلبي بس على الي تمسمروا لا فرطوا ولا تورطوا فيهم جمال الكون يتجلى
عتبان قلبي على البشر كلها

كلو من ايدينا يا حسرا علينا سكرنا بواب المحبة وعلى الغربة تربينا
كنا يا دنيا جيران حيطان تساند حيطان
بحارة كبكوبة خيطان ملفوفة علينا

هجو الي هجو واعطونا وضلو يلي ضلو يحمونا
تاري كل شي بيشبه كل شي لامونا جنينا وكلو من ايدينا

بدنا بيت بدنا بيت يسع الكل بلكي بداوينا من الذل
ونرجع ناس وما تنداس الكرامه الي فينا
______________________