ابدأ بالجزائري ( نجمة قطبية)
نجمة قطبية طلت عقب الليل عليا
سمرة خمرية جرحتني بعيون غزالة
شهلت عينيا من ذيك الخزرة المذبالة
قلتلها مرحى ضحكت عينيها بالفرحة
قالتلي صحة و المبسم جوهر يتلالى
وملك بسبحة ينطق بحروف البسملة
يالون الغنجة انتي بنت الام البهجة
بنتي من اللهجة بنت القصبة يا خبالة
ونطقت الغنجة وخزرتني وقالتلي لالا
ويالون التمرة انتي بنت خيام الصحراء
بنتي من النظرة صحراوية بنت غزالة
ونطقت العذراء وخزرتلي وقالتلي لالا
قلتلها ساهل نقرا في عينيك الاصل
بنت القبائل يا طفلة ناسك رجالة
والزين الكامل خزرتلي و قالتلي لالا
يازين البية قلتلها اصلت غربية واه
بنت الحمرية يا طفلة ناسك قوالة
و نطقت الوخية وخزرتلي وقالتلي لالا
قولي يازينة اصلك ما يخفاش علينا
بنت قسنطينة بنت العلم وبنت الالة
وضحكت الحنينة و خزرتلي وقالتلي لالا
نطقت البية وقالتلي:
اصلي عربية
جزائرية وبلادي في كل عمالة
واسمي الحرية
والي كسبوني رجالة
وهذا شرح لبعض الكلمات في الاغنية
الخزرة = النظرة
خزرتني = نظرت الي
لالا = لا
طفلة = بنت
ناسك = اهلك
رجالة = الرجولة
قوالة = لسانهم حر و كلامهم فصيح وجميل
واه=تعني نعم تستعمل بالغرب الجزائري
القبائل=هي منطقة لي يعيش فيها الامازيغ*متل بجاية*تيزي وزو*البويرة
البهجة=اسم للجزائر العاصمة
القصبة=هو حي عتيق في قلب الجزائر العاصمة
غربية=يقصد بيها منطقة الغرب الجزائري
الوخية= الاخت
الحمرية=يقصد بها سيدى الحمري ولي بمدينة وهران
قسنطينة=مدينة عريقة في شرق الجزائر
عمالة=المقاطعة او الناحية
البية=كناية عن اسم امراة
kadiro