كان العمر كله صفا وكنا سوا وليل وسهر
والنور عم يمشي حفا ويفارق غصون الشجر
انت وانا ونسمة جفا هبت على الحلم انكسـر
قنديل هالليل انطفى وين القمر ما في قمر
يا شوق يحرم الغفا يا مرخص دموع البشر
يا حب لمحة واختفى مـا عـاد شـفت له اثر
يا برد عم يلغي الدفى يا دموع عم تمحي الصور
حكمة وما كنا نعرفها انو القـــدر هو القـــدر
شو صعب يا درب الهوى يا زارع بقـلبي التعـب
مش هم ما عدنا سوى ولا هم نبرم عالسـبب
المهم من بعد الغرق ننسى العذاب اللي مرق
بعدك يا قلبي اللي احترق مغروم حرقــك بـاللهـب
من وقت ما الكون ابتدى كانــوا اتـنـيـن بهـا الدنـــي
ما كان فيه غيرن حدا ولا ينطفـي الحب الهـنـي
قلبن على الشوق اهتدى وصارت سنين تسرق سني
صار يوسع هالمدى والبعــد يكـبر بالدني
واليوم صرنا ع الهدى نحــرق حــياة مزيـنة
ما ظل بالورد ندى ولا في غصن عم ينحني
وبقيت وحدي ما عدا احــــلام عـمـر الولـــدني
لا صوت حتى ولا صدى يـنــده ويســـال شـو بني
شو صعب يا درب الهوى يا زارع بقـلبي التعـب
مش هم ما عدنا سوى ولا هم نبرم عالسـبب
المهم من بعد الغرق ننسى العذاب اللي مرق
بعدك يا قلبي اللي احترق مغروم حرقــك بـاللهـب
الذين يشاهدون الموضوع الآن: 4 (0 من الأعضاء و 4 زائر)
مواقع النشر (المفضلة)