أيها الرجل ... دعها تعشق دنياك

[SH.A.M.Y]

فقط قل لها : أحبــــــــــك ..
أشعرها أنك ترغبهـــــــــا ..,
تهـواهـــــــا ..,
تدور في فلكهـــــا ..,
تعشق دنياهــــــــا .. لـــ تعــشــق هي دنيـــــــــــاك

إختي رورو هيي آعدة بالفي والمي وعم تتونَّأ!
وأنا عم إفطس بالشوب والرطوبة,
فما بستاهل إسمع منها: أحبك؟
وما بستاهل تشعرني إنها بترغبني وبتهواني وبتدور في فلكي؟!
لك أنا بعشقها هيي شبدي بدنياها, وبدي هيي تعشقني أنا وتحل عن دنياي!

ما بعرف ليش دائماً المواعظ بتسلت فوء نافوخ الزوج وحدو:
إعميل لمرتك هيك! ولا تؤول لمرتك هيك!
وإنضرب على ألبك هيك! هي بنت الناس بين إيديك!
وهالمصخم أعوز بالله مو إبن ناس بنوب!
كأن الرجال مو بشر إلو مشاعر كمان!

والله أنا من أنصار المرأة المتطرفين,
بس لما بينطلب مني إرضي غرور أنوثتها, وما بينطلب منها ترضي رجولتي
بحس إنو المراد من هالحكي تفهيم الرجل إنو الله ما خلؤو إلا لحتى يدلل المرأة فقط لا غير!
الظاهر إني رح بطل عن الجواز!

منشان الله ما تآخزيني على صراحتي, وإزا دايئك ردي مستعد وحياتك إحذفو.