من انا ومن انت

[انس.]

جرى الاستفتاء التالي مع انا وانت وانتم في مكان ما وكانت الاجابات مختلفة ::: ......... هل انت ......انت؟ لا .....انا ابن الجيران..... ........ هل انت ........انت؟ ايام بحس انو انا مو انا ..... ....... هل انت ........انت؟؟ شو يعني !! يعني انت تعيش وتتعامل مع الناس كما طبيعتك انت ؟؟ شوف ايام بعيش متل مابدي وايام بعيش متل مابدا الناس ....... هل انت ...... انت ؟؟ احيانا بحس حالي مخنوء وانا مو انا ليش هيك عملت ؟ ليش هيك عصبت ؟يالطيف شو ندمان؟؟ وايام بقول لحالي ليش سكتلو مافي بالعادة حطا واطية مابعرف شو صرلي ...حسيت حالي مو انا ....... هل انت .....،.انت ؟؟ بحب عيش حياتي متل مابدي وعلى كيفي بس احيانا بضطر جامل فلان واضحك لعلتان وساعتا مابكون انا ..... بس هيك احسن بلا مشاكل ........ هل انت ......انت؟ نعم سيدي .....انا ...انا دائما لا البس وجهين ولست مضطرا لجامل حدا مبادئي لاتسمح لي ان اكون الا انا انا بقول للاعمى انت اعمى بعينك هيك الله خلقني ؟؟ بدج الدجة دج ........ هل انت .....انت ؟؟ ايه انا .....انا غالبا ورضيان عن حالي بتعرف .....احيانا بحب اطلع من جلدي وصير انا مو انا يعني صير انا واحد تاني مشان شوف هاد التاني كيف بيشوفني يعني مشان اعرف العالم كيف بتنظرلي !!! كيفك فيا ..؟؟؟ ...... فهل انت ......دائما انت ؟