كيف ممكن تعرف " الســـوري " ... من بين 1000 واحـــد .. ؟؟!!!










- لو صليت بـ مكان وبعد الصلاة .. يلي جنبك مد ايده وقلك : " تقبل الله " ....
يبقى سوري

- إذا سمعته بعد ما يضحك كتير عم يقول " خير اللهم اجعله خير " ...
فـ تأكد أنه سوري

- لما بتشوف واحد مسنود على سيارتك واول مايشوفك بيبتسم و بيقلك : " لا تواخذنا "....
يبقى سوري

- لو دخلت عليه وكان بياكل - ولو حتى سندويشة فلافل -
بيقلك : " اتفضل " .. ويعيدها عليك مرتين او ثلاث مرات ....
معناها هاد سوري

- لما بتشوف ست كبيرة بالعمر ... عم تدعيلك و انت مو ابنها و لا حتى بتقربها ...
تأكد أنها سورية ...

 - لو دفعت حق غرض اشتريتو من محل وصاحب المحل قلك : " الله يرزقك ويعوض عليك "....
يبقى سوري

- لما بتكون بـ مطعم وبتسمع الأصوات عليت .. كل واحد فيهم بيحلف إنه يدفع عن التاني ....
معناها هدول سوريين

-لما بتشوف المسلم بيسلم على المسيحي وبيشتغل معو وبيوقف جنبو بأي شدة ...
يبقوا سوريين

-لما بتلاقي الواحد عم يقول دايما " الحمد الله " رغم أنو ما في شغل و الاحوال تعبانة .....
هاد الواحد حتما سوري


هاد السوري يلي وين ما راح ... بيرفع راسنا والناس بتحلف براسو .....





لما بتشوف واحد ريحة كفو حبق و ياسمين ...
و بلدو محفورة بـ قلبو متل الوشم ..
واسمها عم يضوي بـ عيونو ..
و دايما عم يدعيلها بـ صلاتو ..
و دايما بيرفع راسو و بيحط على جرحو ملح ...
و دايما بيبقى معتز بكرامتو و املو بـ الله كبير ... مهما جارت عليه الدنيا و الأيام ..

اطلع بعيونو منيح .......
وخود منهن شوية عزة .....
لأنو هاد ...
أكيــــــــــــــــــــد ســــــــــــــــــــوري







الله يحميكي و يحمي ولادك ... يا سوريـــــــــــــــــــا