الاتجاه المشاكس

[انس.]

لنشاهد معا العشر دقائق الاخيرة من حلبة الاتجاه المشاكس بين بطل الشتائم وبطل البوكسات والحكم الدولي الدائم ابو القواسم .... ....ابقوا معنا بعد الفاصل .... :::::::::: :::::::::::::: انتهى الفاصل يتابع ابو القواسم مع الضيف الاول : يعني انت من اول الحلقة جاية عم تحكي خطابات وعلاك مصدي ....... هيك الايميل يلي امامي عم يقول .... بعدين هاد التيس يلي قاعد مقابلك قال عنك انك راكب امواج الثورة وانك وصولي و هربان من السفينة الغرقانة وان شعاراتك الثورية هي غطاء لداخلك الشرير فانت منتفع لص حاقد شرس وهذا فاكس امامي يقول انك حيوان منقرض وبغل نظامي لست انا من يقول هذا الكلام .....الفاكس يقول ذلك ... ..بعدين صرلك ساعة عم تحاضر علينا بالاخلاق وانت واحد وسخة مابتسوى فرنك وقت الغلا ..كما يقول متابعون...... ...هنا الضيف يحاول المقاطعة فلايسمح له ابو القواسم قائلا دقيقة ....دقيقة يااخي ( بعصبية )ساعطيك المجال ساعطيك لكي ترد ولكن جاوبني على هالسؤال يعني .....لماذا انت لاترى كل مايحصل ......هل ضميرك ميت؟؟؟؟؟ الا تملك احساس او قلب؟؟ هل انت حمار ؟؟. ....انت حمار لاشك ......وكل ماهنالك من هذا الكلام لست انا من يقول ذلك....... ضيفي الثاني قالها الضيف الثاني مقاطعا :انا لم اقل عنه انه حمارا فيرد ابو القواسم: قلت بما معناها يا اخي هلق انت بدك بتوقفلي على الحرف .....قلت انه لا يفهم ....يعني حمار بعدين بالمقابل وبالاتجاه المعاكس :يعني انت تتحدث بالتاريخ صرلك ساعتين ايه شو جاية تعطينا دروس انت ...خلينا بالواقع هلأ هو يقول عنك انك ...قومجي كاذب ...انبطاحي ثرثري.....متسلق طفيلي بيروقراطي متخلف .....عديم الوجدان ....مافيك ذرة انسانية شايل مخك بالخزانة ومركب صندوق بويا وفرحان على حالك وعم تتفتل في وقال انو مافيك ذوق.... لك ياراجل ......ياراااااااجل..... حدا بيلبس كرافة حمرا على جاكيت اخضر..؟؟؟؟....يتسائل مراقبون ..... ويمكن قال عنك حيوان وبهيم لم اعد اذكر ...بس لو ماقال هيك مو مشكلة ..هلأ اجاني ايميل بهالمعنى....... كيف ترد على هذا الكلام ؟؟ رد يا اخي رد. انا جايبك مشان ترد رد قبل ان يداهمنا الوقت هنا يخلع الضيف والمفروض انه خريج السوربون. ...حذائه مهاجما خصمه انا حيوان يا ..ابن هيك وهيك.. ..والضيف الثاني يخلع حزامه ومن طرف البكلة على راس عدوه والمصور وابو القواسم بياكل نصيبو كمان ومع ذلك ومع نهاية الحلقة تظهر اسنان ابو القواسم من شدة الفرح وتبدو السعادة والحبور على وجهه قائلا يا جماعة يا جماعة طولوا بالكم ......مابصير هيك نزعتولنا الحلقة ......؟؟!! اخ اخ يا عيني مشاهدي الكرام في نهاية المعركة ..... لم يبق لدي من الشتائم مايذكر فقد وفيت وكفيت والشباب ماقصروا كل واحد شتم وسب لشبعت تمام والله ماقصروا حتى انو طلعوا عن النص وضربوا بعض طيب لم يبق بوسعي الا ان اشكر ضيفيني الدكتور واصل الواسطة من السوربون والدكتور غيفارا العربي من جامعة وسط واشنطن .. ( سلموا سلموا على بعض......... بوسوا::::::::::شوارب بعض ) ....هذا ابو القواسم يحييكم من الدوخة الى اللقاء (مع رفعة حواجب وزمة تم ...... )