ثوب الحزن بفراگك لبسنه
 وثگيل الطبع طبعه لو لبسنه؟؟
 ولك خدك ماوصلناله لا .. بسنه
 تزعل ليش يمدلل عليــــه؟



غرامك اثر بالعشگ وداره..
 هجرت الي تعب وياك وداره..
 سمعت بقيس عاف اهله وداره..؟
 حملت الضيم وهمومك سويه

حبيبي شرد اسولفلك...ولگدر
 والهموم مبن ماعاين...ولگدر
 الي چان وكتي ...ولگدر
 وصرت انته والوكت عليه



نوبه حلوات الليالي نوبه...مرات
 وحبيبة الروح علي ما...مرات
 مو مره الخنتي يحبيبه...مرات
 تخونين وتصح بيه الاذيه !!

حلو إسمك وأبوك شلون سماك
 حبيبيك لو زعل وياك سماك
 صرت سمچة وانت الصرت سماك
 لو طحت بحنانك إعطف عليه




وحگ عيسى وحگ مريم والاحد
 بعدهم ما تهل عيني عله احد
 حفر گبري من اخذ روحي ولحد
 وقروا الانجيل من صلوا عليه

مره اشوفكم مشمش...مرتين
 وكلبي مو مره حب...مرتين
 العنده مرة هلكان وانه...مرتين
 وحده ترفع والثانيه تكبس بيه

( متجوز 2 يعني هههههههه )




فراگك هدني ولا خله بيه ابد حيل
 وكــل مــن اشكيله يگلي يستاهل والف حيل
 كلما تدوس على گلبي اگولن بعد حيل
 دوس وخلي الوجع يزداد بيه

أزعل يا وطن وارجع اراضيك
 وحن بغربتي لناسك واراضيك
 بغير الفرح صدگ ما ارى ضيك
 واذا مَرك حزن احسه بيه